ꓲ-ꓓꓳ-ꓠꓰ-ꓫ ꓗꓴꓷꓼ꓾ ꓡꓳ ꓟꓶꓸ ꓕꓲ ꓛꓱꓽ ꓗꓪ ꓔꓬ ꓟ ꓔꓳ-ꓣ-ꓙ ꓞꓳ ꓫꓵꓽ ꓠꓬ (Tanah Toraja in the province of South Sulawesi, Indonesia)꓾ ꓬꓲ ꓪ ꓠꓲꓹ ꓠꓵˍ ꓟ ꓦꓲ ꓘꓴ ꓡ ꓞꓳ ꓫꓵꓻ ꓢꓴ ꓐꓴ ꓔꓯ 3 ꓘꓳꓼ ꓕꓲ ꓧꓪꓹ ꓡꓱ ꓜꓳ ꓗꓪ ꓐꓰ ꓟꓰꓹ ꓓꓳ ꓡ ꓢꓲ꓾ ꓢꓲꓽ ꓫꓬ ꓟꓬꓱꓽ ꓬꓰ ꓖꓶ ꓠꓬꓲ꓾ ꓖꓪ ꓓꓴ ꓬꓲꓸ ꓫꓵꓼ ꓛꓶꓸ ꓖꓶ ꓠꓬꓲ ꓬꓰ ꓚꓰꓼ ꓟ ꓡꓲꓽ ꓒꓰꓼ ꓙꓳ ꓡꓳ꓿
ꓕꓱ ꓡꓱ ꓬꓰ ꓖꓶ ꓟ ꓡꓲꓽ ꓒꓰꓼ ꓚꓱꓹ ꓔꓯ ꓟ-ꓠꓰ-ꓠꓰ Ma’nene ꓡꓲꓽ ꓒꓰꓼ ꓐꓯ ꓡꓳ꓿ ꓡꓲ ꓒꓰꓼ ꓕꓱ ꓟ ꓛꓳˍ ꓟ ꓗꓪ ꓐꓰ ꓢꓯꓸ ꓔꓬ ꓢꓴ ꓤꓶ ꓙꓳ ꓟꓬ ꓙꓳ ꓟ ꓐꓰ꓾ ꓜꓽ ꓢ ꓔꓬ ꓢ ꓟ ꓙꓳ ꓥꓳ ꓐꓰ ꓙꓵꓻ ꓔ ꓡꓳ꓿
ꓢꓲꓽ ꓫꓬ ꓖꓶ ꓔ ꓟ ꓫꓵꓻ ꓢꓴ ꓖꓳ ꓓꓱꓽ
ꓬꓲ ꓪ ꓒꓵꓽ ꓒ ꓙꓵꓻ ꓠꓲꓹ ꓡꓳ ꓚ ꓐꓯ ꓠꓬ꓾ ꓫꓵꓻ ꓢꓴ ꓮ ꓟ ꓥ ꓟꓲ ꓣꓳ ꓟꓵꓽ꓾ ꓣꓳ ꓘꓹ ꓗꓪ ꓬꓲꓼ ꓡ ꓠꓯ ꓡꓳ ꓐꓰ ꓙꓵꓻ ꓔꓬ ꓠꓬꓲ꓾ ꓶꓽ ꓤ ꓟ ꓟꓵꓽ ꓗꓪ ꓓꓵꓽ ꓓꓳ ꓠꓲꓹ ꓟꓽ ꓫꓵ ꓟ ꓞꓳ ꓫꓵꓽ ꓕꓲ ꓫꓵꓽ ꓥ ꓡꓳ꓿
ꓢꓳꓴꓣꓚꓰ- ꓮꓢꓲꓮꓠ ꓦꓲꓐꓰꓢ
