for voice version, click here
***ABM:(အဓိက ပြသနာက ဒေါ်စုကနိုင်ငံကိုအစိတ်စိတ်ကွဲဖို့လုပ်နေတာ။ သူကလူနည်းစုတွေနဲ့အဆက်အဆံမလုပ် ချင်ဘူး။ လူနည်းစုတွေကိုမဲပေးခွင့်မပေးဘူး။ ရိုဟင်ဂျာတွေကို မောင်းထုတ်တယ်။ တိုင်းပြည် က ကွဲတော့မယ်။ ဒါကြောင့်အခု စစ်အစိုးရ military government က နိုင်ငံမပြိုကွဲဖို့နဲ့ ဒီအနရယ်ကနေ ကယ်တင်ဖို့…ရွေးကောက်ပွဲကျင်းပဖို့တွေလုပ်နေတာ။ လူတိုင်းပါ၀င်ခွင့်ရှိတဲ့ ရွေးကောက်ပွဲစစ်စစ် လုပ်ဖို့ လုပ်နေတာ။)
ABM: တရားမျှတမှုမရှိတဲ့ရွေးကောက်ပွဲကြောင့်အစိုးရကိုဖယ်ရှားခဲ့ပါတယ်။ မြန်မာနိုင်ငံရွေးကောက်ပွဲမှာမသမာမှုတွေရှိခဲ့တယ် ဘာကြောင့်လဲဆိုတော့ လူနည်းစုတိုင်းရင်းသား တော်တော်များများကို DASSK ရဲ့ NLD ပါတီကတင်တဲ့ UEC က မဲပေးခွင့်မပေးခဲ့လို့ …ပြီးတော့…အင်…..မြန်မာတပ်မတော်ကနိုင်ငံတော်ကိုထိန်းသိမ်းဖို့လိုလာပြီး သင့်တင့် လျောက်ပတ်တဲ့ရွေးကောက်ပွဲလုပ်ပေးဖို့နဲ့သင့်တင့်တဲ့အရပ်သားအစိုးရတင်မြောက်ပေးဖို့ လိုလာတယ်။
BBC : ရွှေးကောက်ပွဲမရှိပဲတင်မှာ?….(ရွေးကောက်ပွဲမရှိရင်) ဒါအာဏာသိမ်းတာမဟုတ်ဘူးလား?
ABM : မဟုတ်ဘူး…အရပ်သားအစိုးရဖွဲ့ပြီး နောက်အရပ်သားအစိုးရတစ်ရပ်ဖော်ဆောင်ပေးတာပါ။
BBC: ဘယ်မှာလဲ အဲ့အရပ်သားအစိုးရက?
ABM: ခုလက်ရှိ ဖွဲ့ထားပြီးပြီလေ….
BBC: အဲ့တာရွေးကောက်ခံလား?
ABM: မဟုတ်ဘူး..ဒါပေမယ့်ရွေးကောက်ခံအစိုးရဆီဦးတည်နေတာ…ရွေးကောက်ပွဲတစ်ခုလုပ်ပေး မှာ….အဲ့ရွေးကောက်ပွဲမှာမြန်မာနိုင်ငံကလူတိုင်းမဲပေးခွင့်ရမယ်..လူနည်းစု (တိုင်းရင်းသားတွေ) လည်းပါမယ်။
BBC: ဒါပဲမဟုတ်လား..ရွေးကောက်ခံမဟုတ်ပဲတပ်ကဖွဲ့လိုက်တဲ့အစိုးရပဲမလား …ဆိုတော့ တပ်ကအာဏာသိမ်းလိုက်တာပဲပေါ့။
ABM: ဟုတ်တယ်…. မျှတတဲ့ရွေးကောက်ပွဲတစ်ရပ်လုပ်ပေးဖို့ .. သူတို့ကရွေးကောက်ခံမဟုတ်တဲ့ အရပ်သားအစိုးရကိုဖွဲ့လိုက်တာ….မျှတတဲ့ရွေးကောက်ပွဲဖန်တီးပေးဖို့
BBC: အဲ့တာ ပွင့်ပွင့်လင်းလင်းပြောရင် အော်ဝဲလီယန် ဖြစ်တာပေါ့….လိုအပ်တာထက်ဝင်ရူပ်နေတာပဲ
ABM: မသမာတဲ့ရွေးကောက်ပွဲတစ်ခုဖြစ်ခဲ့တယ်….စစ်တပ်က စစ်မှန်တဲ့ရွေးကောက်ပွဲလုပ် ပေးဖို့ကြိုးစားနေတာ…လူနည်းစု(တိုင်းရင်းသား)တွေအားလုံးပါဝင်တဲ့ရွေးကောက်ပွဲလုပ်ပေးမှာ…(ပြီးခဲ့တဲ့ရွေးကောက်ပွဲမှာ .NLD run UEC က ခွင့်မပြုပေးခဲ့တဲ့အတွက်မဲပေးခွင့်မရခဲ့တဲ့ လူက ၁၀ သန်းလောက်ရှိတယ်
BBC: ကောင်းပြီ…. အမေရိကန်အခြေစိုက်ရွေးကောက်ပွဲစောင့်ကြည့်ရေးအဖွဲ့ဖြစ်တဲ့ ကာတာ စင်တာ…အစရှိတဲ့အဖွဲ့တွေရဲ့ကနဦးအစီရင်ခံစာမှာပြောတာတော့ ပိုပြီး ထိရောက်ဖို့ဆို ပြုပြင်ပြောင်းလဲစရာတွေရှိခဲ့ တယ်…အားလုံးပါဝင်ဖို့လိုအပ်တယ်ဆိုတာပြောထားသလို …၈၆% သောအမတ်နေရာတွေအတွက်တော့ပြည်သူက NLD ကိုမဲပေးလိုက်တယ်လို့ပြောပါတယ် ….
