ꓮ-ꓝ-ꓖ-ꓠꓯ-ꓢꓲ-ꓔ ꓗꓴꓷꓼ ꓔ-ꓡꓲ-ꓐ ꓗꓴꓷꓼ ꓫꓵꓽ ꓪꓴ ꓚꓱꓹ ꓧꓳꓽ ꓪꓴꓸ ꓟꓴ ꓢꓴ ꓟꓶ-ꓡ ꓮ-ꓓꓴꓸ ꓖ-ꓠꓰ ꓐ-ꓣ-ꓓ (Mullah Abdul Ghani Baradar) ꓐꓰ꓾ ꓧꓶꓽ ꓗꓴꓷꓼ ꓟꓵ ꓗꓳ ꓓꓵ ꓓꓵ ꓙ ꓡꓯ ꓘꓳ ꓜꓴ ꓧꓳꓽ ꓢꓴ ꓢꓲꓽ ꓒꓽ ꓓꓽ ꓟ ꓪ-ꓬꓲꓼ (Wang Yi) ꓐꓴ ꓧꓶꓽ ꓟꓵꓽ ꓗꓪ 2021 ꓘꓳꓼ 7 ꓦ 28 ꓠꓬꓲ ꓕꓯ ꓜꓲ ꓡꓯ ꓘꓳ ꓡꓳ꓿
ꓮ-ꓝ-ꓖ-ꓠꓯ-ꓢꓲ-ꓔ ꓗꓪ ꓐꓰ ꓴꓢꓮ ꓟꓯꓼ ꓐꓴ ꓓꓲ ꓙꓰ ꓔꓬ ꓟ ꓐꓰ ꓕꓲ ꓡꓰꓹꓼ ꓔ-ꓡꓲ-ꓐ ꓟꓯꓼ ꓐꓴ ꓡꓰ ꓗꓴꓷꓼ ꓕꓲ ꓐꓶꓽ ꓔꓯ ꓓꓶꓽ ꓧꓪꓸ ꓡꓰ ꓔꓬ ꓡꓳ ꓐꓯ ꓡꓳ꓿ ꓔ-ꓡꓲ-ꓐ ꓔꓯ ꓧꓶꓽ ꓗꓴꓷꓼ ꓡꓰ ꓙ ꓡꓯ ꓘꓳ ꓢꓲ꓾ ꓢꓯꓼ ꓖꓶ ꓔꓬ ꓟ ꓡꓳꓸ ꓟꓳ ꓓ ꓡꓳ꓿
ꓕꓮꓲ-ꓪ꓾ ꓙ-ꓑ꓾ ꓒꓲ-ꓡꓲ-ꓒꓲ ꓐꓴ ꓔꓯ ꓴꓢꓮ ꓡꓰ ꓬꓰ ꓙ ꓔꓬ ꓟ ꓗꓪ ꓧꓶꓽ ꓒꓽ ꓗꓴꓷꓼ ꓠꓬ ꓟꓬ ꓢꓶꓽ ꓠꓬꓲ ꓠꓹ ꓟꓴ ꓟꓽ ꓢꓱ ꓗ ꓡꓳ꓿ ꓮ ꓟꓶ ꓟꓬ-ꓟ ꓗꓴꓷꓼ ꓔꓯ ꓟꓳꓸ ꓥ ꓟꓲ ꓬꓲꓸ ꓖꓳ ꓡꓱ ꓗꓴꓷꓼ ꓓꓽ ꓟ ꓐꓴ ꓘꓶ ꓡꓶꓽ ꓢꓯꓼ ꓔꓳꓹ ꓡꓯ ꓘꓳ ꓔꓬ ꓡꓳ꓿
ꓟꓵ ꓗꓳ ꓓꓴ ꓓꓵ ꓗꓴꓷꓼ ꓐꓴ ꓔꓯꓺ ꓡꓯ ꓘꓳ ꓔꓬ ꓟ ꓗꓪ ꓮ ꓟꓶ ꓠꓬ ꓴꓢꓮ ꓐꓰ ꓧꓶꓽ ꓗꓴꓷꓼ ꓐꓴ ꓶ ꓡꓯꓼ ꓚꓱꓹ ꓗꓪ ꓔꓯꓺ ꓡꓯ ꓘꓳ ꓔꓬ ꓢꓲ꓾ ꓟꓯꓼ ꓢꓰꓼ ꓡꓯ ꓘꓳ ꓚꓱꓹ ꓗꓪ ꓥ ꓟꓲ ꓮ ꓡ ꓮ ꓡ ꓛꓲꓸ ꓡꓯ ꓘꓳ ꓡ ꓔꓬ ꓡꓳ꓿
