2023 ꓘꓳꓼ 10 ꓦ 7 ꓠꓬꓲ ꓕꓯꓽ ꓧ-ꓟ-ꓢꓲ ꓟꓯꓼ ꓜꓴ ꓡꓰ ꓬꓲ-ꓢꓷ-ꓡꓰ ꓔꓯ ꓓꓶꓽ ꓡ ꓟ ꓗꓪ ꓐꓰ ꓪꓴꓸ ꓔꓴ ꓡ ꓟ ꓟꓯꓼ ꓘꓶꓽ ꓗꓪ ꓟꓲꓜꓫ ꓟꓲ ꓗꓪ ꓛꓲ 700 ꓣꓳ ꓫꓵꓻ꓾ 2000 ꓕꓯꓽ ꓢꓲ ꓠꓻ ꓓꓴ ꓡꓰꓳ꓿
ꓧ-ꓟ-ꓢꓲ ꓟꓯꓼ ꓜꓴ ꓠꓬ ꓲ-ꓢꓲ-ꓡ ꓦ ꓡꓱ ꓚꓱꓹ ꓚꓺ ꓢꓴ ꓐꓴ ꓮ ꓙꓵꓽ ꓬꓲꓸ ꓪ ꓔꓯ ꓟꓯꓼ ꓢꓰꓼ ꓙ ꓡꓯ꓾ ꓐꓰ ꓓꓰꓽ ꓔꓸ ꓡꓳ꓿
ꓴꓢꓮ ꓗꓴꓷꓼ ꓠꓬ ꓬꓲ-ꓢꓷ-ꓡꓰ ꓐꓱ ꓶ ꓡꓳꓺ ꓓꓰ ꓑꓸ ꓓꓽ ꓡꓰ ꓐꓰ ꓦꓰꓼ ꓙ ꓓꓴ ꓥꓳ ꓐꓰ꓾ ꓗꓴꓷꓼ ꓪꓴꓸ ꓓꓵ ꓙꓳꓹ-ꓐ-ꓓꓲ ꓡꓰ ꓢꓷꓸ ꓙ ꓟꓴ ꓙ ꓔꓸ ꓡꓳ꓿
ꓧ-ꓟ-ꓢꓲ ꓟꓯꓼ ꓜꓴ ꓔꓯ ꓲ-ꓣ ꓐꓰ ꓡꓯ-ꓐꓷ-ꓠꓴ ꓗꓴꓷꓼ ꓐꓴ ꓡꓰ ꓗꓸ ꓠꓯꓸ ꓢꓲꓺ ꓗꓪ ꓐꓰ ꓢꓯꓼ ꓩꓴꓽ ꓔꓴ ꓡꓳ꓾ ꓐꓰ ꓓꓳꓽ ꓓꓳ ꓡꓳ꓿
ꓲ-ꓢꓲ-ꓡ ꓦ ꓡꓱ ꓢꓴ ꓐꓴ ꓕꓲꓽ ꓧꓶꓹ ꓕꓲꓽ ꓚ ꓬꓰ ꓢꓲꓸ ꓬꓲ-ꓢꓷ-ꓡꓰ ꓔꓯ ꓟꓯꓼ ꓓꓶꓽ ꓡ ꓐꓷˍ ꓠꓬ꓾ ꓕꓱ ꓟ ꓠꓬ ꓟꓲ ꓠꓯ ꓟꓯꓼ ꓘꓶꓽ ꓒꓬꓱꓼ ꓡ ꓓ ꓡꓳ꓿
ꓬꓲꓸ ꓚꓰ꓾ Reuters
