ꓑꓴ-ꓔ-ꓳ ꓡꓳ ꓒꓱ꓾ ꓢ-ꓘꓶ-ꓓꓸ ꓘꓹ ꓗꓪ ꓗꓲꓸ ꓗꓳ ꓚꓸ ꓜꓽ ꓢꓲꓸ 3 ꓣꓳ ꓖꓳꓻ ꓡ ꓟ ꓗꓪ ꓐꓰ ꓠꓬꓲꓸ ꓠꓬꓲ 2022 ꓘꓳꓼ 4 ꓦ 10 ꓠꓬꓲ ꓠꓯꓼ ꓙꓵꓹ ꓗꓪ ꓤ ꓠꓱ ꓕꓲ ꓣꓳ ꓫꓵꓻꓳ꓿
ꓬꓲꓸ ꓪ ꓕꓲ ꓦꓲ ꓠꓬ ꓢꓷ ꓠꓲꓹ ꓢꓳ ꓦꓲ ꓗꓪ ꓟꓸ ꓔꓬ ꓢꓴ ꓕꓲ ꓦꓲ ꓥ ꓢꓲ꓾ ꓢꓳ ꓦꓲ ꓐꓱ ꓗꓪ ꓧꓪ ꓟꓳˍ ꓟ ꓠꓲꓽ ꓗꓲꓸ ꓗꓳ ꓔꓯ 4 ꓦ 9 ꓠꓬꓲ ꓕꓯꓽ ꓚꓸ ꓜꓽ ꓗꓷ ꓗꓸ ꓠꓯꓸ ꓟꓸ ꓟ ꓘꓰ-ꓕꓯꓸ-ꓚꓱꓽ ꓐꓰ ꓬꓲꓸ ꓤ ꓠꓱ (2) ꓣꓳ ꓖꓳꓻ ꓡ ꓟ ꓥ ꓡꓳ꓾ ꓐꓯ ꓡꓳ꓿
“ꓢ-ꓘꓶ-ꓓꓸ ꓮ-ꓡꓼ-ꓗꓼ ꓗꓪ ꓟꓸ ꓔꓬ ꓟ ꓟꓸ ꓟ ꓘꓰ-ꓕꓯꓸ-ꓚꓱꓽ ꓐꓰ ꓬꓲꓸ ꓤ ꓠꓱ (2) ꓣꓳ ꓖꓳꓻ ꓡ ꓢꓲ꓾ ꓠꓬꓲꓸ ꓠꓬꓲ ꓠꓯꓼ ꓗꓪ ꓤ ꓟꓶꓼ ꓤ 7 ꓘꓳꓼ ꓡꓳꓼ ꓢꓴ ꓟ ꓫꓵꓻꓳ꓿ ꓟꓸ ꓟ ꓠꓽ ꓠꓰ ꓓꓻ ꓡꓻꓳ꓿ ꓬꓲꓸ ꓤꓽ ꓕꓲ ꓣꓳ ꓠꓽ ꓠꓰ ꓳ-ꓢꓰ-ꓙꓰ ꓢꓯꓼ ꓦ ꓔꓬ ꓢꓰꓽ ꓥ꓿ ꓟꓽ ꓓ ꓬꓰ ꓢꓰ” ꓐꓰ ꓖꓳ ꓗꓪ ꓬꓰ ꓙ ꓢꓴ ꓕꓲ ꓣꓳ ꓡꓰ ꓐꓯ ꓡꓳ꓿
6 ꓦ ꓟꓽ ꓛꓲ ꓡ ꓕ ꓑꓳꓸ ꓮ ꓟꓶ ꓓꓳ ꓡˍ ꓟ ꓗꓲꓸ ꓗꓳ ꓠꓬ ꓠꓲꓽ ꓗꓲꓸ ꓗꓳ꓾ ꓬꓲꓸ ꓓꓳꓼ ꓙꓳˍ ꓟ ꓗꓲꓸ ꓗꓳ ꓥ ꓡꓳ꓾ ꓐꓰ ꓑꓴ-ꓔ-ꓳ ꓗꓪ ꓟ ꓠꓬꓹ ꓔꓲ ꓠꓬꓹ ꓡꓵꓺ ꓐꓴ ꓢꓷꓸ ꓥ ꓟꓲ꓾ ꓓꓰꓺ ꓟꓵꓽ ꓗꓪ ꓐꓰ ꓓꓯꓻ ꓡ ꓢꓴ ꓐꓴ ꓟꓽ ꓢꓷꓸ ꓠꓬꓲ ꓕꓱ ꓡꓱ ꓔꓳꓹ ꓜꓳ ꓡꓰ ꓟ ꓥꓳ꓿
