ꓦ ꓜꓳꓽ ꓓꓽ ꓟ ꓜꓯꓼ ꓡ ꓠꓬꓲ ꓑꓴ-ꓔ-ꓳ ~ ꓟꓶ-ꓖꓪꓯꓽ-ꓜꓼ ~ ꓘꓳ-ꓡ-ꓒꓶꓸ ꓙ ꓖꓴ ꓗꓪ ꓡꓳꓽ ꓧꓳꓹ ꓮ ꓟꓬꓹ ꓖ ꓧꓳꓹ ꓔꓲꓺ ꓔꓸ ꓢꓲꓸ ꓓꓵꓽ/ꓓꓳ ꓢꓴ ꓐꓴ ꓮ ꓘꓶꓸ ꓫꓸ ꓔꓬ ꓡꓳ꓾ ꓐꓯ ꓡꓳ꓿
“ꓕꓲ ꓙ ꓖꓴ ꓮ ꓟꓬꓹ ꓔꓶꓸ ꓗꓪ ꓡꓳꓽ ꓧꓳꓹ ꓧꓳꓹ ꓔꓲꓺ ꓔꓸ ꓥ꓿ ꓙ ꓖꓴ ꓟꓽ ꓓ ꓫꓸ ꓓꓴ ꓟ ꓠꓽ ꓠꓰ ꓬꓲ-ꓓꓸ ꓗꓪ ꓐꓰ ꓘꓳ-ꓡ-ꓒꓶꓸ ꓠꓬꓲꓽ ꓗꓴꓸ ꓚꓸ ꓗꓪ ꓥꓳ꓿ ꓕꓲ ꓖ ꓖ ꓗꓪ ꓠꓽ ꓙ ꓖꓴ ꓙꓱꓽ ꓡꓲꓸ ꓟꓽ ꓙꓳ ꓬꓰꓳ ꓟꓽ” ꓐꓰ ꓮ ꓟꓶ ꓢꓲꓸ ꓙ ꓖꓴ ꓖꓳ ꓗꓪ ꓙꓰ ꓢꓴ ꓐꓴ ꓡꓰ ꓐꓯ ꓡꓳ꓿
ꓑꓴ-ꓔ-ꓳ ~ ꓟꓶ-ꓖꓪꓯꓽ-ꓜꓼ ~ ꓘꓳ-ꓡ-ꓒꓶꓸ ꓙ ꓖꓴ ꓠꓬ 115 ꓕꓶꓹ ꓙꓳ ꓟ ꓙ ꓖꓴ ꓥ ꓢꓲ꓾ 2022 ꓘꓳꓼ ꓖꓳ ꓑꓳꓸ ꓠꓬ ꓛꓲ ꓒꓯꓹ ꓠꓰ 10 ꓦꓬꓼ ꓫꓱꓽ ꓠ ꓗˍ ꓟ ꓙ ꓖꓴ ꓥ ꓡꓳ꓿
2021 ꓟꓶꓽ ꓞꓴ ꓙꓬ ꓝꓲꓸ ꓗꓪ ꓠꓬ ꓟꓳ-ꓓꓳ ꓤꓹ ꓤꓽ ꓐꓰ ꓢ-ꓗꓯ ꓕ ꓛꓲ ꓙꓰ ꓪ ꓓ ꓡꓰ ꓗꓪ ꓛꓲ ꓬꓲꓸ ꓪꓴꓸ ꓕꓴꓸ ꓙ ꓖꓴ ꓓꓶꓺ ꓛꓲ ꓬꓰˍ ꓟ ꓥ ꓡꓳ꓿
ꓙ ꓖꓴ ꓙꓲ ꓡ ꓠꓬꓲ ꓖꓳ ꓕꓲ ꓟꓵꓽ ꓗꓪ ꓐꓰ ꓞ-ꓗꓳ ꓐꓰ ꓶ ꓤ ꓶ ꓟꓲ ꓪꓴꓽ ꓠꓹ ꓟ ꓐꓱ ꓶ ꓥꓳ ꓡꓳꓸ ꓓꓴ ꓙꓲ ꓡ ꓥ ꓟꓲ꓾ ꓮ ꓟꓶ ꓠꓬ ꓙ ꓖꓴ ꓫꓸ ꓡꓰ ꓔꓬ ꓟ ꓥ ꓡꓳ꓿
2022 ꓘꓳꓼ 3 ꓦ 20 ꓠꓬꓲ ꓔꓯ ꓫꓬꓹ ꓓꓳ ꓡꓰ ꓟ ꓙ ꓖꓴ ꓒꓴ ꓠꓹ ꓟ ꓙꓽ ꓖꓶ ꓔꓬ ꓥ ꓟꓲ ꓟꓶꓽ ꓦ ꓜꓯꓼ ꓠꓰ ꓟꓽ ꓓ ꓢꓲꓸ ꓒꓴ ꓟꓽ ꓛꓱꓼ ꓬꓰ ꓟ ꓥ ꓡꓳ꓿
ꓐꓬꓱꓽ꓾ ꓚꓙ
