ꓧꓶꓸ ꓕꓯ ꓕꓮꓲꓹ ꓗꓴꓷꓼ ꓟꓬꓱꓽ ꓢꓲꓺ ꓓꓽ ꓟ ꓬꓰ ꓗꓷ ꓢꓲꓸ ꓐꓶꓽ ꓟꓵꓽ ꓗꓪ 15 ꓘꓳꓼ ꓛꓲ ꓛꓰꓹ ꓑꓬ ꓔꓬ ꓢꓴ ꓔꓯꓼ-ꓢꓰ ꓫꓲ-ꓠ-ꓪ ꓠꓬ 2023 ꓘꓳꓼ 8 ꓦ 22 ꓠꓬꓲ ꓠꓯꓼ 9 ꓙꓵꓹ ꓕꓯꓽ ꓐ-ꓗꓼꓳ ꓡꓳ ꓒꓱ꓾ ꓓꓳ-ꓟꓮꓳ ꓙꓱ ꓦꓲ ꓠꓽ ꓔꓶꓸ ꓗꓪ ꓡꓽ ꓛꓲ ꓡꓻꓳ꓿
ꓬꓲꓸ ꓤ ꓟꓶꓼ ꓬꓲ-ꓡꓼ ꓫꓲ-ꓠ-ꓪ ꓠꓬ ꓕꓮꓲꓹ ꓗꓴꓷꓼ ꓟꓬꓱꓽ ꓢꓲꓺ ꓓꓽ ꓟ ꓟꓬꓱꓽ ꓟꓯꓻ ꓪ ꓡꓰ ꓥ ꓟꓲ 2014 ꓘꓳꓼ 5 ꓦ 7 ꓠꓬꓲ ꓕꓯꓽ ꓕꓮꓲꓹ ꓟꓯꓼ ꓜꓲꓽ ꓡꓰ ꓙꓵꓽ ꓪ ꓦꓴ ꓔꓯꓹ ꓙꓰ ꓡꓳ꓿
ꓔꓯꓼ-ꓢꓰ ꓫꓲ-ꓠ-ꓪ ꓔꓯ ꓐꓯ ꓟꓴ ꓩꓴ ꓔꓸ ꓟ ꓙꓳˍ ꓠꓬꓲ꓾ ꓙꓱ ꓦꓲ ꓠꓽ ꓔꓶꓸ ꓗꓪ ꓐꓰ ꓐꓯ ꓟꓴ ꓘꓶꓽ ꓦꓲ ꓗꓪ ꓔ ꓛꓲ ꓙꓰ ꓗꓷꓳ꓿
ꓖꓳ ꓗꓪ ꓫꓵꓽ ꓪꓴ 3 ꓚꓱꓹ ꓐꓱ ꓶ (8) ꓘꓳꓼ ꓡꓴꓽ ꓠꓹ ꓟ ꓐꓯ ꓟꓴ ꓘꓶꓽ ꓩꓴ ꓡ ꓠꓬꓲ꓾ ꓐꓱ ꓓꓴꓽ ꓬꓲꓸ ꓫꓳꓽ ꓕꓲ ꓖ ꓗꓪ ꓡꓴꓽ ꓔꓬ ꓡꓳ꓿
ꓮ ꓟꓶ ꓕꓮꓲꓹ ꓗꓴꓷꓼ ꓟꓬꓱꓽ ꓢꓲꓺ ꓢꓲꓻ ꓣꓴ ꓠꓹ ꓟ ꓢꓽ ꓔꓸ ꓢꓴ ꓠꓬ ꓔꓯꓼ-ꓢꓰ ꓔꓯ ꓪꓽ ꓢꓴ ꓥ ꓠꓬꓲ꓾ ꓟꓲꓸ ꓙꓬ ꓗꓪ ꓮ ꓡꓲ ꓒꓬꓱꓼ ꓡ ꓟ ꓠꓬ ꓢꓰꓸ ꓮ ꓢꓸ ꓓꓴ ꓕꓲꓽ ꓟ ꓒꓬꓱꓼ ꓡ ꓡꓳ꓿
ꓮ ꓟꓶ ꓥ ꓟꓲ ꓕꓮꓲꓹ ꓗꓴꓷꓼ ꓟꓯꓼ ꓐꓰ ꓪ ꓔꓲꓸ ꓠꓬ ꓕꓲꓽ ꓛꓱꓽ꓾ ꓕꓮꓲꓹ ꓑ ꓫꓬ ꓑ-ꓔꓲ ꓜꓴ ꓐꓴ ꓠꓬ ꓕꓲꓽ ꓛꓱꓽ ꓦꓰꓼ ꓔꓳꓹ ꓡꓯ ꓘꓳ ꓔꓬ ꓢꓲ꓾ ꓕꓮꓲꓹ ꓗꓴꓷꓼ ꓟꓬꓱꓽ ꓢꓲꓺ ꓓꓽ ꓟ ꓢꓲꓻ ꓣꓴ ꓟꓽ ꓒꓬꓱꓼ ꓡ ꓢꓰꓽ ꓟ ꓦꓬꓼ ꓠꓬꓲ ꓥ ꓡꓳ꓿
ꓐꓬꓱꓽ꓾ The Nation Thailand
