ꓴꓢꓮ ꓗꓪ ꓚꓳꓦꓲꓓ-19 ꓠꓻ ꓗꓽ ꓠꓯ ꓞꓲꓼ ꓕꓴꓸ ꓠꓲꓹ ꓫꓵ ꓢꓴ ꓮ ꓘꓶꓸ ꓟꓽ ꓙꓳ ꓠꓬꓲ꓾ ꓑ ꓫꓬꓼ ꓐꓴ ꓢꓰꓸ ꓮ ꓢꓸ ꓡ ꓠꓹ ꓟ ꓐꓱ ꓶ ꓗꓴꓷꓼ ꓙꓵꓽ ꓜꓴ ꓡꓰ ꓠꓻ ꓗꓽ ꓠꓯ ꓞꓲꓼ 2 ꓧꓪꓹ ꓕꓴꓸ ꓓꓳ ꓡꓰ ꓢꓴ ꓐꓴ ꓔꓯ ꓓꓳ-ꓡ 100 ꓖꓶ ꓓꓴ ꓙ ꓖꓶ ꓔꓬ ꓡꓳ꓿
“ꓠꓴ ꓫꓵꓻ ꓠ ꓟꓽ ꓔꓸ” ꓐꓰ꓾ ꓙꓳ-ꓐ-ꓓꓲ ꓡꓰ ꓐꓯ ꓡꓳ꓿ ꓕꓱ ꓟ ꓠꓬ ꓮ ꓟ ꓥ ꓟꓲ ꓠꓻ ꓗꓽ ꓠꓯ ꓞꓲꓼ ꓕꓴꓸ ꓡ ꓠꓹ ꓟ ꓘꓴ ꓢꓯꓼ ꓥ ꓡꓳ꓿
Delta ꓦirus ꓬꓲꓸ ꓫꓵꓼ ꓓꓳ ꓡ ꓟ ꓠꓬ ꓴꓢꓮ ꓗꓪ ꓥ ꓟꓲ ꓛꓲ ꓬꓰ ꓢꓲ ꓮ ꓟꓶꓦꓕꓲ ꓧꓪꓹ ꓠꓯ ꓞꓲꓼ ꓦꓲ ꓗꓪ ꓠꓻ ꓫꓬꓹ ꓔꓬ ꓢꓴ ꓟꓬꓽ ꓡ ꓔꓬ ꓡꓳ꓿ ꓖꓳ ꓟ ꓑꓶꓸ ꓓꓴ ꓠꓻ ꓗꓽ ꓠꓯ ꓞꓲꓼ ꓔꓯ ꓟꓽ ꓓ ꓟꓽ ꓢ ꓕꓴꓸ ꓠꓹ ꓟ ꓢꓯꓼ ꓖꓶ ꓔꓬ ꓟ ꓥ ꓡꓳ꓿
ꓕꓲ ꓐꓱ ꓢꓔꓮꓔꓰ ꓟꓵꓽ ꓫꓴ ꓗꓪ ꓠꓬ꓾ ꓫꓵꓽ ꓩꓴꓸ ꓟꓯꓹ ꓛꓬꓽ ꓖꓶ ꓢꓲ꓾ ꓡ ꓞꓳ ꓐꓴ ꓠꓯ ꓞꓲꓼ ꓗꓸ ꓡ ꓠꓹ ꓟ ꓘꓴ ꓔꓬ ꓡꓳ꓿
ꓟꓬ-ꓟ ꓗꓴꓷꓼ ꓗꓪ ꓠꓽ ꓕꓴꓸ ꓠꓲꓹ ꓫꓵ ꓡꓲꓸ ꓕꓴꓸ ꓟ ꓪ꓿ ꓬꓲꓸ ꓐꓽ ꓢꓲ ꓗꓪ ꓚꓳꓦꓲꓓ-19 ꓠꓻ ꓗꓽ ꓠꓯ ꓞꓲꓼ ꓔꓯ 500 ꓢꓯꓹ ꓖꓶ ꓡꓯ ꓘꓳ ꓢꓲꓸ ꓪꓴꓽ ꓠꓬꓲ ꓪꓴꓻ ꓠꓬꓲ ꓬꓰ ꓡꓯ ꓘꓳ ꓔꓬ ꓡꓳ ꓐꓰ ꓬꓲꓸ ꓓꓳꓽ ꓑ ꓙ ꓡ ꓡꓳ꓿