ခင်ဗျားက ရွေးကောက်ပွဲမှာ စစ်တပ်ရဲ့ပါတီကနိုင်ခဲ့တယ်လို့ပြောချင်တာလား?
ABM: မဟုတ်ဘူး….sorry …ငါပြောနေတာက..၈၆%ကNLD ကိုမဲပေးလိုက်တာမှန်တယ်.ဒါပေမယ့် ဒီလူတွေကရန်ကုန် တို့မန်းလေးတို့ကလူတွေပဲ လူနည်းစုတိုင်းရင်းသားတွေဟာမဲပေးခွင့်မရခဲ့ဘူး။ ပြည်သူလူထုရဲ့ ၄၀% လောက်မဲပေးခွင့်မရခဲ့တာရှိတယ်။
BBC: ကောင်းပြီ…အရပ်သားအစိုးရဖွဲ့တဲ့အခါ တပ်ကအခုဖွဲ့ထားတဲ့ စစ်အစိုးရထဲကဘယ်သူတွေပြန်ပါလာဦးမှာလဲ?
ABM: ငါလည်း အတိအကျ မသိသေးဘူး….သူတို့အရပ်သားအစိုးရပေါ်လာဖို့လုပ်နေပါတယ်..ဘယ် သူတွေဆက်ပါလာမလဲ သူတို့လည်းမဆုံးဖြတ်ရသေးပါဘူး။ they are trying to put the best people. ရွေးကောက်ပွဲဆက်လုပ်နိုင်ဖို့လည်း အတော်ဆုံးဆိုတဲ့လူ တွေထည့်သွင်းဖို့ကြိုးစားနေပါတယ်။
BBC: လမ်းပေါ်မှာထောင်နဲ့ချီတဲ့…သောင်းနဲ့ချည်တဲ့လူတွေဟာ Feb 1 ရက်နေ့ စစ်တပ်ကအာဏာသိမ်းကတည်းက လမ်းပေါ်ထွက်လာကြတယ်..သေချာတယ်သူတို့ဟာ
ဖြစ်ပျက်ခဲ့တာတွေကိုမကျေနပ်လို့ထွက်လာတာပဲ…သူတို့ကို (တပ်က) မယုံနိုင်လောက်တဲ့ အကြမ်းဖက်မှုမျိုးနဲ့ ကိုင်တွယ်ခဲ့တယ် ….လူ (၂၀၀)လောက်အသတ်ခံရပြီးအဲ့ဒီထဲမှာ..လူငယ်တွေ…အရွယ်ရောက်ပြီးခါစလူတွေနဲ့…ဆယ်ကျော်သက် ကလေးလေးတွေတောင်ပါသေးတယ်။ ဒါဘာကြောင့်လုပ်ရပါတယ်ဆိုတာအကြောင်းပြချက် ကိုမရှိသင့်ဘူးမလား (justified လုပ်လို့မရဘူးမလား…)
ABM: မရှိသင့်ဘူး….လူသတ်ခြင်းအတွက်ဘယ်လိုဖြေရှင်းချက် အကြောင်းပြချက်မှ ပေးလို့မရပါဘူး (ဘာအကြောင်းပြချက်နဲ့မ လူတစ်ဦးတစ်ယောက်ကိုသတ်လို့မရဘူး)…ဒါပေမယ့် ဆန္ဒပြလူအချို့က အကြမ်းဖက်ကြတယ်…လူတစ်ယောက်ကမင်းအိမ်ကိုလာမီးရွိ့ရင် ..မင်းလည်း ပစ် ကောင်းပစ်မိမှာပဲမလား…။
BBC: ခဏနေပါဦး လေးစားစွာနဲ့မေးပါရစေ….မင်းလည်းပုံတွေတွေ့တယ်…ငါတို့လည်းတွေ့တယ်…တစ်ကမာလုံးကိုပျံ့နှံ့လာတဲ့ ဓာတ်ပုံတွေကို တပ်က ကွယ်ဝှက် ဖွက်ထားလို့မရပါဘူး….(ABM ဖြတ်ပြော)
ABM: မဟုတ်ဘူး…မဟုတ်ဘူး…..
