ꓜꓲꓽ ꓜꓲ ꓑꓰꓹ ꓑꓰꓹ ꓠꓶꓸ ꓒꓽ ꓔꓯ ꓬꓲꓸ ꓠꓸ ꓥꓰꓸ (ꓲꓸ ꓡꓸ ꓥꓰꓸ- castration) ꓩꓴ ꓠꓹ ꓟ ꓙꓵꓽ ꓗ ꓔꓯ ꓑ-ꓗꓲ-ꓢꓲ-ꓔ ꓗꓴꓷꓼ ꓑ ꓫꓬ ꓝꓲ ꓓꓴ ꓐꓴ ꓖꓪ ꓙꓱ ꓜꓲꓼ ꓓꓴ ꓓꓽ ꓟ ꓗꓪ ꓐꓰ 2021 ꓘꓳꓼ 11 ꓦ 17 ꓠꓬꓲ ꓕꓯꓽ ꓠꓲꓹ ꓧꓳꓹ ꓗꓷꓳ꓿
ꓤ ꓟꓶꓼ ꓤ ꓐꓰ ꓤ ꓠꓱ ꓐꓴ ꓔꓯ ꓜꓲꓽ ꓜꓲ ꓑꓰꓹ ꓑꓰ ꓠꓶꓸ ꓚꓽ ꓢꓴ ꓐꓴ ꓔꓯ ꓟꓯꓼ ꓑꓳꓡꓲꓚꓰ ꓡꓰ ꓠꓯ ꓞꓲꓼ ꓚꓱꓹ ꓚꓸ ꓚ ꓕꓳ ꓶ (medical test record) ꓕꓵꓼ ꓡꓵꓸ ꓙ ꓖꓶ ꓔꓸ ꓢꓲꓸ ꓕꓲ ꓖ ꓗꓪ ꓕꓱ ꓡꓱꓳ ꓫꓵꓽ ꓥꓶꓸˍ ꓟ ꓒꓬꓱꓼ ꓡ ꓠꓬ ꓠꓯ ꓞꓲꓼ ꓢꓷꓸ ꓠꓲꓹ ꓚꓱꓹ ꓗꓪ ꓐꓰ ꓔꓯꓺ ꓠꓬꓲ ꓠꓹ ꓟ꓾ ꓝꓮꓲ ꓕꓱ ꓡꓱꓳ ꓫꓵꓽ ꓚꓱꓹ ꓔꓯ ꓫꓵꓽ ꓘꓶꓽ ꓖꓴ ꓗꓪ ꓐꓰ ꓦ ꓐ 4 ꓟ ꓕꓯꓽ ꓢꓲ ꓟꓽ ꓪꓽ ꓐꓶꓽ ꓡꓰ ꓡꓰ ꓫꓵꓽ ꓘꓶꓽ ꓠꓹ ꓟ ꓙꓵꓽ ꓗ ꓗꓪ ꓐꓳ ꓔ ꓡꓳ꓿
ꓕꓲ ꓧꓪꓹ ꓕꓯꓽ ꓢꓲ ꓜꓲ ꓜꓲ ꓑꓰꓹ ꓑꓰꓹ ꓠꓶꓸ ꓒꓽ (rapist) ꓔꓯ ꓠꓬ ꓠꓯ ꓞꓲꓼ ꓚꓱꓹ ꓗꓪ ꓐꓰ ꓬꓲꓸ ꓠꓸ ꓥꓰꓸ ꓩꓴ ꓓꓴ ꓥꓳ ꓐꓯ ꓔ ꓡꓳ꓿
ꓑ-ꓗꓲ-ꓢꓲ-ꓔ ꓗꓴꓷꓼ ꓗꓪ ꓤ ꓟꓶꓼ ꓤ ꓐꓰ ꓤ ꓠꓱ ꓐꓴ ꓔꓯ ꓜꓲ ꓜꓲ ꓑꓰꓹ ꓑꓰꓹ ꓠꓶꓸ ꓢꓴ ꓐꓴ ꓗꓪ ꓐꓰ 100 ꓣꓳ ꓙꓳ ꓠꓬ 4 ꓣꓳ ꓛꓲ ꓔꓯˍ ꓡꓰ ꓐꓯ ꓟꓴ ꓘꓶꓽ ꓪ ꓡꓰ ꓡꓳ ꓐꓯ ꓡꓳ꓿
ꓢꓳꓴꓣꓚꓰꓽ ꓦꓳꓮ
