ꓬꓥ-ꓖꓳꓥ ꓟꓵꓽ꓾ ꓡꓹ-ꓟ-ꓓꓳꓽ ꓡꓳ ꓒꓱ ꓟꓯꓼ ꓙꓵꓽ ꓢꓴ ꓟꓯꓼ ꓜꓲꓽ ꓖ-ꓓꓯ ꓑꓬꓳꓸ-ꓮꓳꓽ ꓔꓯ ꓠꓬꓲꓸ ꓠꓬꓲ 2022 ꓘꓳꓼ 4 ꓦ 10 ꓠꓬꓲ ꓟꓶ ꓘꓶꓼ 6 ꓙꓵꓹ ꓗꓪ ꓐꓶ ꓢꓰꓼꓳ ꓐꓰ ꓓꓳꓽ ꓓꓳ ꓡ ꓡꓳ꓿
ꓬꓲ ꓟꓯꓼ ꓠ ꓐꓼ ꓠꓬ ꓚꓰꓸ꓾ 42937꓾ ꓓꓢꓮ 48 ꓧꓪꓹ ꓕꓲ ꓧꓪꓹ ꓗꓪ ꓟꓯꓼ ꓤꓹ ꓢꓳ ꓔꓸ ꓢꓴ꓾ ꓣ-ꓫꓸ ꓗꓴꓷꓼ ꓗꓪ ꓐꓰ ꓟꓰ ꓙꓵꓽ ꓪꓴꓸ ꓛꓴꓽ ꓟꓶ ꓔꓸ ꓢꓴ ꓥ ꓡꓳ꓾ ꓐꓯ ꓡꓳ꓿
ꓙ ꓖꓴ ꓗꓪ ꓐꓶ ꓢꓰꓼ ꓔꓸ ꓟ
ꓝꓮꓲ ꓟꓲꓸ ꓟꓲ ꓟꓶ ꓘꓶꓼ 4 ꓙꓵꓹ ꓗꓪ ꓥ ꓟꓲ ꓗ-ꓟ-ꓬꓴꓼ ꓡꓳ ꓒꓱ꓾ ꓰ-ꓡꓲꓮꓸ ꓙ ꓖꓴ꓾ ꓑꓸ-ꓪꓽ-ꓡꓹ ꓦꓲ ꓗꓪ ꓡꓳꓸ ꓔꓬ ꓢꓴ ꓑꓳꓡꓲꓚꓰ ꓐꓴ ꓔꓯ ꓑ ꓫꓬ ꓟꓯꓼ (ꓑꓓꓝ) ꓐꓴ ꓡꓰ ꓐꓶ ꓗꓷ ꓠꓬ 1 ꓣꓳ ꓫꓵꓻ 3 ꓣꓳ ꓠꓻ ꓓꓴꓽ ꓡꓰꓳ ꓐꓰ ꓓꓳꓽ ꓓꓳ ꓔꓬ ꓡꓳ꓿
ꓟꓯꓼ ꓡꓰ ꓑ ꓫꓬ ꓐꓴ ꓐꓯ ꓘꓶꓽ ꓟꓽ ꓠ ꓠꓹ ꓦ ꓟꓳ ꓦ ꓘꓪꓽ ꓪꓴꓸ ꓓꓵ ꓗꓪ ꓙꓑꓸ ꓙꓳꓽ ꓐꓶ ꓢꓰꓼ ꓡ ꓟ ꓗꓪ ꓐꓰ ꓜꓲꓽ ꓟꓽ ꓘꓴ ꓢꓲꓸ ꓑ ꓫꓬ ꓟꓯꓼ ꓓꓳ ꓩꓴ ꓡ ꓟ ꓥ ꓢꓲ (ꓮ ꓡꓻ ꓕꓲ ꓘꓳꓼ ꓐꓲ ꓡꓻꓳ) ꓾ ꓮ ꓟꓶ ꓠꓬ ꓡꓳ ꓒꓱ ꓢꓲꓽ ꓒꓽ ꓗ ꓘꓶꓽ ꓓꓴꓽ ꓗꓪ ꓛꓲ ꓢꓰꓼ ꓔꓳꓹ ꓡꓯ ꓘꓳ ꓡ ꓔꓬ ꓟ ꓥ ꓡꓳ꓿
ꓧꓶꓸ ꓕꓯꓽ ꓟ ꓬꓥ-ꓖꓳꓥ ꓠꓬ ꓡ ꓛꓴꓸ ꓟꓽ ꓙꓳ ꓢꓴ ꓐꓱ ꓶ ꓙꓲ ꓣꓴ ꓓꓴ ꓙꓳˍ ꓟ ꓡꓳ ꓒꓱ ꓥ ꓢꓲ꓾ ꓮ ꓟꓶ ꓠꓬ ꓡꓽ ꓛꓴꓸ ꓙꓳ ꓢꓴ ꓐꓴ ꓐꓱ ꓶ ꓥ ꓟꓲ ꓢꓯꓼ ꓟꓬ ꓐꓱ ꓶ ꓦ ꓡꓱ ꓐꓳ ꓟꓽ ꓓ ꓟ ꓡꓳ ꓒꓱ ꓒꓬꓱꓼ ꓡ ꓔꓬ ꓡꓳ꓿