BBC: လူငယ်တွေက ငြိမ်းချမ်းစွာနဲ့ လမ်းမပေါ်ထွက်လာတယ် သူတို့အမြင်တွေ ဖော်ပြကြတယ် ..
ABM: ကောင်းပြီ..သူတို့ထဲကတစ်ချို့က…….(BBC ဖြတ်ပြော…)
BBC: (ပုံတွေထဲမှာ)တွေ့နေတာပဲ မီးမရွိ့ မတိုက်ခိုက်တဲ့လူတွေကိုလည်း (တပ်က) ပစ်တာပဲလေ
ABM: လူတချို့ငြိမ်းငြိမ်းချမ်းချမ်းဆန္ဒပြကြတယ်ဆိုတာဟုတ်ပါတယ်..မှန်တယ်…ဒါပေမယ့် ရဲဘက်ကအကြမ်းဖက်မှုတွေလည်းရှိခဲ့တယ်…အဲ့တော့ ရဲတွေက…ငါပြန်ပြောမယ် (I repeat) “ရဲတွေက” …စစ်တပ်က မဟုတ်ဘူး….တပ်နဲ့ရဲနဲ့မတူဘူး…ငြိမ်ချမ်းမှုနဲ့စိုးမိုးမှုရှိဖို့ထိန်းသိမ်းနေကြတာ…ယေဘုယအားဖြင့် ပြောရရင် အကြမ်းဖက်မှုအနည်းငယ်ပဲရှိခဲ့တာပါ။ မင်းမြင်ခဲ့တဲ့ပုံတွေဆိုတာအဲ့တာတွေဖြစ်မှာပါ။ အကြမ်းဖက်မှုအနည်းငယ်ပါ အများကြီးမဟုတ်ဘူး…ငါလည်းမြင်ပြီးပါပြီ။
BBC: အနည်းငယ်ပဲ ဆိုရင် ဘာလို့ သေဆုံးတဲ့သူက အနည်းဆုံး (၂၀၀) ကျော်ဖြစ်နေရတာလဲ? လုံခြုံရေးအဖွဲ့တွေရဲ့အသက်ခံရတာတွေက။
ABM: ငါမသိဘူး….အဲ့ကိန်းဂဏန်းက ငါ့အတွက်တော့များလွန်းတယ်ထင်တာပဲ…အတိအကျတော့ငါမသိဘူး…ငါ တကယ် ကိုမသိဘူး…
BBC: ဒီလိုပြောနေတဲ့ သေဆုံးမှုပမာဏ ကိန်းဂဏန်းတွေကိုမယုံဘူးဆိုရင်လည်း နိုင်ငံတကာက လေ့လာစောင့်ကြည့်မယ့်သူတွေ၊ နိုင်ငံတကာသတင်းထောက်တွေကို ကိုယ်တိုင်ဝင်ကြည့်ခွင့် ဘာလို့ မပေးတာလဲ။
ABM: ငါတို့နိုင်ငံတကာသတင်းထောက်တွေကိုပြည်တွင်းကိုပေးဝင်ဖို့လုပ်နေပါတယ်။ ငါတို့….(BBC ဖြတ်ပြော)
BBC: အာဏာသိမ်းထားတာ (၆)ပတ်ရှိနေပြီ..လူတွေဝင်ခွင့်ပေးမယ်ဆိုပေးဖို့ ရှေ့မှာ အချိန်အများကြီးရှိခဲ့တာပဲ
ABM: အင်….မင်းသိထားဖို့ပြောရရင် လာမယ့် ရက်အနည်းငယ်အတွင်းပေးဝင်တော့မှာပါ (going to be done in the next few days ..just FYI)
BBC: အဲ့တာဆို နိုင်ငံတကာလေ့လာသူတွေနဲ့ နိုင်ငံတကာသတင်းထောက်တွေမကြာခင်ဝင်လာ ဖို့ ဖြစ်လာတော့မယ်ပေါ့….အဲ့လိုဆို သူတို့ကိုဘာတွေကြည့်ခွင့်လေ့လာခွင့်ပေးမှာလဲ
ABM: ဟ…မြန်မာနိုင်ငံကလမ်းတွေပေါ့…ရန်ကုန်သွားလို့ရမယ်…သူတို့သွားချင်တဲ့နေရာတိုင်း သွားလို့ရမယ် သွားချင်ရာ လွတ်လွတ်လပ်လပ်သွားခွင့်ရမယ်….
