ꓟꓶ-ꓡ-ꓫꓵ-ꓓꓰ ꓗꓪ ꓫꓸ ꓟꓳ ꓑꓮꓲ ꓪꓴꓸ ꓔꓴ ꓔꓬ

ꓑꓴ-ꓔ-ꓳ ꓟꓵꓽ꓾ ꓟꓶ-ꓡ-ꓫꓵ-ꓓꓰ ꓙꓲ-ꓢꓴ ꓘꓴ ꓜꓲꓼ ꓞꓳ ꓗꓪ ꓫꓸ ꓟꓳ ꓑꓮꓲ ꓔꓯ ꓠꓬꓲꓸ ꓠꓬꓲ ꓟꓶ ꓘꓶꓼ ꓪꓴꓸ ꓔꓴ ꓢꓲꓸ ꓦꓹ ꓠꓯꓼ ꓐꓰ ꓪ ꓠꓬꓲ ꓗꓪ ꓛꓲ (2022 ꓘꓳꓼ 10 ꓦ 21-23 ꓠꓬꓲ) ꓬꓰ ꓓꓴ ꓥ ꓡꓳ꓾ꓐꓰ ꓢꓷꓸ ꓡ ꓡꓳ꓿

ꓑꓴ-ꓔ-ꓳ ꓟꓵꓽ ꓗꓪ ꓔꓬ ꓟ ꓦ ꓡꓱ ꓢꓴ ꓐꓴ ꓠꓬ ꓜ ꓪꓳ ꓡꓳ ꓪꓳ ꓬꓲꓸ ꓫꓵꓼ ꓫꓺ ꓟꓶˍ ꓟ ꓗꓪ ꓐꓰ ꓪꓴ-ꓢ ꓔꓯ ꓫꓸ ꓟꓳ ꓔꓲꓺ ꓖꓶˍ ꓟ ꓡꓲꓽ ꓒꓰꓼ ꓙꓳ ꓟ ꓥ ꓡꓳ꓿ ꓟꓬꓽ ꓠꓬꓲ ꓠꓬ 10 ꓦ ꓟ ꓘꓴꓽ ꓗꓪ ꓬꓰ ꓫꓱꓹ ꓚꓽ ꓡꓳ꓿ ꓫꓸ ꓟꓳ ꓑꓮꓲ꓾ꓥ ꓠꓬ ꓜ ꓫꓵꓼ ꓑꓮꓲ ꓐꓯ ꓢꓴ ꓥ ꓟꓲ ꓙꓳ ꓡꓳ꓿

“ꓞꓳ ꓟꓳꓽ ꓤ ꓠꓱ ꓮ ꓙꓵꓽ ꓔꓲꓺ ꓖꓶ ꓢꓴ ꓔꓲꓺ ꓖꓶ꓾ ꓐꓲ ꓫꓴꓽ ꓢꓴ ꓐꓲ ꓫꓴꓽ ꓠꓬꓹ ꓪ꓿ ꓟꓲꓸ ꓟꓲ ꓟꓶ ꓘꓶꓼ ꓪꓴꓸ ꓔꓴ ꓓꓴ ꓥꓳ” ꓐꓰ ꓟꓸ ꓒ ꓙꓬ-ꓒꓴ-ꓢꓯꓸ ꓡꓰ ꓐꓯ ꓟꓸ ꓖꓶ ꓡ ꓡꓳ꓿

ꓚꓲꓸ ꓛꓬ ꓦ ꓟꓲ ꓗꓪ ꓐꓰ ꓜꓻ ꓡꓳꓻ ꓫꓺ ꓢꓴ꓾ ꓧꓪ ꓗꓳ ꓢꓲꓹ ꓢꓶꓽ ꓧꓼ ꓢꓴ꓾ ꓠꓱꓸ ꓐꓯꓼ ꓜ ꓫꓵꓽ ꓜ ꓙꓰ ꓧꓪ ꓟꓶ ꓢꓴ ꓮ ꓟꓬꓹ ꓠꓬ ꓪ ꓘꓴ ꓦꓲ ꓗꓪ ꓔꓯꓹ ꓜꓲꓼ ꓡ ꓢꓲꓸ ꓪꓴ-ꓢ ꓔꓯ ꓫꓸ ꓟꓳ ꓫꓱꓸ ꓖꓶˍ ꓟ꓾ ꓣꓱꓽ ꓬꓯꓼ ꓢꓴ ꓔꓯ ꓐꓱꓻ ꓖꓶˍ ꓟ ꓙꓲ-ꓢꓴ ꓢꓲ ꓤ ꓡꓲꓽ ꓒꓰꓼ ꓛꓳ ꓔꓬ ꓡꓳ꓿ ꓕꓲꓽ ꓧꓪꓹ ꓔꓳꓹ ꓜꓳꓽ ꓠꓬꓲ ꓢꓴ ꓠꓬ ꓮ ꓡꓲ ꓗꓪ ꓛꓲ ꓥ ꓟꓲ ꓗꓳꓺ ꓟꓵꓽ ꓡꓲ-ꓢꓴ ꓔꓬ ꓟꓵꓽ ꓗꓪ ꓟ ꓜ ꓫꓵꓼ ꓑꓮꓲ (ꓫꓸ ꓟꓳ ꓑꓮꓲ) ꓔꓯ ꓠꓬ ꓟꓲꓺ ꓡꓰ ꓟꓽ ꓓ ꓟ ꓥ ꓡꓳ꓿

ꓡꓳꓸ ꓐꓲ ꓗꓹ ꓛꓲ ꓟ꓾ ꓪꓴ-ꓢ ꓔꓯ ꓫꓸ ꓟꓳ ꓠꓲꓹ ꓟꓳꓸ ꓖꓶꓽ ꓔꓲꓺ ꓖꓶˍ ꓟ ꓡꓲꓽ ꓒꓰꓼ ꓕꓱ ꓟ ꓔꓯ ꓢꓴ ꓟꓵ ꓢꓴ ꓡꓳ ꓗꓪ ꓛꓲ ꓬꓰ ꓢꓴ ꓡꓲ-ꓢꓴ ꓐꓴ ꓥ ꓟꓲ꓾ ꓡꓯ ꓫꓵ ꓝꓸ ꓬꓰ ꓔꓬ ꓟ ꓡꓳꓸ ꓟꓳ ꓓ ꓡꓳ꓿

Leave a Reply

Your email address will not be published. Required fields are marked *

%d