ꓟꓲ‐ꓪ ꓗꓪ ꓐꓰ ꓫꓲ‐Dꓰ‐ꓘ, ꓗꓪ ꓡ ꓙꓰ_ꓟ=(ꓲ‐Dꓲ‐ꓬ)

ꓟꓲ ꓟꓲ ꓠꓬ ꓣꓳ ꓲ‐Dꓲ‐ꓬ ꓗꓪ ꓔꓬ,_ꓟ ꓡꓲ‐ꓢꓴ ꓫꓵꓽ ꓐꓴ ꓮ ꓟꓬ ꓣꓳ ꓠꓬ ꓫꓲ‐Dꓰ‐ꓘ ꓗꓪ ꓡ ꓙꓰ_ꓡꓳ=ꓦꓲ., ꓘꓴ ꓗꓪ ꓡ ꓛꓲ ꓠ, ꓟ ꓠꓬ‐. 4 ꓠꓬꓲ 3 ꓦꓬꓼ ꓙ ꓖꓴ ꓥ_ꓡꓳ= ꓙ ꓖꓴ ꓙ ꓐꓽ ꓗꓪ ꓬꓲꓼ ꓔ ꓔꓶ. ꓫꓬ, ꓢꓲ ꓬꓲꓼ ꓔ ꓠ ꓗ_ꓡꓳ=ꓡ ꓞꓳ ꓕꓲ ꓣꓳ ꓡꓲ ꓕꓲ ꓣꓳ ꓠꓬ ꓬꓲ ꓮ ꓡꓲ ꓟꓯ ꓐ ꓡ ꓖꓳ ꓡꓱ ꓶ ꓟꓯ ꓢꓲ‐. ꓛꓲ ꓒꓯ, ꓙ ꓖꓴ ꓡ ꓙꓰ ꓠ ꓗ_ꓡꓳ=ꓮ ꓟꓶ ꓗꓪ ꓛꓲ ꓢꓲꓽ ꓒꓽ ꓮ Dꓴ ꓬꓼ ꓗꓪ ꓐꓰ ꓙ ꓖꓴ ꓟꓽ ꓫꓬ, Dꓳ ꓠꓬꓲ ꓣꓳ ꓡꓲ‐ꓢꓴ ꓫꓵꓽ ꓐꓴ ꓠꓬ ꓮ ꓟꓶ ꓗꓪ ꓛꓲ ꓶ ꓟꓯ ꓢꓲꓛꓲ ꓒꓯ, ꓙ ꓖꓴ ꓫꓱꓽ ꓢꓲ ꓡ ꓙꓰ ꓠ ꓗ_ꓡꓳ=

ꓟꓲ‐ꓪ (Miao) ꓐꓯ_ꓟ ꓠꓬ ꓡꓳ ꓒꓱ ꓤ ꓤ,(Town) ꓥ ꓡꓳ= ꓖꓳ ꓡꓱ ꓠꓬꓲ ꓦꓲ., ꓘꓴꓽ ꓗꓪ ꓣꓱꓽ ꓫꓵꓽ ꓣꓱ ꓙꓰꓽ ꓮ ꓙꓵ ꓟꓲ‐ꓪ ꓗꓪ ꓪꓴ., ꓠ, ꓗ,_ꓡꓳ= ꓣꓳ ꓡꓲ‐ꓢꓴ ꓫꓵꓽ ꓐꓴ ꓠꓬ ꓦꓲ., ꓘꓴ ꓗꓪ ꓜꓽ ꓠ, ꓟ‐. ꓝꓮꓲ ꓣꓱꓽ ꓠ, ꓟ ꓬꓲ ꓫꓵꓽ ꓬꓲ ꓙꓰꓽ ꓮ ꓙꓵ ꓟꓲ‐ꓪ ꓗꓪ ꓐꓰ ꓪꓴ ꓢꓲ ꓟꓯ, ꓠ ꓗ_ꓡꓳ= ꓔꓯ, ꓥꓳꓽ‐. ꓞꓼ‐ꓐꓳ‐. ꓧꓪꓽ‐ꓞꓶ‐.ꓢ.‐ꓑꓬ(Soap) ꓮ ꓙꓵꓽ ꓪꓴ., ꓢꓲ 4 ꓠꓬꓲ 3 ꓦꓬꓼ ꓙ ꓖꓴ ꓗꓪ ꓶ ꓟꓯ, ꓙ ꓫꓱꓽ ꓡ ꓙꓰ ꓠ ꓗ,_ꓡꓳ=

           

             Gꓳ ꓡꓱ ꓠꓬꓲ ꓟꓲ ꓟꓲ ꓠꓬ ꓣꓳ ꓡꓲ‐ꓢꓴ ꓐꓴ ꓠꓬ ꓮ ꓟꓬ ꓣꓳ ꓛꓲ ꓶ ꓟꓯ, ꓢꓲ ꓟꓲ‐ꓪ ꓗꓪ ꓐꓰ ꓫꓲ‐Dꓰ‐ꓘ, ꓗꓪ  ꓡ ꓙꓰ_ꓡꓳ= ꓮ ꓟꓶ ꓟꓲ‐ꓪ ꓗꓪ ꓔꓬ, ꓢꓲ ꓶ ꓤ, ꓪꓴ_ꓔꓬ, ꓢꓴ ꓥ ꓟꓲ ꓮ ꓟꓬ ꓣꓳ ꓙꓳ_ꓢꓰꓽ ꓡꓳ=

ꓐꓬꓱꓽ ꓔꓯ ꓡꓳ. ꓠꓬꓲ‐.

ꓟꓲ‐ꓪ ꓗꓪ ꓐꓰ ꓟꓲ..18 ꓕꓶ(18 miles) ꓗꓪ ꓛꓲ ꓠꓬ ꓟꓳ‐Dꓳ(Bolero)ꓣꓴ ꓢꓲ ꓡ ꓙꓰ_ꓡꓳ= ꓖꓳ ꓡꓱ ꓠꓬꓲ‐. ꓡ ꓙꓰ ꓔꓬ, ꓢꓴ ꓐꓴ ꓮ ꓙꓵꓽ ꓢꓴ ꓐꓱ ꓶ ꓧꓪ. ꓧꓪꓸꓼ ꓡ ꓛꓲ ꓠ, ꓟ ꓪ ꓘꓴ ꓙ=

One thought on “ꓟꓲ‐ꓪ ꓗꓪ ꓐꓰ ꓫꓲ‐Dꓰ‐ꓘ, ꓗꓪ ꓡ ꓙꓰ_ꓟ=(ꓲ‐Dꓲ‐ꓬ)

Leave a Reply

Your email address will not be published. Required fields are marked *

%d