BBC: ဘာတွေဖြစ်ခဲ့လဲဆိုတဲ့ကိစ္စတွေအပေါ်လူတွေရဲ့အမြင်ပြောင်းဖို့ဆိုတာ အခုတော်တော်တောင်နောက်ကျနေပြီမဟုတ်လား..။
ABM: မှန်ပါတယ်….အမြင်တွေကတော့ကောင်းတဲ့အမြင်တွေဖြစ်မှာမဟုတ်ဘူး…ဒါပေမယ့် ငါတို့ကတော့ ကမာကြီးကို အမှန်တရားတွေကြိုးစားပြီးလိုက်ရှင်းပြရမှာပဲ….ဒီအစိုးရရဲ့ ပြင်ပဆက်ဆံရေးPR အရည်အချင်းက အဲ့လောက်မကောင်းဘူးဆိုတာတော့ငါသဘောတူတယ်။
BBC: အေး…အဲ့တာကြောင့်ပဲ ခင်ဗျားကိုငှားထားတာပဲလေ ဟုတ်တယ်မလား..အဲ့တော့ သူတို့နဲ့မတူအောင် ခင်ဗျား ဘာဆက်လုပ်မလဲ (what are you going to do differently?)
ABM: ဘာမှမလုပ်ဘူး….ဘာတွေတကယ်ဖြစ်ခဲ့လဲဆိုတဲ့အမှန်တရားကိုပဲ ကမာကိုရှင်းပြမှာ
(nothing …just trying to explain to the world what really happened)
BBC: ဒါဆိုခင်ဗျားက ရွေးကောက်ပွဲကြီးက မတရားပါဘူး…တရားတဲ့ရွေးကောက်ပွဲမဟုတ်ပါဘူး ဆိုတာ သွားပြောမယ်ပေါ့….အဲ့နောက်ရော….ပြီးခဲ့တဲ့ ခြောက်ပတ် အတွင်းဖြစ်ပျက်ခဲ့တဲ့ အရာတွေရော….ခုဏ ငါပြောခဲ့သလို လူမှုကွန်ယက်မှာ လူတွေအများကြီးပြန် Share လုပ်ခဲ့တဲ့ ဗီဒီယိုမှတ်တမ်းတွေ…ဖြစ်ပျက်ခဲ့တာတွေကိုမကျေနပ်တဲ့အကြောင်းဆန္ဒဖော်ပြနေသူတွေကို အကြမ်းဖက် ကိုင်တွယ်ခဲ့တဲ့ အဖြစ်အပျက် တစ်ခုကိုဖော်ပြနေတယ်…အဲ့တာနဲ့ပတ်သတ်လို့ရော?
ABM: အင်း….ငါ တကယ်…တကယ် တောင်းဆိုပါတယ် လူတိုင်းကိုကြည့်စေချင် နားလည်စေချင် သိစေချင်တယ်…ရဲတွေက ကထိန်းသိမ်းဖို့ကြိုးစားရင်းပစ်ခတ်ခဲ့တာ တွေရှိတယ်…ဒါပေမယ့် ကျွန်တော်က အခြေအနေတွေတည်ငြိမ်သွားအောင်ကြိုးစားပေးနေတာ။ လမ်းပေါ်မှာလူတွေထပ်ပြီးအပစ်မခံရဖို့ ကျွန်တော်လုပ်မှာပါ။
BBC: (ထပ်ပြီးအပစ်မခံရအောင်) ခင်ဗျားကဘယ်လိုလုပ်မှာလဲ?
