2022 ꓘꓳꓼ 5 ꓦ 15 ꓠꓬꓲ ꓟꓶ ꓘꓶꓼ 9 ꓙꓵꓹ ꓕꓯꓽ ꓐꓶ-ꓬꓲ ꓟꓵꓽ꓾ ꓗꓳꓼ-ꓘꓮꓲꓽ ꓡꓳ ꓒꓱ ꓗꓪ ꓙꓳˍ ꓟ ꓑ-ꓡꓳꓼ ꓟꓯꓼ ꓘꓰꓹ ꓔꓶꓸ ꓗꓪ ꓐꓰ ꓗꓳꓸ-ꓗꓼ ꓟꓯꓼ ꓓꓵꓽ ꓡ ꓢꓲꓸ ꓤ ꓑꓸ ꓤꓼ 12 ꓣꓳ ꓣꓴ ꓧꓳꓽ ꓙꓰꓳ꓾ ꓐꓯ ꓡꓳ꓿
“ꓗꓳꓸ-ꓗꓼ ꓟꓯꓼ 20 ꓛꓲ ꓕꓲ ꓜꓴ ꓓꓵꓽ ꓡ ꓢꓲꓸ ꓕꓲ ꓦꓲ ꓕꓲ ꓦꓲ ꓧꓪ ꓣꓴ ꓢꓲꓸ ꓤ ꓑꓸ ꓤꓼ 12 ꓣꓳ ꓧꓳꓽ ꓙꓰꓳ꓿ ꓟꓯꓼ ꓬꓰ ꓝꓲ ꓓꓴ ꓐꓯˍ ꓥ꓿ ꓕꓲ ꓦꓲ ꓟ ꓗꓪ ꓠꓽ ꓬꓲꓸ ꓦꓲ ꓢꓲ ꓟ ꓠꓰ ꓬꓲꓸ ꓦꓲ ꓢꓲ ꓒꓽ ꓔꓯ ꓙꓰ ꓝꓲ ꓟꓽ ꓬꓯꓼ ꓠꓰ ꓚꓲꓹ ꓜꓱꓽ ꓔꓸ ꓟ ꓗꓪ ꓐꓶ ꓢꓰꓼ ꓓꓴ ꓥ ꓐꓯ ꓡꓻꓳ ꓙꓳꓽ” ꓐꓰ ꓗꓳꓼ-ꓘꓮꓲꓽ ꓒꓽ ꓕꓲ ꓣꓳ ꓡꓰ ꓚ ꓟꓸ ꓖꓶ ꓡ ꓡꓳ꓿
ꓠꓬꓲꓸ ꓠꓬꓲ 5 ꓦ 16 ꓠꓬꓲ ꓗꓪ ꓠꓬ ꓧꓲꓽ ꓙꓰ ꓢꓴ 12 ꓣꓳ ꓗꓪ ꓐꓰ 7 ꓣꓳ ꓡꓲꓹ ꓩꓴ ꓡ ꓢꓲ꓾ 5 ꓣꓳ ꓔꓯ ꓠꓬ ꓣꓴ ꓔꓸ ꓢꓰꓽ ꓡꓳ꓾ ꓐꓯ ꓡꓳ꓿
ꓑ-ꓡꓳꓼ ꓟꓯꓼ ꓘꓰꓹ ꓔꓶꓸ ꓠꓬ ꓡꓲ-ꓢꓴ ꓫꓵꓽ ꓐꓴ ꓟꓯꓼ ꓘꓰꓹ ꓔꓬ ꓟ ꓬꓲꓸ ꓔꓶꓸ ꓥ ꓡꓳ꓿
ꓬꓲꓸ ꓚꓰ꓾ mizzima
