ꓟꓬ-ꓟ ꓬꓯꓽ ꓐꓯꓽ ꓐꓴ ꓔꓯ ꓡꓳꓸ ꓙ ꓔꓬ ꓡꓳ ꓐꓰ ꓕꓮꓲꓹ ꓟꓬꓱꓽ ꓢꓲꓺ ꓓꓽ ꓟ ꓫꓸ ꓕꓱ

ꓟꓬ-ꓟ ꓗꓴꓷꓼ ꓗꓪ ꓐꓰ ꓕꓮꓲꓹ ꓗꓴꓷꓼ ꓗꓪ ꓛꓰꓹ ꓑꓬ ꓡ ꓢꓴ ꓬꓯꓽ ꓐꓯꓽ ꓐꓴ ꓔꓯ ꓙꓲ ꓙꓲ ꓡꓳꓸ ꓙ ꓗꓽ ꓙ ꓔꓬ ꓡꓳ꓾ ꓐꓰ ꓗꓳꓸ ꓗꓷ ꓟ ꓠꓽ ꓥꓪꓽ ꓠꓬꓲ ꓕꓯꓽ ꓠꓰ-ꓬꓴ-ꓬꓳꓼ ꓗꓪ ꓟꓲ ꓠꓯ ꓗꓴꓷꓼ ꓜꓴ ꓖꓪ ꓙꓱ ꓜꓲꓼ ꓓꓴ ꓓꓯꓻ ꓡ ꓟ ꓕꓮꓲꓹ ꓗꓴꓷꓼ ꓟꓬꓱꓽ ꓢꓲꓺ ꓓꓽ ꓟ ꓢꓲ-ꓕ-ꓬꓲ-ꓕ-ꓪꓰ-ꓢꓲ ꓡꓰ ꓫꓸ ꓕꓱ ꓡꓳ꓿

ꓕꓮꓲꓹ ꓗꓴꓷꓼ ꓟꓬꓱꓽ ꓢꓲꓺ ꓓꓽ ꓟ ꓢꓲ-ꓕ-ꓬꓲ-ꓕ-ꓪꓰ-ꓢꓲ

78 ꓧꓪꓹ ꓟ ꓟꓲ ꓠꓯ ꓗꓴꓷꓼ ꓜꓴ ꓖꓪ ꓙꓱ ꓜꓲꓼ ꓓꓴ ꓗꓪ ꓔꓺ ꓡ ꓢꓲ꓾ ꓟꓲ ꓠꓯ ꓗꓴꓷꓼ ꓜꓴ ꓟꓬꓱꓽ ꓢꓲꓺ ꓖꓴ-ꓔ-ꓬꓯꓼ ꓐꓰ ꓜꓲ ꓡꓯ ꓘꓳ ꓓꓳ ꓟꓶꓼ ꓕꓱꓼ ꓓꓳꓽ ꓐꓳ ꓢꓴ ꓐꓴ ꓔꓯ ꓜꓲ ꓡꓯ ꓘꓳ ꓟ ꓗꓪ ꓕꓱ ꓡꓱ ꓐꓯ ꓓꓳ ꓡ ꓟ ꓥ ꓡꓳ꓿

ꓕꓮꓲꓹ ꓗꓴꓷꓼ ꓠꓬ ꓞꓳ ꓤ ꓔꓯ ꓒꓵꓽ ꓟ꓾ ꓢꓲ ꓡꓲꓹ ꓡ ꓠꓹ ꓟ ꓖꓪ ꓙꓱ ꓖꓪ ꓟꓴ ꓟ ꓚꓱꓹ ꓔꓯ ꓢꓯꓼ ꓖꓶ ꓔꓬ ꓡꓳ꓾ ꓐꓰ ꓕꓮꓲꓹ ꓗꓴꓷꓼ ꓟꓬꓱꓽ ꓢꓲꓺ ꓓꓽ ꓟ ꓢꓲ-ꓕ-ꓬꓲ-ꓕ-ꓪꓰ-ꓢꓲ ꓡꓰ ꓐꓯ ꓡꓳ꓿

ꓖꓳ ꓡꓱ ꓥ ꓟꓲ ꓕꓮꓲꓹ ꓟꓯꓼ ꓜꓲꓽ ꓐꓴ ꓠꓬ ꓟꓬ-ꓟꓯꓼ ꓜꓲꓽ ꓐꓴ ꓛꓳ ꓒꓯꓹ ꓥ ꓢꓲ꓾ ꓟꓬ-ꓟ ꓟꓯꓼ ꓔꓯ ꓔꓳꓹ ꓢꓴ ꓐꓴ ꓐꓱ ꓶ ꓕꓮꓲꓹ ꓟꓵꓽ ꓗꓪ ꓔꓬ ꓫꓸ ꓙꓳ ꓫꓸ ꓝꓲ ꓡꓳ꓾ ꓐꓰ ꓟꓬ-ꓟ ꓬꓯꓽ ꓐꓯꓽ ꓐꓴ ꓡꓰ ꓐꓯ ꓔꓬ ꓡꓳ꓿

“ꓬꓲꓸ ꓪ ꓠꓽ ꓒꓴ ꓪ ꓥꓳ ꓢꓯꓸ꓿ ꓬꓰ ꓙ ꓜꓴ ꓐꓴ ꓐꓳ ꓬꓰ ꓖꓴꓳ꓿ ꓚꓽ ꓚꓽ ꓟꓬ ꓑ ꓫꓬ ꓔꓯ ꓠꓲꓹ ꓠꓵ ꓐꓯ ꓠꓽ ꓕꓮꓲꓹ ꓗꓴꓷꓼ ꓬꓰ ꓙ ꓐ ꓡ ꓟ ꓚꓱꓹ ꓮ ꓟꓬꓹ ꓙꓳ ꓡꓳ꓿ ꓖꓳ ꓡꓱ ꓥ ꓟꓲ ꓬꓲꓸ ꓪ ꓬꓰ ꓙ ꓟꓴ ꓟꓽ ꓢꓱ꓿” ꓙꓽ ꓘꓶꓽ ꓢꓴ ꓙꓳ ꓡꓳ꓿

Leave a Reply

Your email address will not be published. Required fields are marked *

%d