ABM: အားလုံးကိုဖျော့င့်ဖျမယ် …အစိုးရကိုဒီလိုပစ်ခက်မှုတွေဆက်မလုပ်ဖို့ တောင်းဆိုမယ် (Asking the government to stop shooting)
BBC: ကောင်းပြီလေ…ဒါဆိုခင်ဗျားရဲ့ PR လုပ်ငန်းရဲ့အလုပ်တစ်ခုက လမ်းပေါ်မှာဆန္ဒပြ နေတဲ့ လူတွေကို သေနက်နဲ့မပစ်ဖို့ ဒီအစိုးရကိုနားချဖို့လည်းပါတယ်ပေါ့…အဲ့လိုလား…
ABM: အခြေအနေတွေ တည်ငြိမ်သထက်တည်ငြိမ်ဖို့လည်းပါသေးတယ်။
BBC:ဒေါ်အောင်ဆန်းစုကြည်ရော…ငါတို့သူ့ကိုမမြင်ရတာ တပ်ကအာဏာသိမ်းကတည်းကပဲ..ဒေါ်အောင်ဆန်းစုကြည်ကို ကမာ ကြီးကိုထုတ်ပြမလား
ABM: ဒါကတော့ အခြေအနေ အရ (ဟိုလူတွေ) ပေါ်မှာပဲ…အင်…ငါတို့ဒါတော့ခုထိ ဆွေးနွေးထားတာမရှိသေးဘူး
BBC: မင်းတကယ်ကိုသူတို့ရဲ့ပုံရိပ်ကိုမြင့်တင်ပေးချင်ရင်တော့ ဒေါ်စုကိုထုတ်ပြတာ တော်တော် အကျိုးရှိမှာပဲ။ တော်တော်အထောက်အပံ့ဖြစ်မှာပဲ…မဟုတ်ဘူးလား။
ABM: ငါလည်းအဲ့လိုထင်ပါတယ်…လာမယ့်အပတ်တွေမှာ ဒါမှမဟုတ်လာမယ့်ရက်အနည်းငယ်မှာ ဘာတွေဆက်ဖြစ်မလဲကြည့်ကြတာပေါ့ …..
BBC: ဒါဟာအရေးကြီးတဲ့ PR တစ်ခုဖြစ်သွားမယ်ဆိုတာ ခင်ဗျားသဘောတူတယ်ပေါ့..ဒေါ်စုကိုထုတ်ပြဖို့ ခင်ဗျားစစ်ဗိုလ်တွေကိုနားချ နိုင်မလား
ABM: သဘောတူတာပေါ့….အင်း…သေချာတာပေါ့…
BBC: ဝေါ်ကီတော်ကီတွေတင်သွင်းမှုဆိုတဲ့စွပ်စွဲချက်ကရော…ဒေါ်လာ (၆)သိန်းနဲ့ ရွှေ (၂၅) ပေါင် ရယူမှုဆိုတာတွေကရော …အဲ့တာတွေကအခြေအမြစ်မရှိပါဘူး.အထောက်အထားလည်း မရှိဘူး ဟုတ်တယ်မလား…
ABM: ဒါတော့လုံး၀ မမှန်ပါဘူး…သူမ တရုတ်အစိုးရဆီကပိုက်ဆံတွေယူထားတာ တကယ်…သက်သေ အထောက်အထားတွေလည်းရှိတယ်။ သူ့သားလည်း တရုတ်နိုင်ငံအစိုးရ ဆီက ပိုက်ဆံတွေယူထားတယ်။ ဒါတွေကလုပ်ကြံဇာတ်လမ်းတွေမဟုတ်ဘူး။
BBC: ဒါတွေ ခင်ဗျားမှာ မှတ်တမ်းမှတ်ရာ စာရွက်စာတမ်းသက်သေတွေရှိတယ်ပေါ့…
ABM: ရှိတယ်…ဒါပေမယ့် ငါ့ဆီတော့မရှိဘူး အစိုးရဆီမှာရှိတယ်…တရားရုံးကိုတင်ပြလိမ့်မယ်။
BBC: လူတွေ ယုံမှာမဟုတ်ဘူးလေ…ဟုတ်တယ်မလား? ဒါကလုံးဝနိုင်ငံရေးအရလို့ပဲမြင်ကြမှာ..
