ꓟꓬ-ꓟ ꓗꓴꓷꓼ ꓙꓵꓽ ꓪ ꓦꓴꓻ ꓢꓲꓸ ꓞꓳ ꓢꓰꓼ ꓪ ꓢꓰꓼ꓾ ꓦꓲ ꓛꓬꓹ ꓘꓹ ꓛꓬꓹ ꓬꓲꓸ ꓜꓲꓽ ꓬꓲ ꓟꓴ ꓝꓴꓲꓸ ꓬꓰ ꓔꓬ ꓟ ꓔꓯ ꓟꓮꓑ ꓡꓰꓽ Turkey ꓗꓴꓷꓼ ꓗꓪ 3 ꓦ 29 ꓠꓬꓲ ꓕꓯꓽ ꓐꓯ ꓟꓴ ꓩꓴ ꓓꓴ ꓥꓳ ꓐꓰ Myanmar Accountability Project (MAP) ꓡꓰ 2022 ꓘꓳꓼ 3 ꓦ 25 ꓠꓬꓲ ꓕꓯꓽ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
ꓟꓰꓹ-ꓮꓳꓽ-ꓡꓮꓲꓽ ꓐꓰ ꓬꓲꓸ ꓛꓳ ꓒꓯꓹ ꓟꓯꓼ ꓜꓲꓽ ꓐꓴ ꓟꓬꓱꓺ ꓔꓯ Turkey ꓐꓰ International Police ꓗꓪ ꓖꓶꓽ ꓢꓲꓸ ꓣꓴ ꓝꓲ ꓓꓴ ꓥꓳ꓾ ꓐꓯ ꓡꓳ꓿
ꓟꓬ-ꓟ ꓟꓯꓼ ꓡꓰ ꓗꓴꓷꓼ ꓙꓵꓽ ꓪ ꓦꓴꓻ ꓙꓰ ꓗꓸ ꓠꓯꓸ ꓟꓵ ꓗꓳ ꓓꓵ ꓓꓵ ꓫꓵꓽ ꓘꓶꓽ ꓖꓴ ꓗꓪ ꓬꓲꓸ ꓪꓴꓸ ꓕꓲ ꓧꓪꓹ ꓟꓯꓼ ꓜꓲꓽ ꓐꓴ ꓔꓯ ꓐꓯ ꓟꓴ ꓕꓱˍ ꓟ ꓥꓳ ꓐꓰ ꓟꓮꓑ ꓧꓳꓽ ꓢꓴ Chris Gunness ꓡꓰ ꓐꓯˍ ꓡꓳ꓿
ꓤ ꓠꓱ 26 ꓣꓳ ꓐꓰ ꓕꓲ ꓛꓳ ꓡ ꓞꓳ 325 ꓣꓳ ꓔꓯ ꓣꓴ ꓢꓲꓸ ꓫꓸ ꓟꓴ ꓫꓸ ꓚꓬ ꓢꓰꓼ ꓔꓸ ꓟ ꓗꓸ ꓚꓵ ꓮ ꓙꓵꓽ ꓔꓯꓹ ꓔꓸ ꓢꓲ꓾ Turkey ꓗꓴꓷꓼ Istanbul ꓡꓳ ꓒꓱ ꓗꓪ 2022 ꓘꓳꓼ 3 ꓦ 29 ꓠꓬꓲ ꓕꓯꓽ ꓐꓯ ꓟꓴ ꓩꓴ ꓓꓴ ꓙꓽ ꓖꓶ ꓓꓳ ꓡꓰꓳ꓾ ꓐꓯ ꓡꓳ꓿
“ꓠꓴ ꓢꓯꓼ ꓙꓳˍ ꓠꓰ ꓮ ꓡꓲ ꓗꓪ ꓮ ꓡꓲ ꓬꓰ ꓡꓲꓸ ꓬꓰ꓾ ꓕꓲ ꓠꓬꓲ ꓠ ꓫꓵꓽ ꓕꓱ ꓖꓴ ꓗꓪ ꓡ ꓠ ꓔꓸ ꓥꓳ꓾ ꓕꓲ ꓠꓬꓲ ꓠꓽ ꓝꓴꓲꓸ ꓪꓽ ꓒꓵꓽ ꓟꓶ ꓥꓳ꓾ ꓐꓯˍ ꓟ ꓓꓳꓽ ꓔꓯ ꓟꓬ-ꓟ ꓟꓯꓼ ꓜꓲꓽ ꓐꓴ ꓑ ꓙ ꓙꓲꓽ ꓙꓳˍ ꓡꓳ” ꓐꓰ ꓟꓮꓑ ꓧꓳꓽ ꓢꓴ Gunness ꓡꓰ ꓐꓯ ꓩꓴ ꓡ ꓡꓳ꓿
ꓟꓮꓑ ꓡꓰꓽ Turkey ꓗꓴꓷꓼ ꓗꓪˍ ꓡꓰꓽ ꓟꓽ ꓞꓲ ꓩꓽ ꓗꓴꓷꓼ (French) ꓐꓰ ꓮ-ꓢꓲ-ꓬ ꓗꓴꓷꓼ ꓐꓴ ꓗꓪˍ ꓟꓲ ꓟꓬ-ꓟ ꓟꓯꓼ ꓔꓯ ꓫꓵꓽ ꓩꓴ ꓓꓴ ꓙ ꓖꓶꓽ ꓔꓬ ꓡꓳ꓿
ꓬꓲ ꓚꓰ꓾ ꓟꓮꓑ
