ꓠꓬꓲꓸ ꓠꓬꓲ 2022 ꓘꓳꓼ 10 ꓦ 25 ꓠꓬꓴ꓾ ꓗꓲꓳ ꓔꓶꓺ ꓩꓴ ꓡ ꓟ 62 ꓘꓳꓼ ꓐꓲ ꓡꓰ ꓟ ꓚꓲꓸ ꓟꓶ ꓦꓬꓼ ꓠꓬꓲ ꓗꓪ꓾ ꓗꓲꓳ ꓢꓽ ꓡ ꓙꓵꓽ ꓟꓯꓼ ꓜꓲꓽ ꓲ-ꓐ-ꓡꓼ ꓡꓰ ꓗꓲꓳ ꓠꓬ ꓟꓶ ꓤ ꓟꓽ ꓥ ꓢꓰꓽ ꓕꓯꓽ ꓛꓲ ꓖꓻ ꓬꓲꓸ ꓫꓵꓼ ꓖꓻ ꓓꓴ ꓥꓳ꓾ ꓐꓰ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
“ꓟꓶ ꓤ ꓟꓽ ꓥ ꓠꓬ ꓗꓴꓷꓼ ꓟꓬꓱꓽ ꓬꓰ ꓚꓱꓹ ꓙ ꓖꓴ ꓛꓲ ꓖꓻ ꓬꓲꓸ ꓫꓵꓼ ꓖꓻ ꓓꓴ ꓥꓳ꓿ ꓮ ꓙꓵꓽ ꓢꓴ ꓠꓲꓹ ꓡꓱ ꓡꓱ ꓔꓺ ꓡꓯ” ꓐꓯ ꓔꓸ ꓡꓳ꓿
1947 ꓘꓳꓼ ꓗꓴꓷꓼ ꓙꓵꓽ ꓗ ꓚꓰꓺ ꓔꓯ ꓒꓬꓹ ꓩꓴ ꓡ ꓟ ꓑꓶꓸ ꓓꓴ꓾ ꓒꓳꓹ ꓔꓳꓹ ꓠꓹ ꓟ ꓐꓱ ꓶ ꓗꓲꓳ ꓠꓬ 1960 ꓘꓳꓼ 10 ꓦ 25 ꓠꓬꓲ ꓕꓯꓽ ꓔꓶꓺ ꓪꓴꓸ ꓔꓴ ꓩꓴ ꓡ ꓟ ꓥ ꓡꓳ꓿
ꓟꓲꓸ ꓟꓲ ꓕꓱ ꓕꓲ ꓠꓬꓲ ꓠꓬ ꓟꓶ-ꓚꓲ-ꓠ ~ ꓑꓴ-ꓔ-ꓳ ꓙ ꓖꓴ ꓔꓯ ꓟꓬ-ꓟ ꓟꓯꓼ ꓐꓴ ꓡꓰ ꓑꓲꓸ ꓔꓸ ꓡꓳ꓿
ꓒ-ꓗ ꓟꓵꓽ ꓗ-ꓢꓰꓸ ꓮ-ꓠꓼ-ꓑ ꓗꓪ ꓙꓱ ꓦꓲ ꓐꓳꓽ ꓐꓶ ꓡ ꓟ ꓗꓪ ꓐꓰ ꓟꓬ-ꓟ ꓟꓯꓼ ꓐꓰ ꓗꓲꓳ/ꓗꓲꓮ ꓙ ꓡꓯ ꓘꓳ ꓚꓱꓹ ꓠꓬ ꓮ ꓙꓬ ꓮ ꓔꓳꓸ ꓡꓰ ꓐꓰ ꓗꓷ ꓡꓰ ꓔꓬ ꓡꓳ꓿