ABM: ဒါတော့ငါသဘောမတူဘူး…သက်သေအစစ်တွေရှိတယ်..ပြီးတော့ရှင်းရဦးမယ့်အခြားပြသနာ တွေလည်းရှိသေးတယ်။ ရခိုင်ပြည်နယ်က ရိုဟင်ဂျာတွေပြေးရတာလည်းသူ့ကြောင့်ပဲ The Hague မှာသွား ပြီးဒီကိစ္စကြီးကိုခုခံခဲ့တာလည်းသူပဲလေ။
BBC: အဲ့တာတွေအားလုံးကိုဒေါ်အောင်ဆန်းစုကြည်က တပ်မတော်ကိုယ်စားသွားပေးခဲ့တာလေ… သူကိုပဲပုံချလို့မရဘူး အဲ့အချိန်ကသူတို့ကတစ်ဖက်တည်းလေ။
ABM: sorry…သူမက Head of the State နိုင်ငံတော်အကြီးအကဲလေ…အဲ့ဒီအချိန်က မြေပြင်တပ်မတော်သားတွေကို သူမကိုယ်တိုင်အမိန့်ပေးခဲ့တာ။ ဘာလို့ဒီလို…….(BBC ဖြတ်ပြော)
BBC: နေဦး သူမက နိုင်ငံတော်အကြီးအကဲ ဖြစ်ခွင့်မှ မရှိတာ…..စစ်တပ်ကဆွဲတဲ့အခြေခံဥပဒေအရ (ဒေါ်စု)က နိုင်ငံရဲ့အကြီးအကဲမ မဟုတ်တာ..သူက Defecto ပါ..အခြေခံဥပဒေကဒီလိုပဲပြဌာန်းထား လို့လေ
ABM: (ဒေါ်စုက) (ဒေါ်စု) ပါတီက သမတတစ်ယောက်တင်ခဲ့တာပဲ ..အဲ့သမတက နိုင်ငံတော်အကြီးအကဲ Head of the State ပဲလေ…ဒေါ်စုက သူ့ကိုထိန်းနေတာပဲ
BBC: ရိုဟင်ဂျာတွေကိုသတ်တဲ့ကိစ္စ ဒေါ်စုကိုယ်တိုင်အမိန့်ပေးခဲ့တယ်ဆိုတာ ခင်ဗျားအတည်ပြော နေတာပေါ့..ဒါဆို ဒီကိစ္စမှာစစ်တပ်က အပြစ်ကင်း သန့်ရှင်းတယ်ပေါ့။
ABM: အတည်ပြောနေတာ…ငါတကယ်အတည်ပြောတာ ….ငါတို့ကဒီအစိုးရနဲ့ ၉၀ လောက်ကတည်းက အလုပ်လုပ်ခဲ့ဖူးတယ်…ဒါငါတို့အတွက်ထူးခြားတဲ့ကိစလည်းမဟုတ်ဘူး သိပြီးသားပဲ။ ဒေါ်စုရဲ့အမြင်က လူမျိုးစွဲရှိတယ် သူက Racist ။ သူက မူဆလင်မုန်းတယ်။
BBC: ဒေါ်စု ရိုဟင်ဂျာကိစ္စကိုင်တွယ်ဖြေရှင်းပုံကိုဝဖေန်ခံရမှုက လူတိုင်းသိတယ် ဝဖေန်မှု တွေက မြန်မာနိုင်ငံတင်မကဘူး ပျံ့နှံ့သွားတယ်။ ဒါပေမယ့် ဒီလိုဝဖေန်မှုတွေရှိခဲ့တယ်ဆိုပေမယ့် သူမ တစ်ယောက်တည်းကတော့ ဒီကိစ္စအပေါ်တာဝန်ရှိတာမဟုတ်ဘူးမလား။
ABM: ဒေါ်စုနဲ့သူ့ပါတီမှာပဲတာဝန်ရှိပါတယ်။
BBC: ဗိုလ်ချုပ်တွေရော တာဝန်မရှိဘူးလား။
ABM: ဗိုလ်ချုပ်တွေလည်းတာဝန်ရှိတဲ့ကိစ္စတွေရှိပါတယ် ဒါပေမယ့် ဒီကိစ္စတော့မပါဘူး။ အဓိက ပြသနာက ဒေါ်စုကနိုင်ငံကိုအစိတ်စိတ်ကွဲဖို့လုပ်နေတာ။ သူကလူနည်းစုတွေနဲ့အဆက်အဆံမလုပ် ချင်ဘူး။ လူနည်းစုတွေကိုမဲပေးခွင့်မပေးဘူး။ ရိုဟင်ဂျာတွေကို မောင်းထုတ်တယ်။ တိုင်းပြည် က ကွဲတော့မယ်။ ဒါကြောင့်အခု စစ်အစိုးရ military government က နိုင်ငံမပြိုကွဲဖို့နဲ့ ဒီ
အနရယ်ကနေ ကယ်တင်ဖို့…ရွေးကောက်ပွဲကျင်းပဖို့တွေလုပ်နေတာ။ လူတိုင်းပါဝင်ခွင့်ရှိတဲ့ ရွေးကောက်ပွဲစစ်စစ် လုပ်ဖို့ လုပ်နေတာ။
BBC: အဲ့ရွေးကောက်ပွဲဘယ်တော့ဖြစ်မလဲ?
