2022 ꓘꓳꓼ 3 ꓦ 15 ꓠꓬꓲ ꓟꓶ ꓘꓶꓼ 4 ꓙꓵꓹ ꓛꓲ ꓕꓯꓽ ꓗ-ꓡꓯꓹ ꓐꓱ ꓓꓴꓽ ꓗꓪ ꓡꓴꓽ ꓔꓸ ꓢꓴ 8 ꓣꓳ ꓐꓶ ꓢꓰꓼ ꓢꓲ꓾ 17 ꓣꓳ ꓠꓻ ꓓꓴ ꓡꓰꓳ꓾ ꓐꓰ ꓟꓯꓼ ꓡꓰ ꓢꓷ ꓙ ꓟꓴ ꓙ ꓔ ꓡꓳ꓿
ꓐ-ꓓꓰꓹ ꓡꓰ ꓧꓳꓽ ꓪꓴꓸ ꓟꓴ ꓢꓲꓸ ꓡꓴꓽ ꓔꓸ ꓢꓴ ꓮ ꓡꓻ 50 ꓣꓳ ꓠꓬ ꓐꓱ ꓓꓴꓽ ꓙꓵꓽ ꓢꓴ ꓐꓴ ꓢꓯꓼ ꓟꓬ ꓔꓯ ꓙꓲ ꓣꓴ ꓡꓰ ꓝꓲ ꓢꓲ꓾ ꓐꓱ ꓓꓴꓽ ꓗꓪ ꓐꓰ ꓡꓲꓹ ꓙꓰ ꓓꓴ ꓢꓯꓼ ꓕꓵꓼ ꓠꓬꓲ ꓐꓶ ꓢꓰꓼꓳ ꓐꓰ ꓟꓯꓼ ꓡꓰ ꓐꓯ ꓔ ꓡꓳ꓿
ꓖꓳ ꓡꓱ ꓥ ꓟꓲ ꓕꓱ ꓟ ꓠꓬ ꓗ ꓟꓶ ꓫꓵꓸ ꓫꓵꓸ ꓢꓰꓼ ꓩꓴ ꓟ ꓥ ꓡꓳ ꓐꓰ ꓑ ꓫꓬ ꓐꓴ ꓐꓰ ꓐꓱ ꓓꓴꓽ ꓔꓯ ꓡꓯꓼ ꓠꓶꓽ ꓢꓴ ꓐꓴ ꓡꓰ ꓢꓪꓼ ꓔꓬ ꓡꓳ꓿
ꓐꓶ ꓢꓰꓼ ꓢꓴ ꓐꓴ ꓗꓪ ꓐ-ꓓꓰꓹ ꓟꓬꓱꓺ ꓔꓸ ꓢꓴ ꓛꓰꓹ ꓒꓽ ꓠꓬ ꓛꓰꓹ ꓒꓽ ꓟꓯꓼ ꓬꓰ ꓢꓲꓸ 2021 ꓘꓳꓼ 6 ꓦ ꓕꓯꓽ ꓣꓴ ꓟꓶ ꓔꓸ ꓢꓴ ꓕꓲ ꓣꓳ ꓥ ꓡꓳ꓾ ꓐꓰ ꓚꓠꓳ/ꓚꓠꓓꓝ ꓡꓰ ꓐꓯˍ ꓡꓳ꓿
