ꓕꓮꓲ ꓐꓶꓽ ꓟꓵꓽ ꓔꓯ ꓟꓳꓸ ꓙꓵꓽ ꓢꓲ ꓒꓽ Don Pramudwinai ꓠꓬ ꓠꓬꓲꓸ ꓠꓬꓲ 11 ꓦ 14 ꓠꓬꓲ ꓕꓯꓽ ꓟꓬ-ꓟ ꓗꓴꓷꓼ ꓗꓪ ꓠꓲꓺ ꓖꓴꓼ ꓡꓲꓼ ꓡ ꓢꓲ꓾ ꓠꓼ-ꓢꓼ-ꓗꓼ ꓟꓬ-ꓟ ꓐꓶ ꓗꓴꓷꓼ ꓢꓲꓽ ꓒꓽ ꓐꓰ꓾ ꓟꓯꓼ ꓜꓲꓽ ꓟꓰꓹ-ꓮꓳ-ꓡꓮꓲꓽ ꓔꓯ ꓜꓲ ꓡꓯ ꓘꓳ ꓡ ꓡꓳ ꓐꓰ꓾ ꓟꓬꓮꓠꓟꓮꓣ ꓠꓳꓪ ꓡꓰ ꓐꓳˍ ꓡꓳ꓿
ꓮ ꓟꓶ ꓕꓱ ꓕꓲ ꓠꓬꓲꓽ ꓦꓬꓼ ꓟ ꓗꓪ ꓧꓶꓽ ꓗꓴꓷꓼ ꓝꓲ ꓓꓴ ꓢꓳꓸ-ꓗꓳꓼ-ꓫ꓾ ꓠꓲ-ꓑꓳ ꓜꓴ ꓢꓽ ꓡ ꓙꓵꓽ ꓐꓴ ꓟꓬ-ꓟ ꓗꓴꓷꓼ ꓗꓪ ꓛꓲ ꓔꓬ ꓡꓳ꓿
ꓠꓴꓖ ꓢꓲꓽ ꓒꓽ ꓐꓴ ꓥ ꓟꓲ ꓐꓶꓽ ꓗꓴꓷꓼ ꓮ ꓟꓬꓹ ꓐꓰ ꓙ ꓡꓯ ꓘꓳ ꓟ꓾ ꓝꓮꓲ ꓠꓴꓚꓚ ꓥ ꓟꓲ 16 ꓠꓬꓲ ꓕꓯꓽ ꓓꓳꓽ ꓐꓯ ꓑꓶ ꓜꓲꓼ ꓓꓴ ꓬꓰ ꓓꓴ ꓙ ꓖꓶ ꓔꓬ ꓢꓲ꓾ ꓠꓴꓖ꓾ ꓗꓑꓲꓚꓔ ꓐꓴ ꓥ ꓟꓲ ꓖꓪ ꓙꓱ ꓜꓲꓼ ꓓꓴ ꓬꓰ ꓔꓬ ꓟ ꓕꓲ ꓙꓵꓹ ꓥ ꓡꓳ꓿
ꓟꓬ-ꓟ ꓗꓴꓷꓼ ꓫꓵꓽ ꓪꓴ ꓔꓯ ꓗꓴꓷꓼ ꓓꓽ ꓟ ꓐꓴ ꓗꓪꓽ ꓫꓵꓽ ꓡ ꓢꓲ꓾ ꓮ ꓡꓲ ꓕꓲ ꓛꓱꓽ ꓒꓳꓹ ꓙꓰ ꓡ ꓔꓬ ꓟ ꓔꓯ ꓢꓰꓸ ꓮ ꓢꓸ ꓢꓴ ꓮ ꓟꓬꓹ ꓙꓳ ꓔꓬ ꓡꓳ꓿