ABM: တစ်နှစ်အတွင်းဖြစ်မယ်လို့ထင်တာပဲ။
BBC: အဲ့တာပြီးရင် စစ်တပ်ကအာဏာစွန့်မှာလား။
ABM: စွန့်မှာပေါ့….အရပ်သားအစိုးရတစ်ရပ်ပေါ်ထွက်လာဖို့လုပ်မယ်…ပြီးရင်သူတို့အာဏာစွန့်လိမ့်မယ်။ သူတို့နိုင်ငံရေးမှာမပါချင်ဘူး။ အရင်ကလည်းသူတို့အာဏာစွန့်ဖို့ကြိုးစားဖူးပါတယ်။ NLD နဲ့ ဒေါ်အောင်ဆန်းစုကြည်ကို အာဏာပေးခဲ့တယ်။
BBC: (လာမယ့်ရွေးကောက်ပွဲမှာ) NLD ပါဝင်ခွင့်ရှိမလား?
ABM: ရှိတဲ့ပါတီမှန်သမျှ ရွေးကောက်ပွဲဝင်ရောက်ခွင့်ရှိမှာပါ။
BBC: ဒါဆို NLD လည်းပါတာပေါ့။
ABM: မှန်ပါတယ်။
BBC: ခင်ဗျားအလုပ်နဲ့ပတ်သတ်လို့သိချင်တာရှိတယ်။ ခင်ဗျားပြောဖူးသလားလို့…ဘယ်လိုမှ လက်ခံလို့မရ ဂုဏ်သိကာမရှိတဲ့လူတွေအတွက်တော့ခင်ဗျားက ကိုယ်စားပြုပြီး အလုပ် လုပ်မပေးနိုင်ဘူး …လက်ခံပြီး လုပ်ပေးမှာမဟုတ်ဘူးလို့ပြောဖူးတယ်။
ABM: ဟုတ်တယ် လက်ခံမှာမဟုတ်ဘူး ငြင်းမှာပဲ။
BBC: အဲ့လို ခင်ဗျားငြင်းမယ့်လူအမျိုးအစားထဲမှာဘယ်သူပါလဲ?
ABM: အ…အခုအခြေအနေမှာ…ငါတို့အမြင်အရ ဂုဏ်သိကာမရှိတဲ့လူတွေချဉ်းကပ်တာမရှိဘူး…
BBC: ဒါဆိုမင်းငြင်းခဲ့တာ တစ်ယောက်မှ မရှိဖူးဘူးပေါ့။
ABM: မဟုတ်ဘူး..မဟုတ်ဘူး….အဲ့လိုလူတွေငါတို့ကိုချဉ်းကပ်လို့မရဘူးဆိုတာသိတယ်။ လူတွေ နာမည်လည်းမပြောချင်ပါဘူး။
BBC: ကောင်းပါပြီ ..ဒါကိုနားလည်ပေးလို့ရပါတယ်။ ငါနားလည်သလောက်ပြောရရင် မင်းက မြန်မာ နိုင်ငံအတွက်အလုပ်လုပ်ပေးနေခဲ့တာ ဆယ်စုနှစ်များစွာကြာခဲ့ပြီပေါ့…..
