ꓗꓴꓷꓼ ꓟꓬꓱꓽ ꓬꓰ ꓢꓴ ꓐꓴ ꓮ ꓙꓵꓽ ꓔꓯ ꓪꓽ ꓒꓵꓽ ꓕꓯ ꓢꓲ ꓦ ꓐ ꓕꓲ ꓟ ꓕꓲ ꓣꓳ 30,000 ꓒꓯꓼ ꓬꓲꓸ ꓐꓶꓹ ꓬꓰ ꓙ ꓓꓴ ꓥꓳ ꓐꓰ ꓟꓯꓼ ꓗꓳ-ꓢꓰ ꓡꓰ 2023 ꓘꓳꓼ 9 ꓦ 30 ꓠꓬꓲ ꓕꓯꓽ ꓢꓷꓸ ꓙ ꓟꓴ ꓙ ꓩꓴ ꓡ ꓡꓳ꓿
ꓝꓮꓲ ꓗꓴꓷꓼ ꓟꓬꓱꓽ ꓬꓰ ꓙꓵꓽ ꓦꓲ ꓗꓪ ꓕꓲꓽ ꓠꓬꓲ ꓐꓱ ꓶ ꓕꓲ ꓠꓬꓲ ꓪꓽ ꓟꓴ ꓔꓬ ꓢꓴ ꓕꓲ ꓣꓳ ꓠꓬ ꓕꓲ ꓠꓬꓲ 8 ꓙꓵꓹ ꓟꓬꓱꓽ ꓬꓰ ꓪꓽ ꓒꓵꓽ 4800 ꓒꓯꓼ ꓪ ꓠꓹ ꓟ ꓙꓵꓽ ꓗ ꓔꓶꓺ ꓔꓸ ꓟ ꓥ ꓢꓲ꓾ ꓖꓳ ꓟ ꓔꓯ ꓥ ꓟꓲ ꓕꓲꓽ ꓠꓬꓲ 1000 ꓒꓯꓼ ꓬꓲꓸ ꓐꓶꓹ ꓔꓺ ꓖꓶ ꓓꓴ ꓥꓳ꓾ ꓐꓯ ˍ ꓡꓳ꓿
ꓟꓬꓱꓽ ꓬꓰ ꓢꓴ ꓪꓽ ꓒꓵꓽ ꓔꓯ ꓟꓳꓸ 2 ꓘꓳꓼ ꓕꓲꓽ ꓧꓪꓸ ꓫꓬꓹ ꓡꓶꓸ ꓠꓹ ꓟ ꓙꓵꓽ ꓗ ꓙꓳ ꓥ ꓟꓲ꓾ ꓗꓳ-ꓪꓰꓼ ꓠꓻ ꓓꓱꓽ ꓦꓬꓼ ꓠꓬꓲ ꓕ ꓑꓳꓸ ꓮ ꓟꓶ ꓗꓪ ꓛꓲ ꓟꓽ ꓫꓬꓹ ꓔꓱꓹ ꓔꓱꓹ ꓔꓬ ꓗꓳꓸ ꓡ ꓟ ꓥ ꓡꓳ꓿
ꓕꓱ ꓡꓱ ꓦ ꓐ ꓪꓽ ꓒꓵꓽ ꓓꓯꓻ ꓡ ꓟ ꓓꓳꓽ ꓑꓶꓸ ꓓꓴ ꓟꓬ-ꓟ ꓗꓴꓷꓼ ꓬꓲꓸ ꓡꓲꓽ ꓡꓳ ꓚꓺ ꓶ ꓤ ꓶ ꓟꓲ ꓒꓵꓽ ꓠꓯꓸ ꓡ ꓓꓴ ꓥꓳ ꓐꓰ ꓑ ꓫꓬ ꓐꓴ ꓙꓬ ꓫꓸ ꓔꓬ ꓡꓳ꓿
