ꓗ-ꓛꓲ ꓟꓵꓽ ꓢꓴ ꓐꓱ ꓶ ꓚꓲꓸ ꓚꓲꓸ ꓑꓶꓸ ꓑꓶꓸ ꓬꓰ ꓙ ꓒꓴ ꓧꓪ ꓑꓮꓲ ꓔꓯ ꓠꓬꓲꓸ ꓠꓬꓲ 2020 ꓘꓳꓼ 7 ꓦ 25 ꓠꓬꓲ ꓕꓯ Dallas Fortworth ꓗꓪ ꓬꓰ ꓗꓷꓳ꓿
ꓜꓲꓼ ꓓꓴ ꓖꓳ ꓟ K-ꓛꓲ ꓖꓳ ꓓꓱ ꓔꓲꓹ ꓘꓴ ꓜꓲꓼ ꓞꓳ ꓪ ꓘꓴ ꓦꓲ ꓗꓪ ꓬꓰˍ ꓟ ꓥ ꓢꓲ꓾ ꓖꓳ ꓗꓪ ꓡꓲ-ꓢꓴ ꓐꓴ ꓥ ꓟꓲ ꓟꓴ ꓖꓪ ꓖꓪ ꓠꓬꓲ꓾ ꓛꓬꓸ ꓥꓳꓽ ꓛꓬꓹ ꓫꓸ ꓒꓯꓸ ꓔꓺ ꓠꓬꓲ ꓬꓰ ꓗꓷꓳ꓿
ꓑꓮꓲ ꓖꓳ ꓟ ꓗꓪ ꓗ-ꓛꓲ ꓞꓳ ꓫꓵꓽ ꓐꓴ꓾ ꓟꓬ-ꓟ ꓗꓴꓷꓼ ꓡ ꓞꓳ ꓐꓴ ꓐꓰ꓾ ꓖꓳ ꓗꓪ ꓠꓱꓸ ꓐꓯꓼ ꓢꓴ ꓥ ꓟꓲ ꓮ ꓟꓬꓹ ꓔꓺ ꓡ ꓢꓲ꓾ ꓟꓴ ꓖꓪ ꓐꓰ꓾ ꓛꓬꓸ ꓥꓳꓽ ꓠ ꓠꓹ ꓡꓳꓸ ꓠꓬꓲ ꓟ꓾ ꓡꓲ ꓒꓰꓼ ꓜꓽ ꓫꓵꓽ ꓓꓳ ꓫꓵꓽ ꓜꓽ ꓓꓳ ꓟ ꓬꓰ ꓪ ꓡꓰꓳ꓿
ꓗ-ꓛꓲ ꓟꓵꓽ ꓐꓰ ꓟꓬ-ꓟ ꓗꓴꓷꓼ ꓕꓲ ꓗꓴꓷꓼ ꓡꓱꓸꓼ ꓗꓪ ꓟꓯꓼ ꓓꓶꓽ ꓡꓯ ꓘꓳ ꓔꓬ ꓟ ꓦꓬꓼ ꓠꓬꓲ ꓐꓰ꓾ ꓚꓳꓦꓲꓓ-19 ꓠꓻ ꓓꓱꓽ ꓔꓳꓹ ꓜꓳ ꓔꓬ ꓟ ꓦꓬꓼ ꓠꓬꓲ ꓥ ꓠꓬꓲ ꓠꓲꓹ ꓙ ꓠꓲꓹ ꓧꓳꓽ ꓬꓰ ꓙ ꓔꓳꓹ ꓙ ꓠ ꓔꓸ ꓢꓴ ꓟꓬꓽ ꓡ ꓔꓬ ꓡꓳ꓿
