10 ꓦ ꓬꓲꓸ ꓪꓴꓸ ꓕꓲꓽ ꓠꓽ ꓗꓪ꓾ ꓕꓮꓲꓹ ꓗꓴꓷꓼ ꓗꓪ ꓐꓶꓽ ꓟꓵꓽ ꓗꓪ ꓐꓰ ꓡ ꓢꓲꓸ ꓟꓬꓱꓽ ꓬꓰ ꓜꓽ ꓔꓬ ꓢꓴ ꓐꓴ ꓐꓱ ꓶ ꓗꓸ ꓚꓵ ꓕꓳ ꓶ ꓟꓽ ꓪ ꓢꓰꓽ ꓢꓴ ꓐꓴ ꓥ ꓟꓲ ꓗꓴꓷꓼ ꓘꓴꓽ ꓗꓪ ꓔꓬ ꓐ ꓡ ꓠꓹ ꓟ꓾ ꓦꓲꓢꓮ ꓒꓵꓽ ꓥ ꓟꓲ ꓞꓰ ꓖꓶ ꓠꓹ ꓟ ꓕꓵꓼ ꓪ ꓫꓵꓼ ꓕꓲꓽ ꓟ ꓓꓳ ꓡ ꓡꓳ꓿
ꓕꓵꓼ ꓪ ꓫꓵꓼ ꓖꓳ ꓟ ꓗꓪ (1) ꓐꓶꓽ ꓟꓵꓽ ꓗꓪ ꓐꓰ ꓟꓬꓱꓽ ꓬꓰ ꓡ ꓟ ꓡ ꓞꓳ ꓐꓴ ꓟꓬꓱꓺ ꓐꓳ ꓗꓶꓺ ꓠꓹ ꓟ 2023 ꓘꓳꓼ 7 ꓦ (5) ꓠꓬꓲ ꓗꓪ ꓛꓲ ꓟꓬꓱꓽ ꓖꓶꓽ ꓔꓸ ꓢꓴ ꓐꓴ ꓮ ꓙꓵꓽ ꓔꓯ ꓦ ꓐ 16 ꓟ ꓕꓯꓽ ꓢꓲ (2025 ꓘꓳꓼ 2 ꓦ 13 ꓠꓬꓲ ꓗꓪ ꓛꓲ) ꓔꓬ ꓪ ꓓꓽ ꓠ ꓕꓵꓼ ꓪ꓾ (2) ꓟꓳꓴ ꓗꓪ ꓐꓰ ꓡ ꓢꓲꓸ ꓬꓲꓸ ꓙꓵꓹ ꓖꓴ ꓬꓰ ꓢꓴ ꓐꓴ ꓠꓬ 2024 ꓘꓳꓼ 2 ꓦ 15 ꓠꓬꓲ ꓗꓪ ꓛꓲ ꓔꓬ ꓪ ꓓ ꓟ ꓕꓵꓼ ꓪ꓾ (3) ꓦꓲꓢꓮ ꓒꓵꓽ 2000 ꓐꓼ ꓗꓪ ꓐꓰ 500 ꓐꓼ ꓡꓰꓽ ꓣꓴ ꓓꓴ ꓥꓳ ꓐꓯˍ ꓟ ꓕꓵꓼ ꓪ ꓓꓳ ꓡ ꓡꓳ꓿
ꓕꓱ ꓟ ꓠꓬ ꓟꓬ-ꓟ꓾ꓗ-ꓐꓳ-ꓓꓲ-ꓬ꓾ ꓡ-ꓳ꓾ ꓐꓲ-ꓬꓯ-ꓠ ꓗꓪ ꓐꓰ ꓡ ꓢꓲꓸ ꓕꓮꓲꓹ ꓗꓴꓷꓼ ꓗꓪ ꓟꓬꓱꓽ ꓬꓰ ꓜꓽ ꓔꓬ ꓢꓴ ꓮ ꓙꓵꓽ ꓐꓱ ꓶ ꓬꓲꓸ ꓫꓵꓼ ꓓꓳ ꓡ ꓟ ꓕꓵꓼ ꓪ ꓥ ꓡꓳ꓿
2023 ꓘꓳꓼ 6 ꓦ ꓕꓯ ꓕꓮꓲꓹ ꓗꓴꓷꓼ ꓟꓬꓱꓽ ꓬꓰ ꓰꓴ ꓐꓱ ꓶ ꓢꓲꓽ ꓒꓽ ꓙꓵꓽ ꓦꓲ (Department of employment-DOE) ꓗꓪ ꓐꓰ ꓖꓳꓻ ꓔꓸ ꓟ ꓵꓺ ꓟꓬꓱꓺ ꓡꓳ ꓚꓺ ꓐꓯˍ ꓠꓬ꓾ ꓕꓮꓲꓹ ꓗꓴꓷꓼ ꓗꓪ ꓟꓬꓱꓽ ꓬꓰ ꓔꓬ ꓟ ꓟꓬ-ꓟ ꓡ ꓞꓳ 27 ꓢꓯꓹ 7 ꓟꓶꓽ ꓣꓳ (2770,000 ꓣꓳ) ꓔꓬ ꓡꓳ꓿
