ꓟꓬ-ꓟ ꓟꓯꓼ ꓜꓴ 274 ꓟꓯꓼ ꓢꓰꓼ ꓔꓬ ꓟ ꓟꓳ-ꓡꓴꓹ꓾ ꓠ-ꓐꓹ꓾ ꓗ-ꓔ ꓗꓪ ꓑꓓꓝ ꓐꓵ ꓞꓲꓽ ꓖꓪꓽ ꓢꓲꓸ ꓑ ꓫꓬ ꓔꓯ ꓘꓶ ꓡꓶꓽ ꓠꓹ ꓟ ꓗꓴ ꓗꓴ ꓢꓲ ꓕꓵꓼ ꓪ ꓓꓳ ꓡ ꓡꓳ꓾ ꓐꓯ ꓡꓳ꓿
ꓡꓳ ꓒꓱ꓾ ꓘꓹ ꓤ ꓗꓪ ꓚꓳ ꓚꓳ ꓢꓲꓸ ꓟꓯꓼ ꓓꓳˍ ꓕꓯꓽ ꓟꓯꓼ ꓜꓴ (2) ꓜꓴ ꓓꓳ ꓠꓹ ꓟ꓾ ꓟꓯꓼ ꓜꓴ (1) ꓠꓬ ꓑ ꓫꓬ ꓟꓯꓼ (ꓑꓓꓝ) ꓐꓵ ꓞꓲꓽ ꓖꓪꓽ ꓠꓹ ꓟ꓾ ꓝꓮꓲ ꓟꓯꓼ ꓜꓴ (2) ꓠꓬ ꓟꓬ-ꓟ ꓟꓯꓼ ꓐꓯ ꓞꓲꓽ ꓖꓪꓽ ꓢꓲꓸ ꓟꓯꓼ ꓜꓴ (1) ꓔꓯ ꓖꓼ ꓓꓳ ꓔꓬ ꓟ ꓡꓰ ꓐꓰ ꓬꓰ ꓟꓸ ꓠꓹ ꓟ꓾ ꓕꓲ ꓜꓴ ꓐꓰ ꓕꓲ ꓜꓴ ꓠꓬ ꓠꓺ ꓡꓲ (30) ꓧꓶꓺ ꓛ ꓢꓲꓸ ꓡꓳ ꓒꓱ꓾ ꓘꓹ ꓤꓽ ꓙꓪ ꓚꓳ ꓚꓳ ꓠꓹ ꓟ ꓕꓵꓼ ꓪ ꓥ ꓡꓳ꓾ ꓐꓯ ꓡꓳ꓿
“ꓑꓓꓝ ꓐꓰ ꓑ ꓫꓬ ꓐꓴ ꓠꓬꓲꓽ ꓗꓴꓸ ꓚꓸ ꓗꓪ ꓠꓲꓹ ꓟ ꓟꓽ ꓢ ꓓꓴ ꓚꓱꓹ ꓙꓳ ꓡ ꓠꓹ ꓟ ꓟꓬ-ꓟ ꓟꓯꓼ ꓡꓰ ꓠꓲꓹ ꓖꓳꓼ ꓡ ꓔꓬꓳ꓿ ꓕꓲ ꓫꓵ ꓫꓵ ꓗ ꓡ ꓕꓽ ꓑꓓꓝ ꓐꓵ ꓞꓲꓽ ꓖꓪꓽ ꓔꓸ ꓓꓰꓼ ꓖꓼ ꓠꓰ ꓚꓹ ꓟꓼ ꓠ ꓡꓻꓳ ꓟꓽ” ꓐꓰ ꓟꓯꓼ ꓢꓷꓸ ꓠꓲꓹ ꓙꓳ ꓢꓴ ꓐꓴ ꓡꓰ ꓐꓯ ꓡꓳ꓿
ꓮ ꓟꓶ ꓗꓪ ꓛꓲ ꓠꓬ ꓑꓓꓝ ꓠꓬ ꓑ ꓫꓬ ꓐꓴ ꓡꓰ ꓢꓯꓼ ꓖꓶ ꓔꓬ ꓟ ꓟꓬ-ꓟ ꓟꓯꓼ ꓔꓯ ꓔꓳꓹ ꓢꓴ꓾ ꓑ ꓫꓬ ꓔꓯ ꓡꓳꓸ ꓙ ꓗꓽ ꓙ ꓢꓴ ꓑ ꓫꓬ ꓟꓯꓼ ꓐꓴ ꓥ ꓡꓳ꓿
ꓬꓲꓸ ꓚꓰ꓾ Thanlwin Times
