ꓴꓢꓮ ꓗꓪ ꓛꓲ ꓔꓬ ꓟ ꓟꓬ-ꓟ ꓡ ꓞꓳ ꓐꓴ ꓔꓯ ꓴꓢꓮ ꓗꓴꓷꓼ ꓘꓴꓽ ꓗꓪ ꓦꓲꓢꓮ ꓟꓽ ꓙꓳ ꓬꓰ ꓥ ꓟꓲ ꓝꓸ ꓢꓲꓸ ꓦ ꓐ 18 ꓦ ꓗꓪ ꓛꓲ ꓔꓬ ꓪ ꓓˍ ꓟ ꓕꓵꓼ ꓪ ꓔꓯ ꓚꓲꓸ ꓛꓬ ꓟꓵꓽ ꓡꓳꓸ ꓗꓽ ꓜꓴ ( The Department of Homeland Security) ꓡꓰ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
Temporary Protected Status (TPS) ꓕꓱ ꓟ ꓠꓬ ꓴꓢꓮ ꓗꓪ ꓛꓲ ꓔꓬ ꓢꓴ ꓟꓬ-ꓟ ꓐꓱ ꓶ ꓥ ꓡꓳ꓿
ꓟꓬ-ꓟ ꓗꓴꓷꓼ ꓗꓪ ꓬꓲꓸ ꓥꓳꓽ ꓟꓽ ꓙꓳ ꓬꓲꓸ ꓔꓱꓹ ꓬꓲꓸ ꓕꓲ ꓫꓵꓽ ꓔꓳꓹ ꓜꓳꓽ ꓔꓬ ꓟ ꓗꓴꓷꓼ ꓫꓵꓽ ꓪꓴꓻ ꓑꓶꓸ ꓓꓴ꓾ ꓑ ꓫꓬ ꓐꓴ ꓗꓴꓷꓼ ꓗꓪ ꓓꓵꓽ ꓡꓽ ꓙꓰˍ ꓠꓬ ꓙꓲꓺ ꓣꓴ ꓓꓴ ꓙꓳˍ ꓠꓬꓲ꓾ ꓡꓽ ꓙꓰ ꓠꓲꓹ ꓟꓽ ꓫꓵ ꓢꓰꓽ ꓢꓴ ꓔꓯ ꓴꓢꓮ ꓗꓴꓷꓼ ꓘꓴꓽ ꓗꓪ ꓔꓬ ꓝꓲˍ ꓟ ꓕꓵꓼ ꓪ ꓥ ꓡꓳ꓿
2022 ꓘꓳꓼ 11 ꓦ 26 ꓠꓬꓲ ꓗꓪ ꓐꓰ 2024 ꓘꓳꓼ 5 ꓦ 25 ꓠꓬꓲ ꓗꓪ ꓛꓲ ꓔꓬ ꓪ ꓓˍ ꓟ ꓕꓵꓼ ꓪ ꓥ ꓡꓳ꓿
ꓮ ꓠꓲꓹ ꓕꓲꓽ ꓘꓳꓼ ꓥ ꓟꓲ ꓕꓱ ꓡꓱ ꓔꓬ ꓝꓲ ꓢꓲ꓾ ꓮ ꓟꓶ ꓝꓸ ꓢꓲꓸ ꓥ ꓟꓲ ꓕꓵꓼ ꓪ ꓕꓱ ꓟ ꓔꓯ ꓬꓲꓸ ꓙꓵꓹ ꓫꓵꓺ ꓖꓶꓽ ꓩꓴ ꓡ ꓟ ꓥ ꓡꓳ꓿
