2024 ꓘꓳꓼ 1 ꓦ 31 ꓠꓬꓲ ꓕꓯꓽ ꓟꓬ-ꓟ ꓟꓯꓼ ꓐꓴ ꓔꓯ ꓒꓳꓹ ꓔꓳꓹ ꓔꓬ ꓟ ꓟ ꓟꓯꓼ ꓜꓴ ꓐꓴ ꓡꓰ ꓟꓬꓱꓽ ꓔꓶ ꓙꓱꓼ ꓓꓽ ꓟ (6) ꓟ ꓢꓷꓸ ꓙ ꓟꓴ ꓙ ꓩꓴ ꓡ ꓡꓳ꓿
- 1. ꓟꓬ-ꓟ ꓟꓯꓼ ꓜꓴ ꓠꓬ ꓗꓴꓷꓼ ꓙꓵꓽ ꓚꓱꓹ ꓟꓴ ꓚꓱꓹ ꓗꓪ ꓐꓰ ꓓꓳ ꓙꓰ ꓠꓹ ꓟ꓿
- ꓑꓳꓺ ꓔꓯꓹ ꓟꓯꓼ ꓮ ꓙꓵꓽ ꓠꓬ ꓑ ꓫꓬ ꓡꓰ ꓢꓲꓻ ꓣꓴ ꓔꓸ ꓟ ꓗꓴꓷꓼ ꓙꓵꓽ ꓜꓴ ꓡꓯꓼ ꓛꓲ ꓗꓪ ꓔꓬ ꓠꓹ ꓟ꓿
- 2008 ꓗꓴꓷꓼ ꓙꓵꓽ ꓚ ꓚꓰꓺ ꓔꓯ ꓒꓬꓹ ꓡꓳꓺ ꓩꓴ ꓠꓹ ꓟ꓿ ꓙꓵꓽ ꓗ ꓚꓰꓺ ꓕꓱ ꓟ ꓢꓯꓸ ꓡ ꓚꓱꓹ ꓟꓬꓱꓽ ꓮ ꓙꓵꓽ ꓔꓯ ꓔꓳꓹ ꓠꓹ ꓟ꓿
- ꓮ ꓙꓵꓽ ꓢꓴ ꓠꓲꓹ ꓧꓳꓹ ꓓˍ ꓟ ꓒꓯ-ꓓ-ꓬꓯ ꓓꓰ-ꓟꓳ-ꓗꓯ-ꓢꓰ ꓗꓴꓷꓼ ꓙꓵꓽ ꓗ ꓚꓰꓺ ꓕꓲꓽ ꓟ ꓫꓬꓹ ꓐꓳ ꓠꓹ ꓟ꓿
- ꓐꓳ ꓓꓳ ꓡ ꓒꓯ-ꓓ-ꓬꓯ ꓓꓰ-ꓟꓳ-ꓗꓯ-ꓢꓰ ꓗꓴꓷꓼ ꓙꓵꓽ ꓗ ꓚꓰꓺ ꓡꓳ ꓚ ꓒꓯ-ꓓ-ꓬꓯ ꓓꓰ-ꓟꓳ-ꓗꓯ-ꓢꓰ ꓗꓴꓷꓼ ꓬꓲꓸ ꓫꓵꓼ ꓫꓬꓹ ꓜꓶ ꓠꓹ ꓟ꓿
- ꓒꓳꓹ ꓔꓳꓹ ꓟ ꓦꓬꓼ ꓠꓬꓲ ꓗꓪ ꓬꓲꓸ ꓡꓲꓽ ꓟꓽ ꓙꓳ ꓙꓳ ꓞꓳꓸ ꓡꓰ ꓢꓴ ꓐꓴ ꓐꓱ ꓶ ꓢꓴ ꓐꓴ ꓐꓱ ꓶ ꓫꓬꓹ ꓑꓱ ꓫꓬꓹ ꓡꓲꓸ ꓟꓬꓱꓽ ꓬꓰ ꓖꓶ ꓠꓹ ꓟ꓿
ꓕꓱ ꓡꓱ ꓢꓷ ꓙ ꓟꓴ ꓙ ꓟ ꓔꓯ ꓜꓴ ꓡꓲꓸ ꓟ ꓥ ꓟ ꓚꓠꓝ꓾ ꓗꓠꓑꓑ꓾ ꓗꓠꓴ ꓐꓰ ꓠꓴꓖ ꓡꓰ ꓬꓰ ꓩꓴ ꓡ ꓥ ꓡꓳ꓿
ꓝꓮꓲ ꓦꓰꓼ ꓖꓴ ꓐꓰ ꓡꓯꓼ ꓕꓲ ꓟꓬꓱꓽ ꓬꓰ ꓚꓱꓹ ꓔꓯ ꓥ ꓟꓲ ꓡꓯ ꓫꓵꓺ ꓐꓲ ꓜꓲꓼ ꓜꓲꓼ ꓐꓳ ꓔꓸ ꓡꓳ꓿
