ꓟꓬ-ꓟ ꓗꓴꓷꓼ ꓙꓵꓽ ꓗ ꓬꓲꓸ ꓚꓰꓺ ꓔꓯ ꓫꓬꓹ ꓔꓱꓹ ꓠꓹ ꓟ ꓞꓳ ꓫꓵꓽ ꓟꓯꓼ (5) ꓜꓴ ꓠꓬ 2022 ꓘꓳꓼ 12 ꓦ 27 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲꓸ ꓟꓯꓼ ꓗꓳ-ꓢꓰ ꓔꓺ ꓔꓲ ꓠꓯ-ꓑꓲ-ꓓꓳ ꓗꓪ ꓖꓪ ꓙꓱ ꓡꓯ ꓘꓳ ꓔꓬ ꓡꓳ꓿
ꓜꓲꓼ ꓔꓬ ꓢꓴ ꓐꓴ ꓠꓬ PNLO ꓢꓽ ꓡ ꓙꓵꓽ ꓘꓳ-ꓳꓼ-ꓗꓽ꓾ ALP ꓔꓳꓹ ꓙ ꓢꓽ ꓡ ꓙꓵꓽ ꓢꓳꓸ-ꓟꓬꓼ-ꓣ-ꓜ-ꓡꓲꓹ꓾ DKBA ꓟꓯꓼ ꓜꓲꓽ ꓢꓳꓸ-ꓢ-ꓔꓲꓸ꓾ KNU/KNLA PC ꓔꓳꓹ ꓙ ꓢꓽ ꓡ ꓙꓵꓽ ꓓꓳ-ꓔ ꓠꓳ-ꓗ-ꓑꓳ-ꓕꓴꓸ ꓐꓰ꓾ LDU ꓔꓳꓹ ꓙ ꓢꓽ ꓡ ꓙꓵꓽ ꓐꓴ ꓜꓲꓼ ꓔꓺ ꓔꓬ ꓡꓳ꓿
ꓬꓴꓸ ꓪꓴꓸ ꓫꓵꓼ ꓗꓪ ꓟꓯꓼ ꓗꓳ-ꓢꓰ ꓡꓰ ꓘꓴ ꓔꓸ ꓟ (7) ꓜꓴ ꓗꓪ ꓐꓰ ꓟꓳ ꓑꓲ-ꓔꓲꓼ ꓑ-ꓔꓲ ꓐꓰ꓾ ꓣꓚꓢꓢ ꓐꓴ ꓠꓬ ꓟꓽ ꓜꓲꓼ ꓔ ꓔꓬ꓿
ꓖꓪ ꓙꓱ ꓜꓲꓼ ꓓꓴ ꓗꓪ ꓬꓲꓸ ꓚꓱꓹ (8) ꓟ ꓖꓪ ꓙꓱ ꓓꓳ ꓡꓰ ꓢꓲꓸ ꓟꓲꓸ ꓟꓲ 28 ꓠꓬꓲ ꓗꓪ ꓛ ꓟꓲ ꓝꓸ ꓢꓲꓸ ꓖꓪ ꓙꓱ ꓓꓴ ꓥ ꓡꓳ꓾ ꓐꓰ ꓟꓯꓼ ꓗꓳ-ꓢꓰ ꓡꓰ ꓓꓳꓽ ꓐꓯ ꓟꓸ ꓔꓸ ꓡꓳ꓿
ꓑ ꓫꓬ ꓡꓰ ꓢꓲꓻ ꓣꓴ ꓔꓸ ꓟ ꓑ ꓫꓬ ꓝꓲ ꓓꓴ ꓖꓪ ꓙꓱ ꓜꓲꓼ ꓓꓴ ꓗꓪ ꓐꓰ ꓟꓽ ꓥ ꓥ ꓗꓴꓷꓼ ꓙꓵꓽ ꓗ ꓬꓲꓸ ꓚꓰꓺ ꓔꓯ ꓫꓬꓹ ꓡꓶꓸ ꓠꓹ ꓟ ꓢꓯꓼ ꓕꓵꓼ ꓔꓬ ꓟ ꓠꓬ “ꓬꓲꓸ ꓟꓸ ꓟꓲꓽ ꓟꓽ ꓙꓳ꓿ ꓬꓲꓸ ꓡꓲꓽ ꓬꓲꓸ ꓚꓱꓹ ꓟꓽ ꓜꓳꓽ” ꓐꓰ ꓙꓵꓽ ꓗ ꓟꓸ ꓒꓽ ꓮꓳ-ꓕꓴꓸ ꓡꓰ ꓐꓯ ꓔꓸ ꓡꓳ꓿
