ꓡꓲ-ꓢꓴ ꓔꓯꓺ ꓥꓳꓽ ꓚꓳ ꓥꓳꓽ (Lisu Expressions) – 1

1ꓸ ꓪꓴꓸ ꓓꓵ ꓠꓬꓲꓽ ꓐꓶꓽ ꓢꓯꓼ ꓕꓵꓼ=
(ꓮ ꓘꓶꓸ ꓢꓯꓼ ꓕꓵꓼ )

2ꓸ ꓪꓴꓸ ꓟꓶ ꓪꓴꓸ ꓙꓲꓽ ꓕꓽ ꓬꓰ=
(ꓟꓽ ꓢꓪꓼ ꓢꓪꓼ ꓕꓽ ꓬꓰ=)

3. ꓠꓴ ꓪꓴꓸ ꓘꓰꓸ ꓕꓽ ꓕꓴ= ꓠꓴ ꓠꓬ ꓘꓶꓽ ꓛꓲ ꓕꓽ ꓕꓴ=
(ꓠꓴ ꓕꓽ ꓟꓶꓻ= ꓫꓸ ꓔꓳ ꓟꓽ ꓗꓴꓸ ꓕꓽ ꓬꓰ)

4ꓸ ꓪꓴꓸ ꓞꓱ ꓠꓬꓲꓽ ꓚꓸꓸꓼ ꓔꓷꓹ ꓙꓰꓳ=
(ꓮ ꓘꓶꓸ ꓕꓶꓸ ꓕꓶꓸ ꓔꓷꓹ ꓙꓰꓳ)

5ꓸ ꓪꓴꓸ ꓠꓷꓸ ꓗꓪꓯꓼ ꓡꓯꓼ ꓬꓰꓳ=
(ꓓꓵꓽ ꓙ ꓟꓽ ꓗꓴꓸ ꓡꓰꓳ)

ꓢꓷꓸ ꓡꓰ ꓝꓲ ꓓꓴ꓾
ꓡꓲ-ꓢꓴ ꓚꓳꓺ ꓥꓳꓽ ꓔꓯ ꓥꓳꓽ ꓫꓸ ꓕꓱ ꓘꓶꓽ ꓔꓯ 1 ꓫꓵꓽ ꓠꓽ ꓗꓪ ꓕꓲ ꓧꓪꓹ ꓐꓳ ꓖꓶ ꓓꓴ ꓥꓳ= ꓕꓱ ꓕꓲ ꓧꓪꓹ ꓠꓬ ꓪꓴꓸ ꓓꓵ ꓐꓰ ꓗꓳꓸ ꓙꓲꓽ ꓙꓳ ꓢꓲꓸ ꓡꓲ-ꓢꓴ ꓫꓸ ꓕꓱ ꓚꓰꓼ ꓟ ꓐꓳ ꓔ ꓡꓳ= ꓠꓴ ꓢꓷˍ ꓟ ꓥ ꓟꓲ ꓐꓳ ꓟꓸ ꓖꓶ ꓩꓴ ꓡꓯ= ꓕꓱ ꓗꓪ ꓚꓳꓟꓟꓰꓠꓔ ꓬꓰ ꓥ ꓟꓲ ꓙꓲˍ ꓡꓳ= ꓣꓳ ꓮ ꓙꓵꓽ ꓔꓺ ꓡ ꓠꓬ ꓐꓯ ꓘꓶꓽ ꓮ ꓟꓬꓹ ꓐꓲ ꓜꓲꓼ ꓡ ꓥꓳ= 21 ꓦ ꓜꓴ ꓘꓳꓼ ꓗꓪ ꓡꓲ-ꓢꓴ ꓔꓯꓺ ꓥꓳꓽ ꓚꓳꓺ ꓥꓳꓽ ꓐꓯ ꓘꓶꓽ ꓫꓺ ꓒꓵꓽ ꓫꓸ ꓕꓱ ꓪ ꓡꓰ ꓠꓹ ꓟ ꓥ ꓡꓳ= ꓫꓸ ꓟꓳ ꓪ=

5 thoughts on “ꓡꓲ-ꓢꓴ ꓔꓯꓺ ꓥꓳꓽ ꓚꓳ ꓥꓳꓽ (Lisu Expressions) – 1

  1. ꓫ ꓟꓳ ꓪ꓿ ꓡꓯ ꓫꓵ ꓐꓳ ꓩꓴ ꓡꓯ꓿ ꓲ-ꓓꓲ-ꓬ ꓗꓪ ꓐꓰˍꓟꓲ ꓐꓳ ꓩꓴ ꓡ ꓓꓴ ꓥꓳ꓿

  2. ꓪꓴꓸ ꓓꓵ ꓪꓴ ꓦ ꓡꓱ ꓗꓹ ꓟ= (ꓮ ꓘꓶꓸ ꓦ ꓡꓱ ꓗꓹ ꓟ)
    ꓪꓴꓸ ꓔꓲꓸ ꓪꓴꓸ ꓑ ꓕꓽ ꓬꓰ= (ꓡꓯꓽ ꓟꓰꓹ ꓡꓯ ꓕ꓾ ꓒꓳꓹ ꓒꓳꓹ ꓡꓲꓼ ꓡꓲꓼ ꓕꓽ ꓬꓰ)

    ꓪꓴꓸ ꓓꓵ ꓐꓰ ꓗꓳꓸ ꓙꓲꓽ ꓙꓳ ꓢꓲ꓾ ꓚꓳ ꓥꓳꓽ ꓔꓯꓺ ꓥꓳ ꓓꓵꓽ ꓙ ꓢꓲꓸ ꓡꓯ ꓫꓵ ꓐꓳ ꓖꓶ ꓡꓯ=

  3. ꓟꓲꓽ ꓦꓲꓻ ꓕꓴꓽ
    ( ꓘꓶꓽ ꓖꓳꓽ ꓫ ꓕꓱ ꓢꓴ )

    ꓟꓶ ꓛꓵꓽ ꓟ ꓟꓷꓽ ꓠꓷꓹ
    ( ꓮ ꓔꓳ ꓔꓳ ꓫ ꓕꓱ ꓢꓴ )

Leave a Reply

Your email address will not be published. Required fields are marked *

%d