ꓑꓴ-ꓔ-ꓳ ꓗꓪ ꓓꓼ-ꓖꓴ-ꓓ ꓡꓰ ꓧꓳꓽ ꓪꓴꓸ ꓟꓴ ꓔꓬ ꓟ ꓘꓳ-ꓡ-ꓒꓶꓸ ꓑ ꓫꓬ ꓟꓯꓼ (ꓣ-ꓪ ꓟꓯꓼ) ꓡꓰ ꓤ ꓖꓴ ꓡꓯꓸ 200 ꓣꓳ ꓔꓯ ꓮ ꓟꓶ ꓚꓲꓸ ꓚꓲꓸ ꓑꓶꓸ ꓑꓶꓸ ꓟꓯꓼ ꓤꓹ ꓖꓶ ꓔꓬ ꓡꓳ꓿
“ꓦ ꓐ ꓪ ꓒꓵꓽ ꓕꓲ ꓣꓳ 2 ꓢꓯꓹ꓾ ꓜꓽ ꓓꓴ ꓓꓳ ꓓꓴ ꓖꓶ ꓓꓴ ꓥꓳ꓿ ꓚꓲ ꓛꓬ ꓔꓱꓹ ꓚꓲꓸ ꓛꓬ ꓟꓯꓼ ꓓꓵꓽ ꓡ ꓢꓴ ꓔꓯ ꓠꓬ ꓠꓱꓸ ꓐꓯꓼ ꓟꓵꓽ ꓗꓪ ꓟꓽ ꓙꓰ ꓝꓲ꓿ ꓑꓴ-ꓔ-ꓳ ꓗꓪ ꓔꓬ ꓝꓲ ꓢꓲꓸ ꓚꓲꓸ ꓛꓬ ꓫꓵꓽ꓾ ꓚꓲꓸ ꓛꓬ ꓟꓵꓽ ꓡꓳꓸ ꓝꓲ ꓓꓴ ꓥꓳ꓿ ꓖꓼ ꓣꓴ ꓪ ꓢꓴ ꓔꓯ ꓠꓽ ꓠꓱꓸ ꓐꓯꓼ ꓟꓵꓽ ꓗꓪ ꓝꓲ ꓠ ꓗ ꓡ ꓕꓯꓽ ꓝꓲ ꓩꓴ ꓓꓴ ꓥꓳ꓿ ꓐꓯ ꓢꓲꓸ 2024 ꓘꓳꓼ 1 ꓦ ꓗꓪ ꓐꓰ ꓣ-ꓪ ꓘꓹ ꓓꓽ ꓟ ꓮ ꓙꓵꓽ ꓗꓪ ꓢꓷꓸ ꓙ ꓟꓴ ꓙ ꓪꓴꓸ ꓔꓴ ꓔꓬ ꓟ ꓥ ꓡꓳ꓿” ꓐꓰ ꓢꓷꓸ ꓢꓴ ꓡꓰ ꓓꓳꓽ ꓜꓳ ꓡꓳ꓿
ꓮ ꓟꓶ ꓠꓬ ꓤ ꓖꓴ ꓡꓯꓸ 200 ꓣꓳ ꓧꓪ ꓜꓲꓼ ꓪ ꓡꓰ ꓢꓲꓸ ꓬꓲꓸ ꓪ ꓔꓯ ꓟꓯꓼ ꓤꓹ ꓖꓶ ꓔꓬ ꓡꓳ꓿
ꓓꓼ-ꓖꓴ-ꓓ ꓡꓰ ꓧꓳꓽ ꓪꓴꓸ ꓟꓴ ꓟ ꓣ-ꓪ ꓟꓯꓼ ꓠꓬ “ꓘꓳ-ꓡ-ꓒꓶꓸ ꓟꓵꓽ ꓑ ꓫꓬ ꓟꓯꓼ” ꓐꓯ ꓢꓲꓸ ꓬꓲꓸ ꓟꓬꓱꓺ ꓟꓯꓻ ꓔꓸ ꓥ ꓟꓲ꓾ ꓑꓴ-ꓔ-ꓳ ꓙꓱ ꓦꓲ ꓠꓽ ꓔꓶꓸ ꓗꓪ ꓟꓯꓼ ꓒꓱ ꓫꓬꓹ ꓢꓲꓸ ꓔꓬ ꓟ ꓥ ꓡꓳ꓿
