ꓕꓮꓲꓹ ꓗꓴꓷꓼ ꓟꓬꓱꓽ ꓢꓲꓺ ꓡꓵꓺ ꓐꓱ ꓓꓴꓽ ꓡꓴꓽ ꓝꓴꓲꓸ 7 ꓘꓳꓼ ꓔꓯ ꓕꓮꓲꓹ ꓪ ꓔꓲꓸ ꓠꓰ ꓖꓽ ꓖꓶ

2023 ꓘꓳꓼ 8 ꓦ 31 ꓠꓬꓲ ꓕꓯꓽ ꓕꓮꓲꓹ ꓗꓴꓷꓼ ꓟꓬꓱꓽ ꓢꓲꓺ ꓡꓵꓻ ꓔꓯ-ꓢꓰ-ꓫ-ꓠ-ꓪ ꓐꓱ ꓓꓴꓽ ꓗꓪ ꓡꓴꓽ ꓝꓴꓲꓸ 7 ꓘꓳꓼ ꓔꓯ ꓕꓮꓲꓹ ꓪ ꓔꓲꓸ ꓠꓰ ꓖꓽ ꓖꓶ ꓗꓷꓳ꓾ ꓐꓰ ꓕꓮꓲꓹ ꓪ ꓔꓲꓸ website ꓗꓪ ꓐꓰ ꓕꓳ ꓶ ꓓꓳ ꓔꓸ ꓡꓳ꓿

ꓐꓶꓽ ꓗꓴꓷꓼ ꓗꓪ 15 ꓘꓳꓼ ꓛꓰꓹ ꓑꓬ ꓔꓬ ꓢꓲ꓾ 8 ꓦ 22 ꓠꓬꓲ ꓕꓯ ꓡꓽ ꓛꓲ ꓡ ꓟ ꓕꓮꓲꓹ ꓗꓴꓷꓼ ꓟꓬꓱꓽ ꓢꓲꓺ ꓡꓵꓻ ꓔꓯ-ꓢꓰ-ꓫ-ꓠ-ꓪ ꓔꓯ ꓗꓴꓷꓼ ꓫꓵꓽ ꓘꓶꓽ ꓖꓴ ꓗꓪ ꓐꓰ (8) ꓘꓳꓼ ꓡꓴꓽ ꓝꓴꓲꓸ ꓖꓶ ꓔꓸ ꓟ ꓥ ꓡꓳ꓿

ꓳꓸ ꓡꓲ ꓖꓶ ꓪ ꓔꓲꓸ ꓔꓯ ꓖꓶ ꓬꓲꓽ ꓗꓷ ꓠꓬ ꓡꓴꓽ ꓝꓴꓲꓸ 7 ꓘꓳꓼ ꓖꓽ ꓖꓶ ꓩꓴ ꓡ ꓠꓬꓲ꓾ 1 ꓘꓳꓼ ꓡꓴꓽ ꓓꓴˍ ꓓꓰꓼ ꓙꓳ ꓬꓰ ꓟ ꓥꓳ꓿

ꓕꓮꓲꓹ ꓪ ꓔꓲꓸ website ꓗꓪ ꓕꓮꓲꓹ ꓗꓴꓷꓼ ꓟꓬꓱꓽ ꓢꓲꓺ ꓡꓵꓻ ꓔꓯ-ꓢꓰ-ꓫ-ꓠ-ꓪ ꓠꓬ ꓕꓮꓲꓹ ꓪ ꓔꓲꓸ ꓙꓵꓽ ꓪ ꓔꓯ ꓒꓵꓽ ꓗꓴꓸ ꓢꓴ꓾ ꓕꓮꓲꓹ ꓗꓴꓷꓼ ꓐꓱ ꓶ ꓙꓲˍ ꓟ ꓟꓬꓱꓽ ꓮ ꓟꓬꓹ ꓬꓰ ꓗꓷ ꓢꓴ꓾ ꓝꓴꓲꓸ ꓘꓳ ꓣꓴ ꓠꓹ ꓟ ꓡꓽ ꓡ ꓢꓴ꓾ ꓮ ꓟꓶ ꓞꓲꓼ ꓟꓳꓽ ꓠꓰ ꓠꓻ ꓓꓴ ꓙꓳ ꓢꓴ ꓕꓱ ꓟꓬ ꓫꓵꓽ ꓑꓶꓸ ꓓꓴ 7 ꓘꓳꓼ ꓡꓲꓹ ꓖꓶ ꓟ ꓥꓳ꓾ ꓐꓰ ꓬꓲꓸ ꓚꓱꓹ ꓐꓳ ꓔꓸ ꓡꓳ꓿

ꓕꓮꓲꓹ ꓗꓴꓷꓼ ꓟꓬꓱꓽ ꓢꓲꓺ ꓡꓵꓻ ꓔꓯ-ꓢꓰ-ꓫ-ꓠ-ꓪ ꓠꓬ ꓐꓶꓽ ꓗꓴꓷꓼ ꓗꓪ ꓐꓰ ꓡꓽ ꓡ ꓢꓲꓸ ꓐꓱ ꓓꓴꓽ ꓗꓪ ꓡꓴꓽ ꓔꓬ ꓟ ꓥ ꓡꓳ꓿ ꓕꓲꓽ ꓘꓳꓼ ꓡꓴꓽ ꓓꓳ ꓡꓰ ꓠꓬ ꓬꓲꓸ ꓮ ꓡꓲ ꓟꓬꓱꓽ ꓬꓰ ꓡ ꓟ ꓔꓯ ꓡ ꓞꓳ ꓐꓴ ꓢꓰꓸ ꓮ ꓢꓸ ꓔꓬ ꓡꓳ꓿

Leave a Reply

Your email address will not be published. Required fields are marked *

%d