2022 ꓘꓳꓼ 7 ꓦ 3 ꓠꓬꓲ ꓕꓯꓽ ꓓꓯꓹ-ꓟꓼ ꓗꓴꓷꓼ꓾ ꓗꓳ-ꓑꓲ-ꓧ-ꓖ ꓡꓳ ꓒꓱ ꓗꓪ ꓙꓳˍ ꓟ Fields ꓙꓲꓺ ꓔꓲꓺ ꓓꓽ ꓟ ꓗꓪ ꓡ ꓛꓴꓸ ꓐꓶ ꓡ ꓢꓲꓸ ꓛꓽ ꓐꓲꓽ ꓛꓽ ꓗꓪ ꓗꓷ ꓡꓰꓳ꓾ ꓐꓯ ꓡꓳ꓿
ꓡ ꓛꓴꓸ ꓐꓶ ꓒꓽ ꓠꓬ ꓬꓲꓸ ꓞꓲꓼ (22) ꓘꓳꓼ ꓙꓳˍ ꓟ ꓓꓯꓹ-ꓟꓼ ꓗꓴꓷꓼ ꓡ ꓞꓳ ꓕꓲ ꓣꓳ ꓥ ꓢꓲ꓾ ꓬꓲꓸ ꓔꓯ ꓣꓴ ꓟꓶ ꓔꓸ ꓡꓳ꓾ ꓐꓰ ꓗꓳ-ꓑꓲ-ꓧ-ꓖ ꓡꓳ ꓒꓱꓽ ꓛꓽ ꓒꓽ ꓟꓯꓼ ꓜꓲꓽ Søren Thomassen ꓡꓣ ꓐꓯ ꓡꓳ꓿
ꓙꓲꓺ ꓔꓲ ꓒ ꓕꓲ ꓗꓪ ꓠꓬ ꓡ ꓞꓳ ꓐꓴ ꓔꓶꓹ ꓔꓬ ꓢꓴ꓾ ꓥꓴꓺ ꓔꓬ ꓢꓴ ꓮ ꓟꓬꓹ ꓙꓳ ꓢꓲ꓾ ꓕꓲ ꓰꓳ ꓔꓯ ꓠꓬ ꓞꓳ ꓠꓻ ꓚꓰꓹ ꓜꓳꓻ ꓕꓲ ꓟ ꓗꓪ ꓔꓯꓹ ꓓꓳ ꓡ ꓡꓳ꓾ ꓐꓰ ꓖꓳ ꓗꓰ ꓛꓲ ꓔꓬ ꓟ ꓓꓯꓹ-ꓟꓼ TV2 ꓗꓪ ꓟ ꓓꓳꓽ ꓛꓽ ꓒꓽ ꓡꓰ ꓐꓯˍ ꓡꓳ꓿
ꓮ ꓟꓬ ꓣꓳ ꓫꓵꓻ ꓟ ꓐꓰ꓾ ꓮ ꓟꓬ ꓣꓳ ꓠꓻ ꓓꓴ ꓡꓰˍ ꓟ ꓔꓯ ꓙꓵꓽ ꓪ ꓙꓳ ꓢꓴ ꓐꓴ ꓡꓰꓽ ꓜꓲ ꓜꓲ ꓟꓴ ꓟꓴ ꓢꓷ ꓙ ꓟꓴ ꓙ ꓓꓴ ꓟꓽ ꓬꓰ ꓡ ꓢꓰꓽ꓿
ꓬꓲꓸ ꓚꓰ꓾ ꓮꓑ
