ꓣꓳ ꓙꓬꓽ ꓙꓲꓽ ꓓꓴꓽ ꓣꓳ ꓡꓯ ꓒꓯꓹ ꓗꓪ ꓙꓳ ꓝꓲ ꓡꓯ!

ꓟꓵꓽ ꓘꓶꓽ ꓟꓵꓽ ꓡꓯꓼ ꓗꓪ ꓔꓬ ꓟ ꓡꓲ-ꓢꓴ ꓬꓲꓼ ꓠꓬꓲ ꓐꓴꓳ꓾

ꓒꓵꓽ ꓒ ꓐꓴ ꓙꓬ ꓣꓴ ꓙꓬ ꓜꓽ ꓗꓷ ꓟ ꓙꓬꓽ ꓙꓲꓽ ꓓꓴꓽ ꓔꓯ ꓡꓲꓸ ꓑꓸ ꓡꓲꓸ ꓤ ꓡꓲꓸ ꓒꓲꓽ ꓗꓪ ꓛꓲ ꓫꓺ ꓒꓵꓽ ꓡꓯ꓿

ꓣꓳ ꓒꓵꓽ ꓒ ꓙꓬꓽ ꓙꓲꓽ ꓓꓴꓽ ꓔꓯ ꓣꓳ ꓜꓲꓽ ꓓꓴ ꓬꓰ ꓡꓯ꓿

ꓣꓳ ꓙꓬꓽ ꓙꓲꓽ ꓓꓴ ꓢꓴ ꓠꓰ ꓗꓪꓼ ꓙꓰ ꓟ ꓙꓳˍ ꓠꓬ ꓮ ꓟꓶ ꓠꓲꓹ ꓞ ꓚꓲꓸ ꓚ ꓢꓲꓸ ꓡꓲꓸ ꓓꓴ ꓬꓰ ꓡꓯ꓿ ꓧꓪꓸ ꓛꓲꓽ ꓡꓯ꓿ ꓠꓲꓹ ꓟ ꓞꓰꓸ ꓞꓰꓸ ꓬꓰ ꓡꓯ꓿ ꓞꓲꓼ ꓤ ꓡꓯꓹ ꓤ ꓗꓪ ꓛꓲ ꓣꓳ ꓡꓯ ꓒꓯꓹ ꓗꓪ ꓙꓳ ꓝꓲ ꓡꓯ꓿

ꓮ ꓟꓶ ꓟ ꓦꓬꓼ ꓠꓬꓲ ꓗꓪ ꓣꓳ ꓠꓬ ꓟꓵꓽ ꓘꓶ ꓟꓵ ꓡꓯꓼ꓾ ꓪ ꓚꓲ ꓪ ꓜꓱꓽ ꓗꓪ ꓔꓬ ꓢꓲꓸ ꓣꓳ ꓠꓰ ꓟꓳꓻ ꓔꓸ ꓟ ꓙꓬꓽ ꓙꓲꓽ ꓓꓴ꓾ ꓭꓸ ꓘꓴꓽ ꓮ ꓟꓬꓹ ꓢꓴ ꓫꓵꓽ ꓢꓴ ꓪꓳꓼ ꓠꓰ ꓡꓯꓽ ꓜꓲꓽ ꓙꓰ ꓔꓬꓳ꓾ ꓐꓰ ꓬꓲꓸ ꓓꓳꓽ ꓑ ꓙ ꓡꓻꓳ꓿

ꓣꓳ ꓧꓪ ꓜꓽ ꓖꓴ꓾ ꓣꓳ ꓗꓳ ꓟꓵꓽ ꓣꓳ ꓪꓽ ꓜꓱꓽ ꓟꓽ ꓙꓳ ꓬꓰ ꓡ ꓔꓳꓼ꓿ ꓮ ꓖꓻ ꓗꓪ ꓣꓳ ꓠꓬꓹ ꓡꓰꓸ ꓮ ꓔꓳ ꓔꓳ ꓬꓲꓸ ꓙꓲ ꓖꓴ ꓟꓽ ꓙꓳ ꓗ ꓬꓰ ꓡ ꓔꓳꓼ꓿ ꓠꓬꓹ ꓗꓹ ꓟꓽ ꓛꓲ ꓓꓴ ꓗ ꓬꓰ ꓡ ꓔꓬꓳ꓿ ꓣꓳ ꓶꓽ ꓔꓯ ꓣꓳ ꓠꓲꓹ ꓞ ꓢꓷꓸ ꓓꓴ ꓬꓰ ꓡꓯ꓿ ꓙꓬ ꓬꓲꓻ ꓬꓲꓸ ꓒꓵꓽ ꓓꓯꓻ ꓡ ꓔꓬꓳ꓿ ꓙꓬ ꓙꓲꓽ ꓓꓴꓽ ꓢꓽ ꓓꓴ ꓬꓰ ꓡꓯ꓿

ꓣꓳ ꓟꓵꓽ ꓣꓳ ꓪ ꓜꓱꓽ꓾ ꓣꓳ ꓙꓬꓽ ꓙꓲꓽ ꓓꓴꓽ ꓔꓯ ꓗꓽ ꓓꓴ ꓬꓰ ꓡꓯ꓿ ꓣꓳ ꓟꓵꓽ ꓣꓳ ꓡꓳ ꓗꓪ ꓗꓹ ꓛꓲ ꓛꓲ ꓔꓬ ꓡꓯ꓿ ꓫꓸ ꓟꓳ ꓪ꓿

Leave a Reply

Your email address will not be published. Required fields are marked *

%d