2023 ꓘꓳꓼ 9 ꓦ 25 ꓠꓬꓲ ꓕꓯꓽ ꓬꓲꓸ ꓫꓵꓼ ꓕꓲ ꓧꓪꓹ ꓫꓬꓹ ꓡꓶꓸ ꓗꓷ ꓟ ꓟꓯꓼ ꓗꓳ-ꓢꓰ ꓗꓪ ꓘꓶꓽ ꓕꓴꓸ ꓜꓽ ꓢꓲꓸ ꓚꓲꓸ ꓚ ꓪ ꓔꓬ ꓡꓳ ꓐꓰ ꓓꓳꓽ ꓓꓳˍ ꓟ ꓟꓯꓼ ꓜꓲꓽ ꓠꓬꓲ ꓣꓳ ꓟꓽ ꓕꓱꓹ ꓞꓹꓳ꓿
ꓘꓶꓽ ꓕꓴꓸ ꓜꓽ ꓟ ꓑꓶꓸ ꓓꓴ ꓣꓴ ꓡꓴꓽ ꓔꓸ ꓡꓳ ꓐꓰ ꓓꓳꓽ ꓓꓳ ꓔꓬ ꓢꓴ ꓟꓯꓼ ꓜꓲꓽ ꓟꓳꓹ-ꓟꓰꓼ-ꓕꓴꓸ ꓐꓰ ꓢꓴꓸ-ꓕꓴꓼ ꓔꓯ ꓟꓯꓼ ꓗꓳ-ꓢꓰ ꓗꓪ ꓐꓰ ꓣꓴ ꓓꓳ ꓩꓴ ꓗꓷ ꓢꓲ꓾ ꓬꓲꓸ ꓪ ꓠꓬꓲ ꓖꓴ ꓗꓪ ꓟꓯꓼ ꓜꓲꓽ ꓟꓮꓳ-ꓟꓮꓳ-ꓯꓸ ꓐꓰ ꓠꓬꓳ-ꓢꓳꓸ ꓐꓴ ꓔꓯ ꓗꓶ ꓔꓸ ꓡꓳ꓿
ꓟꓯꓼ ꓗꓳ-ꓢꓰ ꓗꓪ ꓐꓰ ꓣꓴ ꓓꓳ ꓩꓴ ꓗꓷ ꓢꓴ ꓟꓯꓼ ꓜꓲꓽ (2) ꓣꓳ ꓗꓪ ꓐꓰ ꓢꓴꓸ-ꓕꓴꓼ ꓔꓯ ꓠꓬ ꓟꓯꓼ ꓗꓪ ꓡꓽ ꓢꓲꓸ ꓟꓬꓱꓽ ꓬꓰ ꓠꓹ ꓟ ꓕꓵꓼ ꓪ ꓖꓶ ꓔꓸ ꓥ ꓟꓲ꓾ ꓟꓯꓼ ꓜꓲꓽ ꓟꓳꓹ-ꓟꓰ-ꓕꓴꓸ ꓔꓯ ꓟꓳꓸ ꓮ ꓫꓵ ꓥ ꓟꓲ ꓟꓽ ꓟꓳꓸ ꓖꓶ ꓔꓸ꓿
ꓟꓯꓼ ꓗꓳ ꓢꓰ ꓔꓯ ꓞꓲ ꓠꓲꓹ 2 ꓦ 1 ꓠꓬꓲ꓾ 8 ꓦ 2 ꓠꓬꓲ ꓐꓰ 9 ꓦ 25 ꓠꓬꓲ ꓗꓪ 3 ꓧꓪꓹ ꓫꓬꓹ ꓡꓶꓸ ꓗꓷ ꓟ ꓙꓳ ꓡꓳ꓿