ABM: (သူတို့က)ဂုဏ်သိကာမရှိတဲ့လူတွေလို့ငါမထင်ဘူး…သူ့တို့ကအရပ်သားဒီမိုကရေစီစနစ်ကို သွားနေတာ…ဒါက ဒီရာစုနှစ်အစောပိုင်းမှာဖြစ်ခဲ့သင့်တာ…ငါ့တို့အကြံပေးတာကိုလက်မခံပဲ ဒေါ်အောင် ဆန်းစုကြည်ကို အာဏာယူခွင့်ပေးလိုက်ကြတယ်။
BBC: အာဏာယူတယ်လို့ပြောလိုက်သလား…..အာဏာယူတာလား သူ့ကိုလူတွေက ရွေးကောက်တင်မြောက်လိုက်တာမဟုတ်ဘူးလား….။
ABM: သူမကို အာဏာရယူနိုင်ဖို့ခွင့်ပြုပေးခဲ့တာ။ ဒီလိုခွင့်ပြုတယ်ဆိုတာလည်းသူမက နိုင်ငံကို တည်ထောင်ခဲ့တဲ့ ဗိုလ်ချုပ်တစ်ယောက်ရဲ့သမီးဖြစ်နေလို့။ ဒါကြောင့်သူမကို အာဏာရယူခွင့်ပေးခဲ့ တာ။
BBC: သူမကိုထောက်ခံနေတဲ့လမ်းပေါ်က ထောင်နဲ့ချည်တဲ့လူထုကို ခင်ဗျားဘယ်လိုရှင်းပြမလဲ။
ABM: လူအချို့က သူ့ကိုတကယ်ကိုထောက်ခံပါတယ်…ဒါမှန်တာပဲ …လူတိုင်းရဲ့ခန့်မှန်းချက်က မျှတတဲ့ရွေးကောက်ပွဲသာရှိခဲ့ရင် ဒေါ်စုက ၁၅%နဲ့ ၂၀% ကြားတော့မဲရမှာပါ။ ဒီလောက်ပါပဲ။သေချာတာပေါ့ ထောက်ခံသူတွေရှိတယ်။
BBC: ဒီကိန်းဂဏန်းကတော့ အငြင်းပွားစရာပါပဲ…ထားပါတော့အဲ့တာခင်ဗျားမှန်းတဲ့ပမာဏပေါ့…
နောက်ဆုံးမေးခွန်းပါ….
အမေရိကန်နဲ့ စူပါ ပါဝါနိုင်ငံကြီးတွေ ခင်ဗျားပြောတဲ့ စစ်တပ်ဟာနိုင်ငံတော်ကို ခိုးယူခံလိုက်ရတဲ့ ရွေးကောက်ပွဲကနေ ကယ်တင်လိုက်တာဆိုတဲ့ဇာတ်လမ်းကို
ယုံမယ် လက်ခံမယ်လို့ထင်လား?
ABM: စစ်တပ်ဟာ နိုင်ငံကိုကယ်တင်လိုက်တာ…စစ်တပ်က တရုတ်လက်ထဲရောက်သွားတော့မယ့်နိုင်ငံတစ်ခု ကိုကယ်တင်လိုက်တာ..သူတို့ကဘတ်မလိုက်ဖို့ ကြိုးစားနေခဲ့တာ…စစ်တပ်က အစိတ်စိတ်ကွဲတော့မယ့်တိုင်းပြည်ကိုကယ်တင်လိုက်တာ..စစ်တပ်က ရိုဟင်ဂျာတွေကိုပြန်ခေါ်ဖို့ကြိုးစားနေတာ။ အစီအစဉ်တွေကလည်းစပြီးနေပြီ ..အခြားနိုင်ငံတွေ လက်ခံနိုင်တာ လက်မခံနိုင်တာက နောက်တစ်ပိုင်း….ငါတို့ကတော့ ခုပြောခဲ့တာတွေကဖြစ်ရပ်မှန်တွေ ပါဆိုတာကမာကိုယုံအောင်ပြောရမှာပဲ။
BBC: တရုတ်နဲ့ပတ်သတ်လို့မေးချင်လို့ပါ….ဒေါ်အောင်ဆန်းစုကြည်က သူ့နိုင်ငံကို တရုတ်ဆီထိုးရောင်းတော့မယ့်အခြေအနေကိုကယ်တင်လိုက်တယ် ဆိုတာ ဘယ်လိုပြောမှာလဲ…တရုတ်က UN မှာ စစ်တပ်ကိုပဲ အမြဲအကာ အကွယ်ပေးနေခဲ့တာပဲ။
ABM: သူတို့(စစ်တပ်)ဟာ ကြားနေဖို့ကြိုးစားနေတာပါ…တရုတ်ကစစ်ဗိုလ်တွေကိုသူတို့ဘက်ပါဖို့ဆွဲ ဆောင်ပေမယ့် တပ်ကတော့ ဘတ်မလိုက်ပဲ ကြားနေပါတယ်။ အခု အစိုးရကို Russia ကလည်း အသိအမှတ်ပြုပါတယ်။ ဒါနဲ့စကားမဆက် စစ်အစိုးရဟာ Israel အစိုးရရဲ့အပြည့်အ၀ ထောက်ခံမှု ကိုလည်းရထားပါတယ်။ လက်ရှိအစိုးရအတွက်တောင် အမေရိကန်တွေကိုလော်ဘီလုပ်ပေး ကောင်း လုပ်ပေးနိုင်သေးတယ်။
ကျော်စောဟန် ပြန်ဆိုသည်။
