ꓕꓮꓲꓹ ꓗꓴꓷꓼ ꓗꓪ ꓳ-ꓟꓲ-ꓘ-ꓣꓳ ꓚꓲꓸ ꓡꓰ ꓢꓴ 934 ꓣꓳ ꓙꓳ ꓡꓰꓳ ꓐꓰ ꓕꓮꓲꓹ ꓗꓴꓷꓼ ꓖꓳ ꓓꓱꓽ ꓔꓬ ꓢ ꓚꓱꓹ ꓟꓬꓱꓽ ꓬꓰ ꓜꓴ ꓡꓰ 2021 ꓘꓳꓼ 12 ꓦ 30 ꓠꓬꓲ ꓕꓯꓽ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
ꓠꓻ ꓫꓵꓽ ꓧꓪ ꓟꓳꓻ ꓢꓴ ꓟꓬꓽ ꓠꓬꓲ ꓕꓲ ꓐꓱ ꓠꓬ ꓐꓶꓽ ꓟꓵꓽ ꓗꓪ ꓐꓰ ꓓꓵꓽ ꓡ ꓢꓴ ꓐꓴ ꓥ ꓡꓳ ꓐꓰ ꓐꓯ ꓔ ꓡꓳ꓿
ꓠꓯ ꓞꓲꓼ ꓢꓷꓸ ꓠꓲꓹ ꓙꓳ ꓢꓴ ꓐꓴ ꓠꓬ delta ꓐꓰ Omicron ꓔꓺ ꓫꓳꓹ ꓡꓰ ꓢꓲꓸ delmicron ꓐꓯˍ ꓟ ꓗꓳ-ꓪꓰꓼ ꓠꓻ ꓫꓵꓽ ꓬꓲꓸ ꓫꓵꓼ ꓒꓬꓱꓼ ꓡ ꓚꓰꓼ ꓠꓬ ꓚꓲꓸ ꓢ ꓫꓵꓻ ꓢ ꓥꓳꓽ ꓟꓽ ꓜꓯꓼ ꓗ ꓡ ꓥꓳ ꓐꓰ ꓙ ꓫꓸ ꓔꓬ ꓡꓳ꓿
ꓗꓳ-ꓪꓰꓼ ꓠꓻ ꓓꓱꓽ ꓢꓴ-ꓠ-ꓟꓲ ꓬꓲꓻ ꓡꓯꓼ ꓟꓲꓽ ꓓꓽ ꓟ (Covid STsunami) ꓠꓬ 2022 ꓘꓳꓼ ꓪꓴꓸ ꓗꓪ ꓟꓲ ꓠꓯ ꓡ ꓞꓳ ꓐꓴ ꓔꓯ ꓕꓵꓼ ꓡꓵꓸ ꓡꓳꓸ ꓔꓬꓳ ꓐꓰ ꓟꓲ ꓠꓯ ꓗꓴꓷꓼ ꓜꓴ ꓡꓯꓼ ꓛꓲ ꓗꓪ ꓟ ꓧꓪ ꓖꓳ ꓓꓱꓽ ꓔꓬ ꓢ ꓜꓴ (World Health Organization) ꓡꓰ ꓙꓳꓺ ꓗꓽ ꓖꓶ ꓔˍ ꓡꓳ꓿
ꓬꓲ ꓚꓰ꓾ ꓐꓮꓠꓖꓗꓳꓗ ꓑꓳꓢꓔ
