2021 ꓘꓳꓼ 12 ꓦ 24 ꓠꓬꓲ ꓕꓯꓽ ꓒ-ꓣꓴ-ꓢꓴ ꓡꓳ ꓒꓱ꓾ ꓟꓴ-ꓢꓴ ꓘꓹ ꓒ ꓕꓲ ꓗꓪ ꓟꓯꓼ ꓘꓰꓹ ꓢꓴ ꓑ ꓫꓬ 35 ꓣꓳ ꓔꓯ ꓟꓬ-ꓟ ꓟꓯꓼ ꓡꓰ ꓢꓰꓼ꓾ ꓟꓳ ꓓꓳ ꓘꓴꓽ ꓗꓪ ꓮ ꓔꓳꓸ ꓛꓴ ꓔꓸ ꓟ ꓧꓪ ꓟꓶ ꓡꓳ ꓐꓰ ꓗꓠꓑꓡꓝ ꓡꓰ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
“ꓢꓰꓼ ꓪ ꓡꓰ ꓢꓴ ꓐꓴ ꓠꓯꓸꓼ ꓗꓪ ꓤ ꓠꓱ ꓐꓰ꓾ ꓤ ꓟꓶꓼ ꓤꓹ ꓤꓽ ꓐꓴ ꓥ ꓟꓲ ꓫꓳꓹ ꓔꓸ ꓡꓲ” ꓐꓰ ꓗꓠꓑꓡꓝ ꓡꓰ ꓐꓯ ꓡꓳ꓿
2021 ꓘꓳꓼ 12 ꓦ 24 ꓠꓬꓲ ꓕꓯꓽ ꓗ-ꓬ ꓟꓵꓽ ꓗꓪ ꓟꓯꓼ ꓕꓴꓸ ꓡˍ ꓟ ꓟꓬ-ꓟ ꓟꓯꓼ ꓔꓯ ꓗ-ꓬꓲ-ꓠꓲ ꓟꓯꓼ (ꓗꓮ) ꓐꓰ꓾ ꓗ-ꓬꓲ-ꓠꓲ ꓑ ꓫꓬ ꓟꓯꓼ (ꓗꓠꓑꓡꓝ) ꓐꓴ ꓡꓰ ꓒ-ꓣꓴ-ꓢꓳ ꓡꓳ ꓒꓱ ꓒ ꓕꓲ ꓗꓪ ꓟꓯꓼ ꓓꓶꓽ ꓡꓯ ꓘꓳ ꓗꓷꓳ꓿
ꓖꓳ ꓟ ꓔꓯ ꓟꓬ-ꓟ ꓟꓯꓼ ꓐꓴ ꓠꓬ ꓑ ꓫꓬ ꓐꓴ ꓔꓯ ꓗꓸ ꓧꓪ ꓢꓲꓸ ꓢꓰꓼ ꓡ ꓟ ꓥ ꓡꓳ꓿ ꓟꓳ-ꓓꓳ ꓒꓽ 3 ꓦꓲ꓾ ꓟꓳ ꓓꓳ ꓤꓽ 3 ꓦꓲ꓾ ꓕꓳ ꓡ ꓙꓲ ꓐꓰ꓾ ꓢ-ꓗꓯ 5 ꓦꓲ ꓮ ꓔꓳꓸ ꓛꓴ ꓗꓷ ꓟ ꓥ ꓡꓳ꓿
“ꓟꓬ-ꓟ ꓟꓯꓼ ꓠꓬ ꓟꓯꓼ ꓩꓰꓹ ꓑ ꓫꓬ ꓔꓯ ꓢꓰꓼ ꓟ꓾ ꓟꓯꓼ ꓡꓲꓽ ꓔꓯ ꓟꓽ ꓛꓳ ꓟ꓾ ꓥꓶꓸ ꓟ ꓟꓬꓱꓽ ꓬꓰ ꓓꓳ ꓡ ꓟ ꓥ ꓡꓳ” ꓐꓰ ꓗꓠꓑꓡꓝ ꓡꓰ ꓐꓯ ꓔ ꓡꓳ꓿
ꓬꓲ ꓚꓰ꓾ ꓗꓠꓓꓝ
