ꓴꓢ ꓗꓴꓷꓼ ꓠꓰ ꓬꓴ-ꓗ-ꓣꓲ ꓔꓯ ꓟꓯꓼ ꓶ ꓤ ꓬꓲ ꓫꓵ ꓬꓲ ꓙꓰꓽ ꓓꓳ-ꓡ 800 ꓪꓹ ꓬꓰ ꓙ ꓠꓹ ꓟ ꓕꓵꓼ ꓪ ꓔꓯ ꓙꓳ-ꓐ-ꓓꓲ ꓡꓰ 2022 ꓘꓳꓼ 3 ꓦ 16 ꓠꓬꓲ ꓕꓯꓽ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
ꓬꓰ ꓙ ꓩꓴ ꓡ ꓟ ꓗꓰ ꓟꓯꓼ ꓶ ꓤꓼ ꓙꓱ ꓦꓲ ꓐꓶ ꓓꓴ 800 ꓟ꓾ ꓔꓲꓼ ꓟꓳ-ꓓꓳ ꓐꓶ ꓛꓬꓹ ꓓꓴ ꓡꓽ ꓛꓴꓸ ꓓꓽ ꓟ꓾ ꓙꓼ ꓡꓽ ꓛꓴꓸ ꓐꓰ꓾ ꓑꓳ ꓡꓳ ꓗꓽ ꓐꓯ ꓞꓲꓽ (ꓐꓵ ꓞꓲ)꓾ ꓡ ꓧꓳꓹ (ꓠ ꓦꓳꓹ) ꓥ ꓡꓳ ꓐꓰ ꓐꓯˍ ꓡꓳ꓿
ꓬꓴ-ꓗ-ꓣꓲꓸ ꓗꓴꓷꓼ ꓙꓵꓽ ꓒ ꓜ-ꓡꓯ ꓢꓲ-ꓗꓲ ꓡꓰ ꓴꓢꓮ ꓗꓴꓷꓼ ꓝꓲ ꓓꓴ ꓜꓲꓼ ꓓꓴ ꓗꓪ ꓫꓸ ꓕꓱ ꓢꓲ꓾ ꓬꓰ ꓙ ꓡ ꓠꓹ ꓟ ꓓꓰꓽ ꓗꓷ ꓗꓸ ꓠꓯꓸ ꓧꓶꓸ ꓕꓯ ꓕꓲ ꓧꓪꓹ ꓬꓰ ꓙ ꓔꓸ ꓟ ꓕꓯꓽ ꓢꓲ ꓬꓲꓸ ꓐꓶꓹ ꓓꓳ-ꓡ 800 ꓪꓹ ꓒꓵꓽ ꓟꓯꓼ ꓶ ꓤ ꓬꓰ ꓙ ꓩꓴ ꓡ ꓟ ꓥ ꓡꓳ꓿
ꓖꓳ ꓡꓱ ꓥ ꓟꓲ ꓬꓴ-ꓗ-ꓣꓲꓸ ꓟꓵꓽ ꓪꓴꓽ ꓗꓪ ꓣ-ꓫꓸ ꓙꓱ ꓦꓲ ꓙꓱ ꓟꓽ ꓓ (no flight zone) ꓐꓯ ꓢꓲꓸ ꓗꓽ ꓙ ꓡ ꓠꓹ ꓟ ꓜ-ꓡꓯ ꓢꓲ-ꓗꓲ ꓓꓰꓽ ꓘꓶꓽ ꓔꓯ ꓠꓬ ꓴꓢꓮ ꓟꓽ ꓓꓽ ꓔꓳꓹ꓿
ꓠꓮꓔꓳ ꓜꓴ ꓗꓪ ꓐꓰ ꓥ ꓟꓲ ꓬꓴ-ꓗ-ꓣꓲꓸ ꓔꓯ ꓬꓰ ꓙ ꓔꓳꓹ ꓙ ꓓꓴ ꓮ ꓘꓶꓸ ꓢꓯꓼ ꓩꓴ ꓠꓹ ꓟ ꓪꓽ ꓔꓸ ꓡꓳ ꓐꓰ꓾ ꓠꓮꓔꓳ ꓜꓴ ꓟꓬꓱꓽ ꓢꓲꓺ Jens Stoltenberg ꓡꓰ ꓐꓯˍ ꓡꓳ꓿
