ꓛꓼ ꓪꓳꓼ ꓟꓬꓱꓽ ꓑꓶꓸ (Dragon Fly Project) ꓐꓱ ꓶ ꓟꓵꓽ ꓗꓳꓹ ꓓꓵ ꓓꓵ ꓗꓪ ꓟ ꓟꓬ-ꓟ ꓐꓴ ꓡꓰ ꓔꓲꓺ ꓖꓶ ꓡ ꓟ ꓔꓲꓺ ꓒꓴ ꓓꓳ ꓡ 22 ꓢꓯꓹ ꓪ ꓡꓰꓳ ꓐꓰ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
ꓟꓬꓱꓽ ꓑꓶꓸ ꓕꓱ ꓟ ꓠꓬ꓾ ꓟꓬ-ꓟ ꓟꓯꓼ ꓐꓴ ꓡꓰ ꓑ ꓫꓬ ꓔꓯ ꓙꓱ ꓦꓲ ꓗꓪ ꓐꓰ ꓐꓶ ꓔꓬ ꓟ ꓔꓯ ꓗꓽ ꓙ ꓓꓴ ꓙꓱ ꓦꓲ ꓐꓶ ꓡꓽ ꓛꓴꓸ ꓪꓴ ꓠꓹ ꓟ ꓥ ꓡꓳ꓾ ꓐꓯˍ ꓡꓳ꓿ ꓟꓯꓼ ꓙꓱ ꓦꓲ ꓔꓯ ꓛꓼ ꓪꓳꓼ ꓐꓰ ꓔꓯꓺ ꓥꓳꓽ ꓐꓯ ꓔꓸ ꓢꓲꓸ ꓛ ꓪꓳꓼ ꓐꓶ ꓞꓰ ꓓꓴ ꓐꓱ ꓶ ꓙꓽ ꓖꓶꓽ ꓔꓬ ꓟ ꓥ ꓡꓳ꓿
” ꓓꓳ-ꓡ 6 ꓢꓯꓹ ꓪ ꓠꓹ ꓟ ꓬꓰ ꓑꓶꓸ ꓬꓰ ꓟꓽ ꓑꓶꓸ ꓪꓴꓸ ꓔꓴ ꓗꓷ ꓥ ꓟꓲ ꓬꓲꓸ ꓟꓶꓽ ꓗꓪ ꓠꓬ ꓓꓳ-ꓡ 2259,126 ꓜꓲꓼ ꓪ ꓡꓰꓳ꓿ ꓟꓬ-ꓟ ꓑ ꓫꓬ ꓠꓲꓹ ꓡꓱ ꓢꓯꓼ ꓪ ꓥꓳ” ꓐꓰ ꓙꓱ ꓦꓲ ꓐꓶ ꓡꓽ ꓛꓴꓸ ꓪꓴ ꓠꓹ ꓟ ꓒꓴ ꓧꓪ ꓧꓳꓽ ꓪꓴꓸ ꓟꓴ ꓢꓴ ꓑ-ꓢꓯ-ꓡꓳ ꓡꓰ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
ꓟꓬ-ꓟ ꓟꓯꓼ ꓠꓬ ꓑ ꓫꓬ ꓔꓯ ꓡꓳꓸ ꓙ ꓗꓽ ꓙ ꓠꓹ ꓟ ꓟꓬꓱꓽ ꓔꓯ ꓡꓳꓺ ꓩꓴ ꓢꓲ ( ꓟꓽ ꓢꓷꓸ ꓡꓰ ꓢꓲꓸ)꓾ ꓙꓵꓽ ꓪ ꓦꓴ ꓜꓴ ꓐꓱ ꓶ ꓑ ꓫꓬ ꓔꓯ ꓢꓰꓼ ꓔꓬ ꓟ ꓦꓬꓼ ꓠꓬꓲ ꓥ ꓡꓳ꓿
“ꓟꓬ-ꓟ ꓟꓯꓼ ꓔꓯ ꓑ ꓫꓬ ꓐꓴ ꓧꓪꓸ ꓠꓲꓹ ꓫꓵˍ ꓟ ꓠꓲꓹ ꓟ ꓠꓬ ꓪꓴꓽ ꓡꓳꓹ ꓬꓰꓳ꓿ ꓕꓱ ꓕꓲ ꓧꓪꓸ ꓠꓽ ꓟꓽ ꓧꓪꓸ ꓓꓴ ꓟꓽ ꓙꓳ” ꓐꓰ ꓑ-ꓢꓯ-ꓡꓳ ꓡꓰ ꓐꓳˍ ꓡꓳ꓿
ꓟꓲ ꓠꓯ ꓗꓴꓷꓼ ꓐꓴ ꓥ ꓟꓲ ꓟꓬ-ꓟ ꓑ ꓫꓬ ꓔꓯ ꓬꓴ-ꓗ-ꓣꓲꓸ ꓗꓴꓷꓼ ꓔꓯ ꓬꓰ ꓙ ꓟ ꓡꓰ ꓐꓰ ꓬꓰ ꓙ ꓗꓸ ꓟꓽ ꓘꓳꓽ ꓔꓬ ꓟ ꓦꓬꓼ ꓠꓬꓲ ꓥ ꓡꓳ꓿ ꓮ ꓡꓲꓳ ꓐꓯ ꓠꓬ ꓬꓴ-ꓗ-ꓣꓲꓸ ꓔꓯ ꓠꓬ ꓠꓱꓸ ꓐꓯꓼ ꓕꓲ ꓗꓴꓷꓼ ꓣ-ꓫꓸ ꓡꓰ ꓢꓰꓼ ꓡ ꓔꓬ ꓟ ꓥ ꓢꓲ꓾ ꓟꓬ-ꓟ ꓑ ꓫꓬ ꓔꓯ ꓠꓬ ꓡꓳꓸ ꓙ ꓠ ꓗˍ ꓟ ꓚꓲꓸ ꓛꓬ ꓟꓯꓼ ꓡꓰ ꓙꓱ ꓦꓲ ꓗꓪ ꓐꓰ꓾ ꓔꓲꓼ ꓟꓳ-ꓓꓳ ꓗꓪ ꓐꓰ ꓢꓰꓼ ꓔꓬ ꓟ ꓥ ꓡꓳ꓿
ꓛꓽ ꓪꓳꓼ ꓟꓬꓱꓽ ꓑꓶꓸ ꓐꓱ ꓶ ꓔꓲꓺ ꓒꓴ ꓧꓪ ꓜꓲꓼ ꓟ ꓔꓯ 3 ꓦ 30 ꓠꓬꓲ ꓗꓪ ꓐꓰ 4 ꓦ 10 ꓠꓬꓲ ꓗꓪ ꓛꓲ ꓬꓰ ꓗꓷˍ ꓟ ꓥ ꓡꓳ꓿
ꓮ ꓧꓪꓹ ꓙꓱ ꓦꓲ ꓐꓶ ꓓꓴ ꓪꓴ ꓪ ꓡꓰ ꓢꓲꓸ ꓐꓶ ꓞꓰ ꓐ ꓡ ꓠꓬ꓾ ꓟꓲ ꓠꓯ ꓗꓪ ꓠꓬ ꓑ ꓫꓬ ꓟꓯꓼ ꓐꓴ ꓠꓲꓹ ꓫꓵ ꓫꓵ ꓢꓰꓼ ꓡꓯ ꓘꓳ ꓐ ꓡ ꓥꓳ꓾ ꓐꓰ ꓢꓪꓼ ꓔꓬ ꓡꓳ꓿
