2022 ꓘꓳꓼ 8 ꓦ 6 ꓠꓬꓲ ꓕꓯꓽ ꓑꓴ-ꓔ-ꓳ ꓟꓵꓽ ꓘꓶ ꓟꓵ ꓡꓯꓼ ꓠꓟ-ꓕꓶ-ꓘꓴꓸ ꓘꓹ ꓗꓪ ꓔꓬ ꓟ ꓟꓶ ꓛꓲꓽ ꓟꓶ ꓬꓲ 10 ꓣꓳ ꓔꓯ ꓕꓲ ꓣꓳ 50,000 ꓒꓯꓼ ꓖꓶꓽ ꓗꓷ ꓢꓲ꓾ “ꓓꓳ ꓫꓵꓼ ꓵꓺ ꓢꓲꓸ ꓙꓲˍ ꓟ ꓟꓬꓱꓽ ꓬꓰ ꓟ 3 ꓧꓪꓹ ꓕꓲ ꓧꓪꓹ” ꓬꓰ ꓓꓳ ꓡꓰꓳ꓿
“ꓮ ꓔꓲꓸ ꓤꓼ ꓥ ꓟꓲ ꓣꓱꓽ ꓬꓯꓼ ꓔꓬ ꓢꓴ ꓐꓱ ꓶ ꓠꓽ ꓠꓲꓹ ꓟ ꓔꓯꓹ ꓔꓯꓹ ꓔꓲꓸ ꓗꓷ ꓡꓰˍ ꓟ ꓡꓳꓸ ꓟꓳˍ ꓡꓳ꓿ ꓟꓽ ꓥꓳ ꓡꓳꓸ ꓔꓸ ꓟ ꓗꓪ꓾ ꓟꓽ ꓢꓷꓸ ꓠꓬꓲ ꓢꓴ ꓗꓪ ꓐꓰ ꓡꓯꓼ ꓫꓴ ꓖꓶ ꓡ ꓠꓰ ꓬꓲꓸ ꓪ ꓮ ꓘꓶꓸ ꓗꓹ ꓛꓲ ꓢꓲꓸ ꓶꓼ ꓥꓳ ꓙꓱꓽ ꓩꓴ ꓡ ꓡꓳ” ꓐꓰ ꓡꓯꓼ ꓫꓴ ꓖꓶꓽ ꓙ ꓬꓰ ꓢꓴ ꓐꓴ ꓡꓰ ꓐꓯ ꓟꓸ ꓖꓶ ꓡˍ ꓡꓳ꓿
ꓕꓱ ꓟ ꓠꓬ ꓡꓲ-ꓢꓴ ꓤꓶ ꓵꓺ ꓔꓬ ꓢꓴ ꓮ ꓙꓵꓽ ꓡꓰ ꓙꓲˍ ꓟ ꓟꓬꓱꓽ ꓔꓺ ꓬꓰ ꓪ ꓡꓰˍ ꓟ ꓕꓲꓽ ꓫꓵꓽ ꓥ ꓢꓲ꓾ ꓮ ꓟꓶ ꓗꓪ ꓛꓲ ꓟꓵ ꓘꓶ ꓟꓵꓽ ꓡꓯꓼ ꓗꓪ ꓫꓸ ꓢꓴ ꓞꓳ ꓟꓳꓽ 30 ꓣꓳ ꓔꓯ ꓡ ꓚꓸ ꓡ ꓟꓲ ꓪꓴ ꓓꓳ ꓒꓵꓽ ꓡꓯꓼ ꓫꓴ ꓖꓶ ꓪ ꓡꓰ ꓟ ꓥ ꓡꓳ꓿
==========
///? ꓡꓲ-ꓢꓴ ꓤꓶ (Lisu Times) ꓠꓬ ꓟꓲ ꓠꓯ ꓫꓵꓽ ꓓꓳꓽ ꓔꓯ ꓡꓲ-ꓢꓴ ꓥꓳꓽ ꓗꓪ ꓵꓺ ꓐ ꓡ ꓠꓹ ꓟ꓾ ꓡꓲ-ꓢꓴ ꓕꓳ ꓶ ꓐꓰ ꓥꓳꓽ ꓫꓵꓽ ꓔꓯ ꓫꓺ ꓒꓵꓽˍ ꓟ ꓐꓰ ꓤꓶ ꓟꓴ ꓡ ꓠꓹ ꓟ꓾ ꓡꓲ-ꓢꓴ ꓐꓴ ꓕꓲ ꓣꓳ ꓐꓱ ꓶ ꓕꓲ ꓣꓳ ꓙ ꓗꓳ ꓠꓲꓹ ꓠꓵ ꓡꓯ ꓘꓳ ꓡ ꓠꓹ ꓟ ꓟꓬꓱꓽ ꓔꓯ ꓥꓪ ꓠꓴ ꓟꓳꓻ ꓗꓴꓸ ꓢꓷꓸ ꓗꓴꓸ ꓟ ꓕꓲꓽ ꓙꓶ ꓗꓪ ꓐꓰ ꓠꓲꓹ ꓡꓱ ꓢꓯꓼ ꓕꓵꓼ ꓔꓬ ꓟ ꓥ ꓡꓳ꓿ ꓛꓬ ꓖꓴ ꓡꓳꓸ ꓟꓳˍ ꓠꓬ ꓬꓲꓼ ꓠꓬꓲꓸ ꓖꓶ ꓡꓯ꓿ ꓢꓯꓼ ꓖꓶ ꓡ ꓢꓴ ꓮ ꓙꓵꓽ ꓔꓯ ꓮ ꓘꓶꓸ ꓫꓸ ꓟꓳ= ?///
