ꓗ-ꓛꓲ ꓕꓲꓽ ꓟꓵꓽ ꓡꓱꓸꓼ ꓗꓪ ꓲꓠꓔꓰꓣꓠꓰꓔ ꓜꓱꓽ ꓟꓽ ꓙꓲ ꓟ 6 ꓠꓬꓲ ꓙꓳ ꓡꓰꓳ꓾ ꓐꓰ ꓢꓷꓸ ꓡ ꓡꓳ꓿
“9 ꓠꓬꓲ ꓗꓪ ꓚꓳꓸ ꓜꓱꓽ ꓟꓽ ꓙꓲ ꓬꓰꓳ꓿ ꓟꓬꓔꓰꓡ꓾ ꓳꓣꓰꓓꓳꓳ꓾ ꓟꓑꓔ꓾ ꓮꓔꓳꓟ ꓠꓬ ꓩꓴꓸ ꓕꓱ ꓙꓲ ꓖꓶ ꓲꓠꓔꓰꓣꓠꓰꓔ ꓜꓱꓽ ꓟꓽ ꓙꓲ꓿ ꓕꓲꓽ ꓧꓪꓸ ꓧꓪꓸ ꓠꓽ ꓩꓴꓸ ꓡꓲꓸ ꓕꓱ ꓟꓽ ꓙꓲ” ꓐꓰ ꓟꓶ-ꓚꓲ-ꓠ ꓢꓴ ꓕꓲ ꓣꓳ ꓡꓰ ꓐꓯˍ ꓡꓳ꓿
ꓟꓬ-ꓟ ꓗꓴꓷꓼ ꓗꓪ ꓠꓬ ꓮ ꓕꓯꓽ ꓟꓶ ꓕꓯꓽ ꓟꓯꓼ ꓘꓶꓽ ꓙꓳ ꓡ ꓔꓳꓼ ꓕꓯꓽ ꓲꓠꓔꓰꓣꓠꓰꓔ ꓮ ꓙꓵꓽ ꓑꓲꓸ ꓚꓰꓼ ꓟ ꓬꓲꓸ ꓫꓶꓹ ꓙꓳ ꓡꓳ꓿
“ꓑꓴ-ꓔ-ꓳ ꓗꓪ ꓲꓠꓔꓰꓣꓠꓰꓔ ꓟ ꓔꓶꓼ ꓟꓽ ꓙꓳ ꓬꓰꓳ꓿ ꓬꓰ ꓫꓸ ꓡꓰꓳ” ꓐꓰ ꓳꓣꓰꓓꓳꓳ ꓚꓮꓣꓓ ꓜꓱꓽ ꓢꓲꓸ ꓩꓴꓸ ꓕꓱ ꓡ ꓢꓴ ꓕꓲꓽ ꓣꓳ ꓡꓰ ꓐꓯ ꓡꓳ꓿
ꓟꓬ-ꓟ ꓟꓯꓼ ꓐꓰ ꓬꓲꓸ ꓔꓯ ꓔꓺ ꓢꓴ ꓐꓴ ꓠꓬ ꓩꓴꓸ ꓐꓰ ꓲꓠꓔꓰꓣꓠꓰꓔ ꓙ ꓡꓯ ꓘꓳ ꓚꓱꓹ ꓔꓯ ꓟꓯꓼ ꓢꓰꓼ ꓶ ꓤ ꓡꓰ ꓐꓰ ꓣꓱꓽ ꓔꓬ ꓡꓳ꓿
