2024 ꓘꓳꓼ 4 ꓦ 16 ꓠꓬꓲ ꓕꓯꓽ ꓟꓬ-ꓟ ꓗꓴꓷꓼ ꓚꓴ ꓬꓲꓹ ꓖꓶ ꓢꓴ ꓮꓳ-ꓢ-ꓢꓴ-ꓚꓰꓽ ꓐꓰ꓾ ꓗꓴꓷꓼ ꓪꓴꓸ ꓓꓵ ꓪꓰꓹ-ꓟꓰꓼ ꓔꓯ ꓐꓱ ꓓꓴꓽ ꓗꓪ ꓐꓰ ꓠꓯ-ꓑꓲ-ꓓꓳ ꓦꓲ ꓗꓪ ꓧꓳꓽ ꓡꓽ ꓛꓲ ꓔꓸꓳ ꓐꓰ ꓓꓳꓽ ꓜꓳˍ ꓡꓳ꓿
2021 ꓘꓳꓼ 2 ꓦ 1 ꓠꓬꓲ ꓕꓯꓽ ꓗꓴꓷꓼ ꓚꓴ ꓬꓲꓹ ꓖꓶ ꓢꓴ ꓔꓯ ꓬꓲꓸ ꓦꓲ ꓗꓪ ꓐꓰ ꓟꓯꓼ ꓠꓰ ꓣꓴ ꓧꓳꓽ ꓙꓰ ꓢꓲꓸ ꓠꓱꓸ ꓐꓯꓼ ꓢꓴ ꓟꓽ ꓢꓷꓸ ꓟ ꓕꓲ ꓔꓶꓸ ꓗꓪ ꓟꓶ ꓤ ꓡꓴꓽ ꓔꓸ ꓡꓳ꓿ ꓝꓮꓲ ꓐꓱ ꓓꓴꓽ ꓗꓪ ꓡꓴꓽ ꓩꓴˍ ꓟ ꓥ ꓡꓳ꓿
ꓕꓱ ꓟ ꓡꓰ ꓐꓰ ꓗꓴꓷꓼ ꓪꓴꓸ ꓓꓵ ꓪꓰꓹ-ꓟꓰꓼ ꓔꓯ ꓥ ꓟꓲ ꓔꓮꓳ-ꓥꓳ ꓐꓱ ꓓꓴꓽ ꓗꓪ ꓐꓰ ꓟꓯ-ꓑꓲ-ꓓꓳ ꓦꓲ ꓗꓪ ꓣꓴ ꓡꓽ ꓔꓸꓳ꓾ ꓐꓯ ꓡꓳ꓿
ꓓꓳꓽ ꓕꓱ ꓟ ꓔꓯ ꓟꓬ-ꓟ ꓟꓯꓼ ꓕꓲ ꓒꓳꓹ ꓗꓪ ꓐꓰ ꓫꓸ ꓕꓱ ꓢꓴ ꓟꓯꓼ ꓜꓲꓽ ꓜꓳ-ꓟꓰꓹ-ꓕꓴꓸ ꓡꓰ ꓦꓳꓮ ꓟꓬꓮꓠꓟꓮꓣ ꓗꓪ ꓚꓽ ꓥ ꓐꓰ ꓓꓽ ꓔꓳꓹ ꓔꓸ ꓡꓳ꓿
ꓟꓬ-ꓟ ꓗꓴꓷꓼ ꓚꓴ ꓬꓲꓹ ꓖꓶ ꓢꓴ ꓔꓬ ꓗꓷ ꓟ ꓦꓲ ꓠꓬ꓾ ꓠꓯ-ꓑꓲ-ꓓꓳ꓾ ꓜ-ꓐꓴ-ꓔꓲ-ꓣꓲꓼ ꓡꓳ ꓒꓱ꓾ ꓟꓬꓼ-ꓠ-ꓐꓳ-ꓔ ꓙ ꓖꓴ꓾ ꓐꓱ ꓠ ꓐꓼ ꓯ-33 ꓗꓪ ꓔꓬ ꓗꓷ ꓟ ꓥ ꓡꓳ꓿
4 ꓦ 17 ꓠꓬꓲ ꓠꓬ ꓟꓬ-ꓟ ꓘꓳꓼ ꓫꓵꓼ ꓦꓬꓼ ꓠꓬꓲ ꓥˍ ꓟ ꓑꓶꓸ ꓓꓴ ꓕꓱ ꓡꓱ ꓬꓰˍ ꓟ ꓥ ꓡ? ꓐꓰ ꓢꓪꓼ ꓔꓬ ꓡꓳ꓿ ꓘꓳꓼ ꓫꓵꓼ ꓗꓪ ꓐꓱ ꓓꓴꓽ ꓗꓪ ꓡꓴꓽ ꓔꓸ ꓢꓴ ꓔꓯ ꓡꓲꓹ ꓩꓴ ꓚꓰꓼ ꓟ ꓬꓲꓸ ꓡꓲꓽ ꓙꓳ ꓡꓳ꓿
ꓧꓶꓽ ꓗꓴꓷꓼ ꓝꓲ ꓓꓴ ꓡꓰ ꓟꓬ-ꓟ ꓗꓴꓷꓼ ꓚꓴ ꓬꓲꓸ ꓖꓶ ꓢꓴ ꓮꓳ-ꓢꓸ-ꓢꓴ-ꓚꓰꓽ ꓔꓯ ꓜꓲ ꓡꓯ ꓘꓳ ꓝꓲ ꓡꓯ ꓐꓰ꓾ ꓟꓬ-ꓟ ꓟꓯ ꓗꓳ-ꓢꓰ ꓔꓯ ꓓꓰꓽ ꓔꓸ ꓡꓳ꓾ ꓐꓯ ꓡꓳ꓿
Watch
Listen
