ꓬꓥ-ꓖꓳꓥ ꓟꓵꓽ ꓫꓴ ꓙꓵꓽ ꓢꓲꓽ ꓒꓽ ꓬꓰ ꓗꓷ ꓢꓴ ꓒꓬꓳꓹ-ꓟꓰꓹ-ꓔꓲꓸ ꓔꓯ ꓟꓯꓼ ꓗꓳ ꓢꓰ ꓡꓰ ꓫꓵꓽ ꓪꓴ ꓩꓴ ꓔꓸ ꓟ 2023 ꓘꓳꓼ 2 ꓦ 17 ꓠꓬꓲ ꓕꓯꓽ ꓫꓵꓽ ꓘꓶꓽ ꓓꓳ ꓡꓰ ꓢꓲꓸ ꓒꓴ 1 ꓢꓯꓹ ꓐꓶ ꓗꓷ ꓠꓬ ꓡꓲꓹ ꓙꓰꓳ꓿
(ꓬꓲꓸ Facebook ꓗꓪ ꓐꓰ)
ꓐꓐꓚ ꓡꓰ ꓠꓺ ꓠꓬꓲ ꓔꓸ ꓟ ꓗꓪ ꓟꓯꓼ ꓜꓲꓽ ꓜꓳ-ꓟꓰꓹ-ꓕꓴꓸ ꓡꓰ꓾ “ꓬꓲꓸ ꓔꓯ ꓫꓵꓽ ꓪꓴ ꓩꓴ ꓔꓸꓳ ꓫꓵꓽ ꓠꓱꓸ ꓐꓯꓼ ꓟꓽ ꓙꓳ ꓬꓰꓳ꓿” ꓐꓯ ꓔꓸ ꓡꓳ꓿
ꓬꓲꓸ ꓫꓵꓽ ꓪꓴꓻ ꓠꓬ 2020 ꓘꓳꓼ ꓕꓯꓽ ꓢꓲꓻ ꓣꓴ ꓑꓮꓲ ꓗꓳ-ꓟꓲ-ꓫꓲ ꓔꓯ ꓙꓵꓽ ꓪ ꓣꓱꓽ ꓢꓲꓸ ꓟꓽ ꓜꓳ ꓟꓽ ꓔꓱꓹ ꓝꓲꓺ ꓗꓷ ꓟ ꓑꓶꓸ ꓓꓴ ꓐꓯ ꓢꓲꓸ ꓙꓵꓽ ꓗ 130 (ꓗꓼ) ꓡꓳ ꓚ ꓒꓴ 1 ꓢꓯꓹ ꓐꓶ ꓝꓲ ꓟ ꓥ ꓡꓳ꓿
ꓬꓲꓸ ꓠꓬ ꓬꓥ-ꓖꓳꓥ ꓟꓵꓽ ꓫꓴ ꓙꓵꓽ ꓢꓴ ꓬꓰ ꓔꓬ ꓟ ꓦꓬꓼ ꓠꓬꓲ ꓗꓪ ꓠꓡꓓ ꓧꓳꓽ ꓢꓴ ꓮꓳ-ꓢ-ꓢꓴ-ꓚꓰꓽ ꓔꓯ ꓓꓳ-ꓡ ꓒꓴ ꓐꓰ ꓫꓵꓺ ꓗꓸ ꓘꓶꓽ ꓕꓴꓸ ꓗꓸꓳ ꓐꓰ ꓐꓯ ꓢꓴ ꓥ ꓡꓳ꓿
