Move Forward ꓑ-ꓔꓲ ꓗꓪ ꓐꓰ ꓟꓬꓱ ꓓꓳꓽ ꓙꓳ ꓟ ꓑꓲ-ꓔ ꓔꓯ ꓑ ꓫꓬ ꓝꓲ ꓓꓴ ꓟꓬꓱꓽ ꓗꓪ ꓐꓰ ꓕꓲꓽ ꓑꓹ ꓠꓽ ꓝꓲ ꓢꓲ꓾ iTV ꓗꓪ ꓬꓲꓸ ꓶ ꓡꓯꓼ ꓚꓱꓹ ꓙꓳˍ ꓡꓳ ꓐꓯ ꓟ ꓔꓯ ꓟꓳꓸ ꓕꓮꓲꓹ ꓗꓴꓷꓼ ꓙꓵꓽ ꓗ ꓫꓵꓽ ꓘꓶꓽ ꓖꓴ ꓗꓪ ꓐꓰ ꓚꓲꓸ ꓚ ꓠꓹ ꓟ ꓐꓯ ꓩꓴ ꓡ ꓠꓬꓲ꓾ ꓟꓲꓸ ꓟꓲ 2023 ꓘꓳꓼ 7 ꓦ 19 ꓠꓬꓲ ꓗꓪ ꓐꓰ ꓕꓮꓲꓹ ꓑ ꓫꓬ ꓐꓴ ꓡꓯꓼ ꓥꓰ 3 ꓥꓰ ꓛꓶ ꓪꓴꓸ ꓔꓴ ꓩꓴ ꓡ ꓡꓳ꓿
ꓡꓯꓼ ꓥꓰ 3 ꓥꓰ ꓛꓶ ꓟ ꓠꓬ ꓑ ꓫꓬ ꓠꓲꓹ ꓡꓶꓽ ꓟꓽ ꓛꓳ ꓛꓳ꓾ ꓜꓲꓽ ꓜꓲ ꓑꓰꓹ ꓑꓰꓹ ꓙꓵꓽ ꓪ ꓣꓴ ꓢꓲꓸ ꓙꓵꓽ ꓔꓬ ꓢꓴ ꓔꓯ ꓒꓳꓹ ꓔꓳꓹ ꓟ ꓢꓷꓸ ꓡꓰ ꓓꓴ ꓥ ꓡꓳ꓿
ꓑꓲ-ꓔꓲ iTV ꓗꓪ ꓬꓲꓸ ꓶ ꓡꓯꓼ ꓙꓳˍ ꓡꓳ ꓐꓯ ꓢꓲ꓾ ꓕꓱ ꓟ ꓠꓬ ꓗꓴꓷꓼ ꓙꓵꓽ ꓗ ꓔꓯ ꓟꓽ ꓪꓽ ꓐꓯ ꓢꓲ꓾ ꓑ ꓫꓬ ꓝꓲ ꓓꓴ ꓟꓬꓱꓽ ꓗꓪ ꓐꓰ ꓑꓲ-ꓔ ꓔꓯ ꓠꓽ ꓩꓴ ꓝꓲ ꓠꓹ ꓟ ꓘꓶꓻ ꓡꓶꓽꓢꓴ ꓐꓴ ꓢꓯꓼ ꓕꓵꓼ ꓔꓬ ꓟ ꓥ ꓡꓳ꓿
ꓕꓮꓲꓹ ꓗꓪ ꓰ ꓔꓲ꓾ ꓟꓯꓼ ꓐꓰ ꓑ ꓫꓬ ꓐꓴ ꓙꓵꓽ ꓪ ꓐꓹ ꓡꓯ ꓘꓳ ꓟ ꓗꓪ ꓫꓸ ꓓꓴ ꓙꓳ ꓔꓬ ꓟ ꓥ ꓡꓳ꓿
ꓐꓬꓱꓽ ꓐꓰ ꓓꓳꓽ꓾ ꓐꓐꓚ, ꓚꓙ
