ꓟꓬꓱ ꓓꓳꓽ ꓙꓳˍ ꓟ ꓗꓳ-ꓣꓲ-ꓬ ꓤꓹ ꓡꓯꓼ ꓟꓳ-ꓐꓲꓹ (moonbin) ꓕꓲ ꓣꓳ 2023 ꓘꓳꓼ 4 ꓦ 19 ꓠꓬꓲ ꓕꓯꓽ ꓫꓵꓻꓳ꓾ ꓐꓰ ꓬꓲꓸ ꓪ ꓜꓴ ꓐꓱ ꓶ ꓫꓸ ꓕꓱ ꓢꓴ Fantagio ꓡꓰ ꓐꓯ ꓡꓳ꓿
Boys Over Flowers (2009) ꓢꓯꓸ ꓐꓬꓱꓽ F4 #f4 ꓗꓪ ꓟ ꓤꓹ ꓡꓯꓼ ꓕꓲ ꓣꓳ ꓥꓳ꓿ 2016 ꓘꓳꓼ ꓗꓪ ꓚꓳꓸ #astro ꓟꓶ ꓢꓯꓼ ꓜꓴ ꓗꓪ ꓓꓵꓽ ꓡ ꓢꓲꓸ ꓟꓬꓱ ꓓꓳꓽ ꓙꓳ ꓢꓴ ꓥ ꓡꓳ꓿
ꓬꓲꓸ ꓟꓬꓱꓽ ꓢꓲꓺ ꓕꓲ ꓣꓳ ꓠꓰ ꓖ-ꓠ ꓗꓪ ꓙꓳ ꓟ ꓬꓲ ꓦꓲ ꓗꓪ ꓟꓶ ꓘꓶꓼ 3 ꓙꓵꓹ ꓛꓲ ꓕꓯ ꓟꓳ-ꓐꓲ ꓫꓵꓻ ꓟꓳꓻ ꓔꓯ ꓟꓳꓻ ꓪ ꓬꓰꓳ꓾ ꓐꓯ ꓔꓸ ꓡꓳ꓿ ꓟꓯꓼ ꓐꓴ ꓠꓰ ꓚꓹ ꓠꓬꓲ ꓕꓽ ꓬꓲꓸ ꓔꓱꓹ ꓬꓲꓸ ꓢꓰꓼ ꓫꓵꓻ ꓔꓸ ꓪ ꓡꓰ ꓗ ꓠꓬꓹ ꓥ꓾ ꓐꓯ ꓡꓳ꓿
ꓖꓴ ꓟꓶꓸ ꓗꓳ-ꓣꓲ-ꓬ ꓗꓴꓷꓼ ꓠꓽ ꓪꓴꓽ ꓟꓴ ꓔꓬ ꓥ ꓐꓯ ꓖꓶ ꓠꓰ ꓞꓳ ꓡꓯꓸ ꓐꓴ ꓚꓲꓸ ꓛꓬ ꓔꓱꓹ ꓚꓲꓸ ꓛꓬ ꓢꓰꓼ ꓫꓵꓻ ꓢꓴ ꓟꓬꓽ ꓡꓳ꓿ ꓟꓬꓽ ꓠꓬꓲ ꓠꓬ ꓐꓲ ꓜꓳꓽ ꓠꓴꓽ ꓢꓯꓼ ꓢꓷꓸ ꓠꓲꓹ ꓙꓳ ꓢꓴ ꓐꓴ ꓕꓱ ꓡꓱ ꓬꓰ ꓚꓽ ꓡꓳ꓿
ꓟꓳ-ꓐꓲꓹ ꓠꓬ ꓬꓲꓸ ꓫꓵꓻ ꓕꓯꓽ 25 ꓘꓳꓼ ꓙꓳ ꓡꓳ꓿
