2024 ꓘꓳꓼ 4 ꓦ 2 ꓠꓬꓲ ꓕꓯꓽ ꓬꓥ-ꓖꓳꓥ ꓐꓰ ꓟ-ꓓꓲ-ꓡꓰ ꓗꓪ ꓟ ꓫꓵꓺ ꓞꓳ ꓐꓳ (5) ꓣꓳ ꓔꓯ ꓫꓵꓺ ꓒꓵꓽ ꓠꓯꓸ ꓠꓯꓸ ꓪꓴꓽ ꓟ ꓑꓶꓸ ꓓꓴ ꓐꓯ ꓢꓲꓸ ꓟꓯꓼ ꓠꓰ ꓣꓴ ꓡꓴꓽ ꓔꓸ ꓡꓳ꓿
ꓫꓵꓺ 1 ꓒꓯꓼ ꓠꓬ ꓟꓬ-ꓟ ꓒꓴ 45 ꓢꓯꓹ ꓙꓳ ꓡ ꓕꓯꓽ ꓕꓱ ꓡꓱ ꓣꓴ ꓡꓴꓽ ꓩꓴ ꓡ ꓥ ꓡꓳ꓿
ꓣꓴ ꓡꓴꓽ ꓔꓸ ꓢꓴ ꓗꓪ ꓠꓰ-ꓬꓴ-ꓔꓮꓲ-ꓢꓰ ꓫꓵꓺ ꓙꓲ ꓔꓲꓺ ꓞꓳ ꓐꓳ ꓒꓽ ꓐꓰ ꓠꓱꓸ ꓐꓯꓼ (4) ꓣꓳ ꓥ ꓡꓳ꓾ ꓐꓯ ꓡꓳ꓿
ꓝꓮꓲ ꓬꓥ-ꓖꓳꓥ ꓗꓪ ꓐꓰ “မောင်ကိန်း၊ ခရမ်းသုံးခွ၊ နယူးတိုင်စင်” ꓟ-ꓓꓲ-ꓡꓲ ꓗꓪ ꓐꓰ “ရွှေစင်ဝင်း၊ မြန်မာရွှေ၊ ရွှေမင်းသား၊ မန်းစံပယ်” ꓫꓵꓺ ꓶ ꓡꓯꓼ ꓙꓲ ꓔꓲꓺ ꓐꓴ ꓔꓯ ꓙꓳꓺ ꓗꓽ ꓖꓶ ꓟ ꓬꓰ ꓔꓸ ꓡꓳ꓾ ꓐꓰ ꓐꓯ ꓡꓳ꓿
“ꓫꓵꓺ ꓒꓵꓽ ꓓꓯ ꓡ ꓠꓬ ꓫꓵꓺ ꓡꓳ ꓑ ꓔꓯ ꓣꓴ ꓡꓴꓽ꓿ ꓓꓳ ꓡ ꓒꓵꓽ ꓓꓯ ꓡ ꓠꓬ ꓓꓳ ꓡ ꓡꓳ ꓑ ꓔꓯ ꓣꓴ ꓡꓴꓽ꓿ ꓫꓵꓽ ꓪꓴ ꓬꓲꓸ ꓚꓰ ꓔꓯ ꓟꓽ ꓢꓷꓸ ꓢꓴ꓾ ꓗꓴꓷꓼ ꓙꓵꓽ ꓟꓽ ꓗꓴꓸ ꓢꓴ ꓐꓴ ꓬꓰ ꓔꓬ ꓟ ꓬꓲꓸ ꓡꓲꓽ ꓥꓳ” ꓐꓰ ꓢꓷꓸ ꓢꓴ ꓕꓲ ꓣꓳ ꓡꓰ ꓗꓴꓷꓼ ꓙꓵꓽ ꓪ ꓣꓴ ꓔꓸ ꓟ ꓟꓬ-ꓟ ꓟꓯꓼ ꓔꓯ ꓖꓴ ꓢꓲꓸ ꓫꓸ ꓕꓱ ꓡꓳ꓿
