ꓟꓬꓱ ꓓꓳꓽ ꓙꓳ ꓟ ꓟꓬ-ꓟ ꓟꓴ ꓖꓪ ꓖꓪ ꓒꓽ ꓢꓮꓳꓸ-ꓳꓸ-ꓡꓮꓲꓽ ꓡꓰ ꓟꓬ-ꓟ ꓗꓴꓷꓼ ꓒꓳꓹ ꓟꓬꓱꓽ ꓐꓱ ꓶ ꓴꓢꓮ ꓗꓴꓷꓼ ꓗꓪ ꓟꓵꓽ ꓕꓲ ꓟꓵꓽ ꓡꓲꓸ ꓕꓲ ꓟꓵꓽ ꓟꓴ ꓖꓪ ꓖꓪ ꓑꓮꓲ ꓬꓰ ꓢꓲꓸ ꓬꓰ ꓙ ꓒꓴ ꓧꓪ ꓔꓬ ꓟ ꓗꓪ 2021 ꓘꓳꓼ 10 ꓦ 25 ꓠꓬꓲ ꓕꓯ ꓬꓰ ꓗꓷ ꓟ ꓔꓰꓫꓮꓢ ꓑꓮꓲ ꓗꓪ ꓠꓬ ꓠꓱꓸ ꓐꓯꓼ ꓟꓵꓽ ꓕꓯ ꓢꓲ ꓔꓲꓺ ꓒꓴ ꓧꓪ ꓟꓶ ꓡꓰꓳ=
ꓔꓰꓫꓮꓢ ꓗꓪ ꓟ ꓟꓴ ꓖꓪ ꓖꓪ ꓑꓮꓲ ꓠꓬ 10 ꓑꓮꓲ ꓗꓪ ꓐꓰ ꓬꓲꓸ ꓟꓶꓽ ꓢꓰꓼ ꓟ ꓕꓲ ꓑꓮꓲ ꓥ ꓢꓲ꓾ $107000 ꓧꓪ ꓪ ꓠꓬꓲ꓾ ꓠꓱꓸ ꓐꓯꓼ ꓟꓵꓽ ꓕꓲ ꓟꓵ ꓡꓲꓸ ꓕꓲ ꓟꓵꓽ ꓕꓯ ꓢꓲ ꓔꓲꓺ ꓒꓴ ꓧꓪ ꓟꓶꓳ ꓐꓯ ꓟ ꓥ ꓡꓳ=
“ꓓꓮꓡꓡꓮꓢꓹ ꓔꓰꓫꓮꓢ ꓗꓪ ꓔꓲꓺ ꓒꓴ ꓓꓳ-ꓡ $107000 ꓧꓪ ꓪ ꓡꓰꓳ= ꓠꓱꓸ ꓐꓯꓼ ꓟꓵꓽ ꓮ ꓡꓲ ꓕꓲ ꓟ ꓕꓯ ꓢꓲ ꓥ ꓟꓲ ꓟꓬꓽ ꓡꓳ= ꓲ-ꓢꓲ-ꓡ ꓦ ꓡꓱ ꓚꓱꓹ ꓚ ꓢꓴ꓾ ꓟꓬ-ꓟ ꓗꓴꓷꓼ ꓗꓪ ꓦꓵ ꓔꓸ ꓢꓴ ꓠꓲ-ꓡ (Nilar) ꓕꓲ ꓣꓳ ꓔꓵꓸꓼ ꓡꓰ $30000 ꓛꓲ ꓔꓲꓺ ꓖꓶ ꓡ ꓡꓳ= ꓸꓸꓸ ꓥꓪ ꓔꓯ ꓢꓷꓸ ꓢꓴ꓾ ꓟꓬ-ꓟ ꓗꓴꓷꓼ ꓐꓱ ꓶ ꓬꓰ ꓙ ꓠꓲꓹ ꓫꓵ ꓢꓴ ꓮ ꓟꓬꓹ ꓬꓰ ꓙ ꓡ ꓡꓳ= ꓥꓪ ꓐꓵ ꓞꓲ꓾ ꓡ ꓦꓳꓹ꓾ ꓛꓲ ꓐꓶ ꓪꓴꓽ ꓟꓶ ꓟ ꓒꓴ ꓮ ꓙꓵꓽ꓾ ꓥꓪ ꓚꓲ ꓛꓬ ꓔꓯ ꓖꓶ ꓡ ꓟ ꓒꓴ ꓮ ꓙꓵꓽ $21000 ꓕꓯ ꓢꓲ ꓔꓲ ꓒꓴ ꓗꓪ ꓔꓺ ꓩꓴꓳ=” ꓐꓰ ꓟꓴ ꓖꓪ ꓖꓪ ꓒ ꓬꓲꓸ ꓚꓲ ꓛꓬ ꓡꓰ ꓕꓳ ꓶ ꓐꓳ ꓟꓸ ꓩꓴ ꓡ ꓡꓳ=
ꓟꓴ ꓖꓪ ꓖꓪ ꓑꓮꓲ 10 ꓑꓮꓲ ꓬꓰ ꓪ ꓡꓰ ꓢꓲ꓾ ꓔꓲꓺ ꓒꓴ ꓮ ꓙꓵꓽ ꓠꓬ ꓴꓢꓮ ꓓꓳ-ꓡ $630000 ꓧꓪ ꓟꓶ ꓡꓰꓳ= ꓒꓴ ꓕꓱ ꓟꓬ ꓟ ꓮ ꓙꓵꓽ ꓠꓬ ꓟꓬ-ꓟ ꓗꓴꓷꓼ ꓗꓪ ꓟꓯꓼ ꓘꓶꓽ ꓑꓶꓸ ꓓꓴ ꓫꓸ ꓟꓷꓼ ꓔꓬ ꓢꓴ꓾ ꓠꓱꓸ ꓐꓯꓼ ꓣꓱ ꓬꓯꓼ ꓢꓴ ꓐꓴ ꓔꓯ ꓬꓰ ꓙ ꓓꓴ ꓥꓳ ꓐꓯ ꓡꓳ=
