ꓮꓳ-ꓢ-ꓢꓴꓸ-ꓚꓰꓽ ꓘꓶꓽ ꓕꓴꓸ ꓜꓽ ꓥ ꓐꓯ ꓢꓲꓸ ꓐꓯ ꓟꓴ ꓩꓴ ꓔꓸ ꓟ ꓚꓱꓹ ꓔꓯ ꓠꓬꓲꓸ ꓠꓬꓲ 2022 ꓘꓳꓼ 5 ꓦ 31 ꓠꓬꓲ ꓕꓯꓽ ꓠꓯ-ꓑꓲ-ꓓꓳ ꓗꓪ ꓚꓲꓸ ꓚ ꓕꓯꓽ ꓶ ꓡꓯꓼ ꓬꓰ ꓒꓽ ꓟꓮꓳ-ꓪꓰꓼ ꓡ ꓢꓲ꓾ ꓬꓲꓸ ꓡꓰ ꓖꓶꓽ ꓗꓷ ꓟ ꓒꓴ ꓠꓬ ꓔꓲꓺ ꓒꓴ ꓥ ꓡꓳ꓾ ꓐꓰ꓾ ꓐꓯ ꓟꓴ ꓕꓲꓺ ꓗꓪ ꓐꓯ ꓩꓴ ꓡ ꓡꓳ꓿
ꓕꓱ ꓡꓱ ꓢꓸ ꓢꓯ ꓦꓰꓼ ꓓꓳ ꓡꓰ ꓠꓬ ꓮꓳ-ꓢ-ꓢꓴ-ꓚꓰꓽ ꓠꓲꓸ ꓕꓯꓽ ꓗꓪ ꓪꓵꓸ ꓓꓵ ꓟꓳꓼ ꓢꓲꓸ ꓞꓳ ꓒꓵꓽˍ ꓟ ꓟꓳꓸ ꓖꓶˍ ꓡꓳ꓿
ꓓꓳ-ꓘꓰ-ꓚꓰꓺ ꓠꓬ ꓮꓳ-ꓢ-ꓢꓴꓸ-ꓚꓰꓽ ꓬꓲꓸ ꓟꓹ ꓟ ꓟꓬꓱꓺ ꓥ ꓢꓲꓸ ꓖꓳ ꓕꓲꓽ ꓟꓬꓱ ꓗꓪ ꓐꓰ ꓬꓰ ꓙ ꓔꓺ ꓙ ꓜꓴ ꓕꓲꓽ ꓟ ꓒꓴ ꓔꓸ ꓟ ꓥ ꓡꓳ꓿ ꓟꓯꓼ ꓕꓲ ꓒꓳꓹ ꓗꓪ ꓐꓰ ꓝꓴꓲꓸ ꓓꓰꓺ ꓟ ꓠꓬ ꓖꓳ ꓟ ꓗꓪ ꓒꓴ ꓗꓶꓺ ꓡ ꓢꓴ ꓐꓴ ꓠꓬ ꓮꓳ-ꓢ-ꓢꓴ-ꓚꓰꓽ ꓔꓯ ꓘꓶꓽ ꓕꓴꓸ ꓗꓸ ꓟ ꓥ ꓡꓳ꓾ ꓐꓯ ꓢꓲꓸ ꓫꓵꓽ ꓩꓴ ꓔꓸ ꓡꓳ꓿
ꓟꓮꓳ-ꓪꓰꓼ ꓠꓬ ꓜꓯ-ꓑꓮꓲꓽ ꓗꓳ-ꓑꓶ-ꓠꓰ ꓢꓲꓺ ꓒꓽ꓾ ꓞꓳ ꓐꓳ ꓞꓳ ꓬꓲꓼ ꓶ ꓡꓯꓼ ꓬꓰ ꓒꓽ ꓓꓽ ꓟ ꓕꓲ ꓣꓳ ꓥ ꓡꓳ꓿
