ꓗ-ꓬꓲ ꓟꓵꓽ ꓙꓵꓽ ꓢꓲꓽ ꓟ ꓓ ꓟ ꓠꓹ-ꓘꓰ-ꓕꓱꓸ-ꓟꓲꓼ ꓔꓯ ꓐꓯ ꓟꓴ ꓕꓲꓺ ꓗꓪ ꓖꓶ ꓬꓲꓽ ꓓꓳ ꓡꓰ ꓕꓯꓽ ꓟꓽ ꓔꓱꓹ ꓟꓽ ꓜꓳ ꓢꓸ ꓢꓯ ꓔꓶ ꓢꓲ꓾ ꓫꓵꓽ ꓘꓶꓽ ꓡꓳ ꓐꓰ꓾ ꓜꓲꓽ ꓟꓴ ꓒꓽ ꓜꓳ-ꓟꓰꓹ-ꓡꓮꓲꓽ ꓡꓰ ꓕꓱ ꓓꓳ ꓩꓴ ꓡ ꓡꓳ꓿
“ꓥ ꓕꓲ ꓞꓲꓼ ꓐꓯ ꓟꓴ ꓕꓲꓺ ꓗꓪ ꓳꓸ ꓡꓲꓳ ꓫꓵꓽ ꓟꓽ ꓟꓳ ꓝꓳ ꓟꓽ꓿ ꓢꓸ ꓢꓯ ꓒꓽ ꓖꓶ꓾ ꓐꓯ ꓟꓴ ꓘꓶꓽ ꓒꓽ ꓖꓶ ꓮ ꓙꓵꓽ ꓢꓴ ꓬꓲꓸ ꓔꓯ (ꓗ-ꓬꓲ ꓟꓵꓽ ꓙꓵꓽ ꓢꓲꓽ ꓟ ꓓ ꓟ ꓠꓹ-ꓘꓰ-ꓕꓱꓸ-ꓟꓲꓼ) ꓖꓽ ꓖꓶ ꓡꓯ ꓟꓽ꓾ ꓥ ꓠꓴ ꓖꓶ ꓟꓽ ꓬꓰ ꓟꓽ ꓓ ꓠꓰ ꓬꓰ ꓠ ꓗ ꓬꓰꓳ ꓟꓽ ꓐꓯ ꓓꓳ ꓕꓽ ꓢꓲ꓾ ꓡꓯ ꓟꓰꓹ ꓢꓸ ꓢꓯ ꓔꓶ꓾ ꓡꓯ ꓟꓰꓹ ꓫꓵꓽ ꓘꓶ ꓩꓴ ꓡ ꓥ” ꓐꓰ꓾ ꓜꓲꓽ ꓟꓴ ꓒꓽ ꓜꓳ-ꓟꓰꓹ-ꓡꓮꓲꓽ ꓡꓰ ꓐꓯ ꓟꓴ ꓕꓲ ꓗꓪ ꓮ ꓡꓲ ꓒꓬꓱꓼ ꓗꓷ ꓟ ꓐꓯ ꓟꓸ ꓩꓴ ꓡ ꓡꓳ꓿
2021 ꓘꓳꓼ 11 ꓦ 9 ꓠꓬꓲ ꓕꓯ ꓒ-ꓮꓽ ꓐꓱ ꓓꓴꓽ ꓫꓵꓽ ꓘꓶ ꓖꓴ ꓗꓪ ꓐꓰ ꓗ-ꓬꓲ ꓟꓵꓽ ꓙꓵꓽ ꓢꓲꓽ ꓟ ꓓ ꓟ ꓠꓹ-ꓘꓰ-ꓕꓱꓸ-ꓟꓲꓼ ꓔꓯ ꓐꓯ ꓟꓴ 5 ꓚꓱꓹ ꓐꓱ ꓶ 1 ꓚꓱꓹ 15 ꓘꓳꓼ ꓙꓶ ꓠꓰ 75 ꓘꓳꓼ꓾ ꓬꓲꓸ ꓐꓶꓹ 2 ꓘꓳꓼ ꓔꓺ ꓢꓲꓸ 77 ꓘꓳꓼ ꓡꓴꓽ ꓠꓹ ꓟ ꓫꓵꓽ ꓘꓶꓽ ꓩꓴ ꓡꓳ꓿
ꓟꓯꓼ ꓗꓰ ꓗꓴꓷꓼ ꓙꓵꓽ ꓪ ꓣꓴ ꓙꓰ ꓟ ꓠꓬ 2020 ꓟꓟꓢꓲꓻ ꓣꓴ ꓑꓮꓲ ꓗꓪ ꓟꓯꓹ ꓟꓽ ꓜꓳ ꓟꓽ ꓔꓱꓹ ꓗꓷ ꓡꓰ ꓠꓬꓲ ꓥ ꓡꓳ ꓐꓯ ꓔꓬ ꓥ ꓟꓲ꓾ ꓠꓡꓓ ꓗꓪ ꓟ ꓞꓳ ꓪꓴꓽ ꓞꓳ ꓟ ꓐꓴ ꓔꓯ ꓠꓱꓸ ꓐꓯꓼ ꓐꓯ ꓟꓴ ꓚꓱꓹ ꓗꓪ ꓐꓰ ꓮ ꓕꓽ ꓟꓽ ꓚꓰꓼ 20 ꓘꓳꓼ꓾ 77 ꓘꓳꓼ ꓡꓴꓽ ꓗꓪ ꓛꓲ ꓐꓯ ꓟꓴ ꓘꓶꓽ ꓔꓬ ꓡꓳ꓿
ꓢꓳꓴꓣꓚꓰ- ꓟꓲꓜꓜꓮꓟꓮ
