2023 ꓘꓳꓼ 1 ꓦ 10 ꓠꓬꓲ꓾ ꓗ-ꓛꓲ ꓟꓵꓽ ꓫꓴ (75) ꓘꓳꓼ ꓐꓲ ꓡ ꓟ ꓚꓲꓸ ꓟꓶ ꓓꓴ ꓦꓬꓼ ꓠꓬꓲ ꓐꓰ ꓗꓴꓸ ꓙꓲꓽ ꓙꓳ ꓢꓲꓸ ꓧꓶꓸ ꓕꓯꓽ ꓟꓽ ꓟꓳ ꓝꓳ ꓠꓬꓲ ꓟ ꓬꓲꓸ ꓫꓵꓼ 2 ꓫꓵꓽ ꓙꓳ ꓡ ꓡꓳ꓿
![](https://lisutimes.com/wp-content/uploads/2023/01/FB_IMG_1673319036485.jpg)
ꓗ-ꓛꓰ ꓒꓯꓽ ꓔꓶꓸ ꓔ ꓟ
ꓧꓶꓸ ꓕꓯꓽ ꓟꓽ ꓟꓳ ꓝꓳ ꓟ ꓬꓲꓸ ꓪꓴꓸ ꓕꓲꓽ ꓫꓵꓽ ꓠꓬ ꓢꓷꓸ ꓠꓲꓹ ꓢꓳ ꓦꓲ ꓕꓲꓽ ꓟ ꓗꓪ ꓗ-ꓛꓲ ꓞꓳ ꓫꓵꓽ ꓒꓯꓽ ꓚꓲꓹ ꓔꓶꓸ ꓩꓴ ꓡ ꓟ ꓥ ꓡꓳ꓿
ꓕꓱ ꓡꓱ ꓒꓯꓽ ꓔꓶꓸ ꓟ ꓔꓯ Kachin State Civilian Movement – KSCM ꓡꓰ ꓬꓰˍ ꓡꓳ꓾ ꓐꓰ ꓢꓷ ꓙ ꓟꓴ ꓙ ꓔ ꓡꓳ꓿
![](https://lisutimes.com/wp-content/uploads/2023/01/FB_IMG_1673319038479.jpg)
![](https://lisutimes.com/wp-content/uploads/2023/01/FB_IMG_1673319041720-246x300.jpg)
ꓒꓯꓽ ꓙꓱ ꓘꓪ ꓗꓪ ꓬꓯꓼ ꓒꓯꓸ ꓒꓴ ꓕꓯꓽ ꓢꓲ ꓗꓪ ꓕꓳ ꓶ ꓝꓳꓹ ꓢꓲꓽ ꓢꓲꓽ (ꓠꓲ ꓠꓲ) ꓡꓰ “ꓚꓲꓹ ꓛꓬ ꓔꓱꓹ ꓚꓲꓸ ꓛꓬ ꓗꓪꓽ ꓫꓵꓽ ꓟꓬꓱ ꓬꓰ ꓐ ꓡ ꓟ” ( Self – Determination) ꓐꓯ ꓟ ꓕꓳ ꓶ ꓝꓳꓹ ꓥ ꓟꓲ ꓐꓳ ꓠꓷꓼ ꓔꓸ ꓡꓳ꓿
ꓧꓶꓸ ꓕꓯꓽ ꓟꓽ ꓟꓳ ꓝꓳ ꓟ ꓠꓬꓲꓽ ꓫꓵꓽ ꓕꓲ ꓫꓵꓽ ꓠꓬ ꓡꓳ ꓪꓴꓸ ꓮ-ꓢ (ꓫꓸ) ꓞꓳ ꓫꓵꓽ ꓜꓴ ꓡꓰ ꓗ-ꓛꓲ ꓟꓵꓽ ꓫꓴ ꓦꓬꓼ ꓠꓬꓲ ꓐꓯˍ ꓟ ꓔꓯ ꓪꓽ ꓟꓽ ꓓ꓾ ꓕꓱ ꓟ ꓠꓬ ꓮ-ꓢ ꓟꓵꓽ ꓥ ꓠꓬꓲ ꓟꓵꓽ ꓟꓬꓱꓺ ꓡꓶꓸ ꓖꓶ ꓡꓯ꓾ ꓝꓮꓲ ꓟꓶ-ꓠꓮꓳꓽ ꓑꓮꓲ ꓗꓪ ꓮ-ꓢ ꓡ ꓞꓳ ꓐꓴ ꓔꓺ ꓢꓲꓸ ꓗꓪ ꓛꓰꓹ ꓛꓰꓹ ꓟꓽ ꓐ ꓡ꓾ ꓐꓯ ꓢꓲꓸ ꓕꓳ ꓶ ꓓꓳ ꓔꓸ ꓡꓳ꓿
![](https://lisutimes.com/wp-content/uploads/2023/01/FB_IMG_1673330615019.jpg)
![](https://lisutimes.com/wp-content/uploads/2023/01/image_editor_output_image1571005108-1673331791238.jpg)
ꓟꓶ-ꓡꓯ-ꓫ ꓗꓪ ꓥ ꓟꓲ ꓗ-ꓛꓲ ꓟꓵꓽ ꓫꓴ (75) ꓘꓳꓼ ꓐꓲ ꓡ ꓟ ꓚꓲꓸ ꓟꓶ ꓓꓴ ꓑꓮꓲ ꓬꓰ ꓔꓬ ꓟ ꓓꓳꓽ ꓜꓳ ꓛ ꓡ ꓔꓬ ꓡꓳ꓿
ꓟꓯꓼ ꓡꓯꓼ ꓛꓲ ꓗꓪ ꓟ ꓗ-ꓛꓲ ꓗꓴꓷꓼ ꓫꓴ ꓢꓲꓽ ꓒ ꓜꓴ ꓠꓬ ꓟꓶ-ꓚꓲ-ꓠ ꓕꓲ ꓚꓳ ꓡꓳ ꓙ ꓖꓴ ꓙ ꓐꓽ ꓗꓪ ꓟꓯꓼ ꓮ ꓟꓬꓹ ꓡꓳꓸ ꓗꓽ ꓢꓲꓸ (75) ꓘꓳꓼ ꓟ ꓗ-ꓛꓲ ꓟꓵꓽ ꓫꓴ ꓦꓬꓼ ꓠꓬꓲ ꓚꓲꓸ ꓟꓶ ꓓꓴ ꓑꓮꓲ ꓬꓰ ꓔꓬ ꓡꓳ꓿