ꓢꓲꓹ ꓜꓲ ꓡꓳ ꓜꓲ ꓫꓸ ꓕꓱ ꓢꓯꓼ ꓔꓯ ꓬꓲ-ꓢꓷ-ꓡꓰ ꓧꓪ ꓟꓰꓹ ꓢꓴ ꓐꓴ ꓡꓰ ꓬꓲꓸ ꓪꓴꓸ ꓕꓲꓽ ꓧꓪꓸ ꓧꓪ ꓟꓶꓳ ꓐꓰ the Tel Aviv University (TAU) ꓡꓰ 2023 ꓘꓳꓼ 3 ꓦ 30 ꓠꓬꓲ ꓕꓯꓽ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿꓿
![](https://lisutimes.com/wp-content/uploads/2023/03/FB_IMG_1680272267257.jpg)
![](https://lisutimes.com/wp-content/uploads/2023/03/FB_IMG_1680272204453-977x1024.jpg)
![](https://lisutimes.com/wp-content/uploads/2023/03/FB_IMG_1680272157972-300x196.jpg)
TAU ꓢꓳ ꓦꓲ ꓓꓽ ꓟ ꓗꓪ ꓟ ꓧꓪ ꓟꓰꓹ ꓢꓴ ꓐꓴ ꓡꓰ ꓧꓪ ꓟꓰꓹ ꓔꓸ ꓟ ꓟꓸ ꓟꓲ ꓔꓯ Cell ꓐꓯˍ ꓟ ꓕꓳ ꓶ ꓗꓪ ꓐꓳ ꓔꓸ ꓡꓳ꓿
ꓢꓲꓹ ꓜꓲ ꓡꓳ ꓜꓲ ꓐꓴ ꓠꓬ ꓳꓽ ꓫꓺ ꓑꓶꓼ ꓢꓯꓼ꓾ ꓠ ꓡꓲꓺ ꓔꓶꓹ ꓢꓯꓼ ꓡꓲꓳ ꓫꓵꓽ ꓫꓸ ꓕꓱ ꓗꓴˍ ꓡꓳ꓾ ꓐꓯ ꓡꓳ꓿ ꓬꓲꓸ ꓪ ꓫꓸ ꓕꓱ ꓢꓯꓼ ꓔꓯ ꓦꓯꓹ ꓑꓶꓼ꓾ ꓪꓽ ꓡꓽ ꓐꓰ ꓠꓱꓸ ꓐꓯꓼ ꓙꓱ ꓤ ꓐꓴ ꓑ ꓙ ꓐ ꓡ ꓡꓳ꓾ ꓐꓯ ꓡꓳ꓿ ꓖꓳ ꓡꓱ ꓥ ꓟꓲ ꓬꓲꓸ ꓢꓯꓼ ꓠꓬ 40 to 80 kHz,ꓡ ꓡꓰ ꓙꓳˍ ꓠꓬꓲ ꓞꓳ ꓤ ꓠꓸ ꓑꓳ ꓗꓪ ꓐꓰ ꓠꓬ ꓑ ꓙ ꓟꓽ ꓐ ꓡ꓿
ꓮ ꓟꓶ ꓧꓪ ꓟꓶˍ ꓟ ꓕꓱ ꓟ ꓑꓶꓸ ꓓꓴ ꓢꓲꓹ ꓜꓲ ꓡꓳ ꓜꓲ ꓐꓴ ꓔꓯ ꓞꓳ ꓤ ꓓꓵꓽ ꓙ ꓚꓱꓹ ꓡꓶꓸ ꓙꓰ ꓡ ꓥꓳ꓾ ꓐꓯ ꓡꓳ꓿
![](https://lisutimes.com/wp-content/uploads/2023/03/FB_IMG_1680273256934-1024x683.jpg)
ꓮ ꓟꓶ ꓧꓪ ꓟꓰꓹ ꓢꓴ ꓐꓴ ꓠꓬ꓾ ꓬꓯꓺ꓾ ꓳꓽ ꓫꓺ꓾ ꓚꓶ ꓚꓶ ꓢꓶꓽ꓾ ꓖꓪꓽ ꓬꓲꓸ ꓜꓲ ꓐꓴ ꓫꓸ ꓕꓱ ꓢꓯꓼ ꓔꓯ ꓧꓪ ꓟꓰꓹ ꓔꓬ ꓡꓳ꓿
ꓡꓲ-ꓢꓴ ꓮ ꓠꓱ ꓥꓳꓽ ꓗꓪ ꓢꓲꓹ ꓜꓲ ꓡꓳ ꓜꓲ ꓫꓸ ꓕꓱ ꓡꓯ ꓘꓳ ꓚꓰꓼ ꓟ ꓟꓸ ꓟꓲ ꓙꓳ ꓡꓳ꓿