ꓟꓬ-ꓟ ꓟꓯꓼ ꓐꓴ ꓡꓰ ꓦ ꓟꓳ ꓦ ꓘꓪ ꓐꓶ ꓡ ꓢꓲ꓾ ꓗ-ꓬ ꓟꓵꓽ ꓗꓪ ꓪ ꓘꓴ ꓦꓲ 7 ꓦꓲ ꓛꓬꓹ ꓬꓰꓳ ꓐꓰ꓾ ꓪꓴꓽ ꓟꓴ ꓡ ꓟ ꓗ-ꓬ ꓜꓴ ꓡꓰ ꓓꓳꓽ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
ꓪ ꓘꓴ ꓦꓲ ꓖꓳ 7 ꓦꓲ ꓠꓬ꓾ ꓒꓯ-ꓘꓳ ꓪ ꓘꓴ ꓦꓲ꓾ ꓗ-ꓬ ꓶꓼ ꓓꓳ ꓪ ꓘꓴ ꓦꓲ꓾ ꓓꓰ-ꓟꓳ-ꓢꓳ ꓢꓲꓽ ꓫꓬ ꓟ ꓬꓳ-ꓢꓷ ꓪ ꓘꓴ ꓦꓲ꓾ ꓓꓳꓹ-ꓥꓽꓸ-ꓘꓸ ꓢꓲ ꓡꓲꓹ ꓟ ꓪ ꓔꓲꓸ ꓟ ꓪ ꓘꓴ ꓦꓲ꓾ ꓓꓰ-ꓟꓳ-ꓢꓴ ꓖꓳ ꓓꓱ ꓔꓲꓹ ꓘꓴ ꓜꓲꓼ ꓞꓳ ꓪ ꓘꓴ ꓦꓲ꓾ ꓒ-ꓣꓳ-ꓢꓴ ꓪ ꓘꓴ ꓦꓲ꓾ ꓟꓲ 6 ꓕꓷꓹ ꓪ ꓘꓴ ꓦꓲ ꓥ ꓡꓳ꓿
ꓪ ꓘꓴ ꓦꓲ ꓕꓱ 7 ꓟ ꓔꓯ ꓡꓽ ꓛꓴꓸ ꓒꓽ ꓡꓰ ꓐꓶ ꓛꓬꓹ ꓩꓴ ꓡ ꓟ ꓠꓬ꓾ 2021 ꓘꓳꓼ 5 ꓦ 24 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲ꓾ 10 ꓦ 13 ꓠꓬꓲ ꓟ ꓘꓴꓽ ꓠꓯꓸꓼ ꓗꓪ ꓥ ꓡꓳ꓿ ꓪ ꓘꓴ ꓦꓲ ꓗꓪ ꓟꓯꓼ ꓛꓰꓹ ꓔꓬ ꓢꓴ ꓐꓴ ꓔꓯ ꓐꓶ ꓢꓰꓼ ꓡ ꓟˍ ꓟꓲ ꓙꓳ ꓡꓳ꓿
ꓟꓬ-ꓟ ꓟꓯꓼ ꓠꓬ ꓟꓯꓼ ꓗ ꓟꓲ ꓡꓲ ꓒꓰꓼ ꓟꓽ ꓛꓳ꓾ ꓞꓳ ꓤ ꓢꓯꓼ ꓟꓬ ꓔꓯ ꓟꓽ ꓒꓵꓽ ꓟ ꓐꓰ꓾ ꓦ ꓡꓱ ꓚꓱꓹ ꓔꓯ ꓟꓽ ꓒꓵꓽ ꓟ꓾ ꓚꓲ ꓛꓬ ꓑ ꓫꓬ ꓢꓰꓼ ꓢꓲꓸ ꓖꓴꓽ ꓙꓴꓽ ꓦꓴ ꓣꓴ ꓔꓬ ꓟ ꓥ ꓡꓳ꓿
