ꓲ-ꓓꓲ-ꓬ ꓗꓴꓷꓼ꓾ ꓗ-ꓠ-ꓔ-ꓗ ꓟꓵꓽ꓾ ꓟ-ꓖ-ꓡꓴ-ꓬꓴ ꓡꓳ ꓒꓱꓽ ꓢꓴ꓾ 50 ꓘꓳꓼ ꓙꓳˍ ꓟ ꓔꓶ ꓜ ꓔꓶ ꓓꓳ ꓒꓽ Ganapathi Bhat ꓡꓰ ꓢꓲꓹ ꓜꓲ ꓓꓯ ꓙꓼ ꓕꓲ ꓫꓵꓽ ꓚꓰꓼ ꓓꓳ ꓩꓴ ꓡ ꓡꓳ꓿
![](https://lisutimes.com/wp-content/uploads/2022/03/image_editor_output_image-647980354-1646823712757-1024x495.jpg)
ꓢꓲꓹ ꓜꓲ ꓓꓯ ꓙꓼ (Tree Scooter)
ꓬꓲꓸ ꓠꓬ ꓫꓸ ꓜꓰꓸ ꓢꓶꓽ (Beatle nut) 65 ꓗꓽ ꓔꓶ ꓔꓸ ꓢꓴ ꓕꓲ ꓣꓳ ꓥ ꓢꓲ꓾ ꓬꓲꓸ ꓞꓲꓼ ꓟꓳꓽ ꓡ ꓢꓲꓸ ꓢꓲꓹ ꓜꓲ ꓓꓯꓻ ꓢꓯꓼ ꓟꓽ ꓙꓳ ꓡˍ ꓟ ꓐꓰ꓾ ꓫꓸ ꓜꓰꓸ ꓜꓲ ꓓꓯꓻ ꓢꓴ ꓪꓽ ꓤꓽ ꓧꓪ ꓫꓸ ꓡ ꓟ ꓑꓶꓸ ꓓꓴ ꓢꓲꓹ ꓜꓲ ꓓꓯ ꓙꓼ ꓚꓰꓼ ꓠꓹ ꓟ ꓚꓴꓽ ꓬꓲꓹ ꓓꓶꓽ ꓗꓷ ꓡꓳ꓾ ꓐꓯˍ ꓡꓳ꓿
![](https://lisutimes.com/wp-content/uploads/2022/03/image_editor_output_image-564907455-1646823767569-1024x596.jpg)
ꓢꓲꓹ ꓜꓲ ꓓꓯ ꓙꓼ ꓔꓯ 2014 ꓘꓳꓼ ꓗꓪ ꓐꓰ ꓪꓴꓸ ꓔꓴ ꓢꓲꓸ ꓙꓼ ꓟꓬꓱꓽ ꓬꓰ ꓢꓴ ꓕꓲ ꓣꓳ ꓐꓰ ꓕꓲ ꓛꓳ ꓚꓰꓼ ꓩꓴ ꓡ ꓟ ꓗꓪ $52824 ꓣꓱꓽ ꓗꓷ ꓗꓸ ꓠꓯꓸ ꓕꓱ ꓡꓱ ꓚꓰꓼ ꓓꓳ ꓡ ꓟ ꓥ ꓡꓳ꓿
ꓫꓸ ꓜꓰꓸ ꓢꓶꓽ ꓧꓼ ꓢꓴ ꓠꓬ ꓧꓪꓽ ꓗꓽ ꓜꓳ ꓡꓰ ꓐꓰ ꓔꓸ ꓟ ꓗꓪ ꓔꓬ ꓢꓲꓸ ꓟꓬꓱꓽ ꓬꓰ ꓙꓲˍ ꓟ ꓑꓶꓸ ꓓꓴ ꓕꓲ ꓠꓬꓲ ꓘꓴꓽ ꓗꓪ 300 ꓜꓲ ꓧꓼ ꓦ ꓐ ꓡꓳ꓿ ꓙꓼ ꓟꓽ ꓜꓱꓽ ꓜꓱꓽ ꓓꓯ ꓠꓬ ꓕꓲ ꓠꓬꓲ ꓗꓪ 100 ꓜꓲ ꓡꓰ ꓧꓼ ꓐ ꓡ ꓡꓳ꓿
ꓖꓳ ꓟ ꓑꓶꓸ ꓓꓴ ꓫꓸ ꓜꓰꓸ ꓔꓶ ꓢꓴ ꓐꓴ ꓮ ꓘꓶꓸ ꓢꓰꓸ ꓮ ꓢꓸ ꓢꓲꓸ ꓪꓴꓻ ꓡ ꓔꓬ ꓠꓬꓲ ꓢꓲꓹ ꓜꓲ ꓓꓯ ꓙꓼ 300 ꓢꓶꓽ ꓪꓴꓽ ꓓꓳ ꓡꓰꓳ꓿ ꓢꓲꓹ ꓜꓲ ꓓꓯ ꓙꓽ ꓙꓼ ꓕꓲ ꓢꓶꓽ ꓒꓵꓽ ꓠꓬ $816 ꓙꓳ ꓡꓳ꓿
![](https://lisutimes.com/wp-content/uploads/2022/03/image_editor_output_image-400587167-1646823833872-1024x650.jpg)
![](https://lisutimes.com/wp-content/uploads/2022/03/image_editor_output_image-215107583-1646823851747.jpg)
(ꓢꓯꓼ ꓖꓶ ꓘꓶꓽ꓾ ꓮ ꓕꓯꓽ ꓕꓯꓽ ꓮ ꓒꓵ ꓮ ꓑ ꓦꓬꓼ ꓠꓬꓲ ꓗꓪ ꓐꓰ ꓬꓰ ꓚꓽ ꓡꓰ ꓟ ꓔꓶ ꓜ ꓔꓶ ꓓꓳ ꓚꓱꓹ꓾ ꓣꓱꓽ ꓫꓵ ꓣꓱꓽ ꓙꓰ꓾ ꓞꓳ ꓙꓳ ꓚꓱꓹ ꓗꓪ ꓐꓰ ꓕꓲ ꓝꓸ ꓪꓴꓽ ꓟꓴ ꓡ ꓠꓹ ꓟ ꓬꓲꓸ ꓪꓴꓸ ꓕꓲ ꓕꓳꓼ ꓠꓬ ꓓꓵꓽ ꓙ ꓚꓱꓹ ꓡꓶꓸ ꓩꓴ ꓢꓲꓸ ꓙꓼ ꓢꓷꓸ ꓠꓲꓹ ꓢꓳ ꓣꓱꓽ ꓗꓴꓸ ꓡ ꓠ ꓢꓯꓼ ꓕꓵꓼ ꓡꓯ꓿ ꓞꓳ ꓤ ꓐꓱ ꓶ ꓙꓲ ꓖꓴ ꓙꓳˍ ꓟ ꓚꓰꓼ ꓟꓬꓱꓽ ꓬꓰ ꓐ ꓡ ꓢꓴ ꓔꓯ ꓢꓯꓼ ꓖꓶ ꓡꓯ꓿)