ꓟꓶ-ꓚꓲ-ꓠ ꓐꓰ꓾ ꓑꓴ-ꓔ-ꓳ ꓟꓵꓽ꓾ ꓡꓲ-ꓢꓴ ꓐꓴ ꓘꓴꓽ ꓗꓪ ꓞꓲꓼ ꓟꓳꓽ ꓢꓴ ꓮ ꓑ ꓮ ꓬ ꓐꓴ꓾ ꓮ ꓟ ꓮ ꓟ ꓐꓴ ꓔꓯ ꓥꓸ ꓥꓸ ꓟꓶꓼ ꓥꓸ ꓟꓽ ꓥꓳ ꓡꓳꓸ ꓔꓸ ꓟ ꓗꓪ ꓠꓲꓹ ꓟ ꓢ ꓡꓰ ꓝꓲ ꓠꓹ ꓟ ꓡꓯꓼ ꓫꓴ ꓖꓶ ꓚꓱꓹ ꓕꓲ ꓟ ꓔꓯ ꓪꓴꓸ ꓔꓴ ꓔꓬ ꓟ ꓙꓬ-ꓬꓳ ꓐꓰ꓾ Margaret ꓔꓯ ꓡꓲ-ꓢꓴ ꓤꓶ (the Lisu Times) ꓗꓪ ꓐꓰ ꓠꓺ ꓠꓬꓲ ꓔꓸ ꓟ ꓟꓳꓸ ꓖꓶ ꓩꓴ ꓡ ꓥꓳ=
1# ꓕꓱ ꓕꓲ ꓝꓲꓸ ꓠꓴ ꓪ ꓠꓬꓲꓽ ꓫꓵꓸ ꓢꓴ ꓟꓬꓱꓽ ꓬꓲꓸ ꓫꓵꓼ ꓕꓲ ꓟ ꓬꓰ ꓔꓬ ꓟ ꓡꓰ ꓐꓰ ꓡꓳꓸ ꓟꓳ ꓥ= ꓮ ꓫꓵꓽ ꓬꓰ ꓠꓬꓹ ꓓꓴ ꓟ ꓮ ꓔꓲꓸ ꓐꓯ ꓟꓸ ꓖꓶ ꓗꓹ ꓡꓯ?
“ꓒꓴ ꓢꓲꓹ ꓪꓰ ꓡꓯꓼ ꓫꓴ” ꓟꓬꓱꓽ ꓕꓲ ꓟ ꓬꓰ ꓔꓬ ꓡꓳ=
2# ꓟꓬꓱꓽ ꓚꓱꓹ ꓕꓱ ꓟ ꓬꓰ ꓠꓹ ꓟ ꓮ ꓡꓲ ꓓꓵꓽ ꓙ ꓛꓲ ꓡ ꓡ?
ꓢꓰ-ꓖ-ꓑꓴ ꓗꓪ ꓚꓳꓸ ꓥꓪ ꓠꓴ ꓢꓷꓸ ꓢꓴ ꓕꓲ ꓣꓳ ꓠꓰ ꓑꓴ-ꓔ-ꓳ ꓗꓪ ꓔꓬ ꓟ ꓬꓲꓸ ꓮꓸ ꓬꓽ ꓐꓰ ꓬꓲꓸ ꓒꓽ ꓐꓱ ꓶ ꓡꓯꓼ ꓫꓴ ꓖꓶ ꓠꓲꓹ ꓫꓵ ꓥ ꓖꓪ ꓙꓱ ꓡ ꓡꓳ= ꓮ ꓡꓲ ꓖꓶꓽ ꓠꓹ ꓟ ꓬꓲꓸ ꓚꓱꓹ ꓔꓯ ꓟꓳꓸ ꓓꓵꓽ ꓙ ꓚꓴ ꓬꓲꓹ ꓓꓶꓽ ꓗꓷ ꓠꓬ꓾ “ꓒꓴ ꓢꓲꓹ ꓪꓰ ꓡꓯꓼ ꓫꓴ” ꓦ ꓖꓶ ꓠꓹ ꓟ ꓓꓵꓽ ꓙ ꓛꓲ ꓡ ꓡꓳ= ꓥꓪ ꓦꓲ ꓢꓲ ꓟ ꓠꓬ ꓕꓱ ꓡꓱ ꓢꓲꓹ ꓪꓰ ꓫꓬꓹ ꓗꓴꓸ ꓢꓴ ꓕꓲ ꓣꓳ ꓥ ꓡꓳ= ꓢꓰ-ꓖ-ꓑꓴ ꓗꓪ ꓟ ꓛꓳ ꓒꓯꓹ ꓥ ꓟꓲ ꓚꓴ ꓬꓲꓹ ꓕꓱ ꓟ ꓔꓯ ꓘꓳ ꓣꓴ ꓡ ꓠꓬꓲ ꓬꓲ ꓪ ꓦꓲ ꓗꓪ ꓒ ꓛꓲ ꓦ ꓖꓶ ꓬꓰꓳ= ꓞꓳ ꓤ ꓗꓹ ꓛꓲ ꓠꓲꓹ ꓢ ꓡꓰ ꓓꓴ ꓓꓵꓽ ꓙ ꓚꓱꓹ ꓬꓲꓸ ꓫꓵꓼ ꓕꓲ ꓟ ꓪꓴ-ꓢ ꓗꓪ ꓐꓰ ꓚꓴ ꓬꓲꓹ ꓖꓶꓽ ꓡ ꓟ ꓑꓶꓸ ꓓꓴ ꓪꓴ-ꓢ ꓔꓯ_ ꓟꓲ ꓫꓸ ꓟꓳ ꓢꓲꓸ ꓟꓬꓱꓽ ꓕꓱ ꓟ ꓬꓰ ꓪꓴꓸ ꓔꓴ ꓔꓬ ꓟ ꓥ ꓡꓳ=
3# ꓬꓲꓸ ꓪꓴꓸ ꓕꓲ ꓧꓪꓹ ꓠꓴ ꓪ ꓕꓱ ꓡꓱ ꓦ ꓖꓶ ꓬꓰ ꓕꓯꓽ ꓮ ꓡꓲ ꓔꓳꓹ ꓜꓳ ꓪ?
ꓮ ꓠꓯꓺ! ꓮ ꓘꓶꓸ ꓠꓲꓹ ꓟ ꓢ ꓓꓴ ꓙꓳ_ ꓥ= ꓟꓲꓸ ꓟꓲ ꓠꓽ ꓘꓳ-ꓟꓴꓼ-ꓡꓳꓸ ꓗꓪ ꓛꓲ ꓙꓰ ꓢꓲꓸ ꓦ ꓖꓶ ꓬꓰ ꓕꓽ꓾ ꓬꓲꓸ ꓪ ꓡꓲꓸ ꓗꓹ ꓛꓲ ꓠꓬꓽ ꓜꓲ ꓠꓰ ꓟꓬ ꓐꓲ ꓜꓰꓽ ꓜꓰꓽ ꓔꓲꓸ ꓥꓳ= ꓮ ꓕꓽ ꓖꓶ ꓟꓽ ꓔꓳꓹ ꓜꓳꓽ ꓠꓬꓲꓳ ꓫꓵꓽ ꓔꓳꓹ ꓜꓳ ꓬꓰ ꓟ ꓥꓳ= ꓣꓳ ꓡꓲꓸ ꓗꓹ ꓛꓲ꓾ ꓬꓲꓸ ꓪ ꓡꓲꓸ ꓗꓹ ꓛꓲ ꓳꓸ ꓡꓲ ꓗ ꓬꓰ ꓪ= ꓮ ꓘꓶꓸ ꓙꓲꓹꓳ ꓫꓵꓽ ꓟꓬꓱꓽ ꓕꓲ ꓟ ꓥ ꓐꓶ=
4# ꓟꓶ-ꓚꓲ-ꓠ ꓐꓰ ꓑꓴ-ꓔ-ꓳ ꓟꓵꓽ ꓗꓪ “ꓒꓴ ꓢꓲꓹ ꓪꓰ ꓡꓯꓼ ꓫꓴ” ꓖꓶꓽ ꓠꓲꓹ ꓫꓵ ꓢꓴ ꓐꓴ ꓙꓳ ꓠꓬ ꓠꓴ ꓪ ꓔꓯ ꓮ ꓡꓲ ꓙ ꓡꓯ ꓘꓳ ꓐ ꓡ ꓡ?
ꓥꓪ ꓠꓴ ꓔꓯ ꓟꓬꓱꓽ ꓖꓶ ꓠꓲꓹ ꓫꓵ ꓠꓬ꓾ Ph: 09889736373,09966545383 Facebook-Jay yo forward Fb- Margaret ꓗꓪ ꓙ ꓡꓯ ꓘꓳ ꓩꓴ ꓡꓯ= ꓫꓸ ꓟꓳ ꓪ=
